เฮาบ่สมกันดอกครับคุณสี่(mpreg)

ชื่อชูครับผม บ่แม่นชูโตะชูตะดอกครับชูโชติครับอิพ่อเพิ่นตั้งให้ อายุยี่สิบสองขวบแล้วครับเป็นคนอีสานครับเฮ็ดงานรับจ้างได้เงินเดือนหลายบาท มื้อละสามร้อยห้าสิบข้าวฟรีเช้าเที่ยงแต่ยามแลงหากินเอง

 เป็นพนังงานต้อนรับ และพ่วงด้วยล้างถ้วย มีต้อนรับลูกค้าระดับวีไอพีที่ย่างกรายเข้ามมาในร้านก๋วยเตี๋ยวแห่งนี้ ขอบอกไว้ก่อนครับผมเป็นเกย์มักผู้ชาย มักหลายโดยเฉพาะอ้ายแจ็คสัน คิดแล้วกะอิจฉามิลลิเด้เนาะ ฮืออ ชูอยากได้ผัวจีนข่อยอยากเป็นสะไภ้ไชน่า อยากได้ผัวดีแม่ย่าฮักพ่อปู่ฮักคือจั่งเอื้อยซอสะใภ้เกาหลี by koreanทุกคนต้องรู้จักแหละเอื้อยเพิ่นดังกะด้อ

นั่นละครับที่แน่ๆอยากได้ผัวจีนแต่บ่แม่นระดับติดแอร์ครับอยากได้ผัวจีนที่หล่อบ่ได้อยากให้ผัวรวยล้นฟ้าดอกครับสิพาไปตากแดดตากลมชูทนได้ แต่สำหรับคุณสี่ที่ตรงสเปคความหล่อล้นฟ้าหากแต่ฐานะเฮามันบ่สมกัน ชูกะบ่อยากเป็นคือในหนังน้ำเน่าดอก ชูฮู้ตัวดีบ่ต้องมาเสนอหน้าสอน