ซื้อวิชาปัญญา

เนื้อเรื่อง

           มีลูกชายอยู่ 7 คน ลูกชายหล้ามันนั้นบ่มีสัง เป็นคนตุ๊กคนทุคตะ แล้วก็มอกนั้นตั้ง 6 นั้นนะ เปิ้นสักเสริญยกยอปอปั้น ลูกชายตั้ง 6 คนนั้นนะ ไปค้าสะเปา จะไปซื้อครัวมา ล่องไปตวยพี่ชายตั้ง 6 มันนะไปก็บ่ได้สังไป ได้เงิน ไป 6 แถบ เท่าอั้นนะ ไอ่ทุคตะคนนั้นนะ แล้วก็ไปแผว พี่ชายตั้ง 6 ก็ไปซื้อครัวมาจนพอเต็มสะเปาตึ้ง 6 ลำนั้นนะเต็มหมด ไอ่ทุคตะนั้นก็บ่มี ไปซื้อที่ไหนก็บ่ได้ เงินตัวบ่นัก เงิน 6 แถบ ก็มีคนเฒ่าคนหนึ่งมาถาม

          “ หลานไปที่ไหน “

          “ โอ มาเซาะซื้อครัว ซ้ำบ่ได้ มีเงินอยู่ 6 แถบ “

          “ โอ บ่ยากหลาน หื้อหลานซื้อเอาวิชาปัญญาของพ่อเฒ่านี้ไปเหีย 6 แถบ พ่อเฒ่าจะขายหื้อ “

          ก็ตกลงซื้อเอาวิชาปัญญานั้นมา คนเฒ่านั้นก็สอนวอกหื้อทุคตะคนนั้นว่า

          “ ถ้าหลานจะนอนสูงก็ขอหื้อนอนคว่ำ ถ้าหลานจะนอนต่ำก็หื้อนอนหงาย “

          ทีนี้ก็เอาสะเปาขึ้นมา บ่ได้สังมาตวยเปิ้นสักอย่างนะ มาแผวศาลายักษ์ที่หนึ่ง ก็มาจอดสะเปานอนศาลาที่หั้น เขาบ่รู้ว่าเป็นศาลา ยักษ์ ไอ่ทุคตะนั้นเปิ้นเอานอนตังนอก เปิ้นบ่หื้อเข้านอนในตวย เขากลัว นอนบ่หลับ หื้อนอนยังขื่อปุ๊น มันก่อมากึ้ดถึงกำพ่อเฒ่า ตี้สอนไว้ว่า

          “ เปิ้นว่านอนสูงหื้อนอนคว่ำ กูต้องคว่ำ “

          มันก็บ่หลับ ลงมานอนตังพื้นกะล่างแถม

          “ แม่มึง เปิ้นบอกว่านอนต่ำหื้อนอนหงาย “

          บึดใจเดียวหนึ่ง ยักษ์มาศาลาหั้นเลยละ เหาะเหินลงมา ก็เอาเกิบทิพย์ไม้เท้าทิพย์ไว้ที่หั้น ทีนั้นขึ้นศาลาไปก็ไขประตู ก็เอาไม้ ไป