ຄວາມຮັກທີ່ຊ້ອນຢູ່

ลำดับตอนที่ #8 : ຄົບ

************* ວັນອາທິດ **************

     ຂ້ອຍຟ້າວລຸກຂື້ນມາອາບນ້ຳແຕ່ງໂຕ ເພາະມື້ນີ້ມີນັດກັບຊາຍ ເຊີ່ງຂ້ອຍຍັງບໍ່ທັນໄດ້ບອກສິດ ກັບ ໄໝ ເພາະຂ້ອຍຈະເກັບໄວ້ເລົ່າຫຼັງວຈາກທີ່ໄປເບີ່ງໜັງນຳກັນມາແລ້ວ ຂ້ອຍແຕ່ງໂຕດ້ວຍເສື້ອຢືດ ແລະ ໂສ້ງຢີ້ນ ແບບທຳມະດາຕາມປົກກະຕິຂອງຂ້ອຍ ແລະ ຕາມດ້ວຍເສື້ອເຊີດສຸບໃສ່ທາງນອກອີກຊັ້ນໜື່ງ . 

     ຂ້ອຍລົງມາຈາກຫ້ອງເພາະຊາຍຂັບລົດມາຮັບຢູ່ໜ້າບ້ານແລ້ວ 

     “ ຊິໄປໃສລູກ “     ແມ່ຖາມ

     “ ໄປເບີ່ງໜັງກັບໝູ່ ດຽວແລງໆກະມາ “

     “ ຄ່ອຍໄປຄ່ອຍມາເດີ້ “

     “ ໂດຍ “

     

     ຂ້ອຍຫັນມາຕອບແມ່  ກ່ອນຈະອອກໄປຫາຊາຍທີ່ຕິດຈັກລົດລໍຖ້າຢູ່

     “ ໄປແບບນິເລີຍຫວາ “     ຊາຍທັກຂ້ອຍກ່ອນຈະແນມເບີ່ງຂ້ອຍແຕ່ຫົວຈຳຕີນ

     “ ອື່ມ ! ເປັນຫຍັງ “     

     “ ບໍ່ມີຫຍັງດອກ, ໄປເທາະ “     ຊາຍຍື່ນໝວກກັນນ໋ອກໃຫ້ຂ້ອຍ

     

' Sit '

     ຂ້ອຍກຳລັງຫົດນ້ຳຕົ້ນດອກໄມ້ຢູ່ໜ້າເຮືອນ,​ ມື້ນີ້ຂ້ອຍຕັ້ງໃຈວ່າຈະຊວນມົດໄປຫຼິ້ນສວນແຄມນ້ຳຂອງປ້າຂ້ອຍ ແຕ່ຂ້ອຍພັດເຫັນມົດແລ່ນອອກມາຈາກບ້ານ ແລ້ວຂື້ນໄປຊ້ອນລົດກັບຜູ້ຊາຍຄົນໜື່ງ , ທຳອິດຂ້ອຍກໍ່ບໍ່ແນ່ໃຈວ່າຈະແມ່ນຊາຍບໍ່ ແຕ່ພໍລາວຫັນມາຍື່ນໝວກກັນນ໋ອກມາໃຫ້ມົດເທົ່ານັ້ນລະຂ້ອຍຖີ້ມສາຍຢ່າງແລ້ວແລ່ນອອກໄປປະຕູຮົ້ວ

     “ ມົດ “     ຂ້ອຍຮ້ອງໃສ່ມົດແຕ່ກໍ່ບໍ່ທັນເພາະລົດນັ້ນໄດ້ຂັບອອກໄປແລ້ວ

     “ ມົດ ... ! ມົດ ... ! “     ບໍ່ຮູ້ວ່າແມ່ນຫຍັງສັ່ງໃຫ້ຂ້ອຍແລ່ນນຳຫຼັງລົດໄປ  

     ທັງແລ່ນທັງຮ້ອງ ມັນໂຄດເມື່ອຍເລີຍ, ຂ້ອຍບໍ່ຢາກໃຫ້ມົດໄປກັບຄົນອື່ນ ຂ້ອຍເປັນຫ່ວງ ແລະ ຫວງນຳ, ຄົນທີ່ຂ້ອຍຮັກກຳລັງຖືກຍາດໄປຕໍ່ໜ້າຕໍ່ຕາ ແຕ່ຂ້ອຍກໍ່ບໍ່ມີປັນຍາເຮັດຫຍັງ , ຂ້ອຍແລ່ນອອກມາຈົນຮອດໜ້າຮ່ອມ ແຕ່ກໍ່ບໍ່ທັນຂ້ອຍຈັບໂທລະສັບຂື້ນມາກົດໂທຫາເບີມົດທີ່ຂ້ອຍຈື່ຂື້ນໃຈ ທ່ອງໄດ້ຄືບັ້ງສູດບັ້ງ2

     '  ຕືດດດດດດດດດດດດ ! ... ຕືດດດດດດດດດດດດດດດ !... ຕືດດດດດດດດດດດດ'

     “ ຮັບສາຍແມະມົດ, ຮັບສາຍ “     ຂ້ອຍຈົ່ມພືມພຳກັບໂຕເອງ

     

       '  ຕືດດດດດດດດດດດດ ! ໝາຍເລກທີ່ທ່ານເອີ້ນບໍ່ມີຄົນຮັບສາຍ ກະລຸນາໂທໃໝ່ອີກຄັ້ງ '

     ຂ້ອຍກົດໂທລະສັບຫາມົດ ໂທແລ້ວໂທອີກກໍ່ຍັງບໍ່ມີໃຜຮັບ, ຂ້ອຍແລ່ນກັບໄປເຮືອນມົດ ແລະ ແລ່ນເຂົ້າໄປໃນເຮືອນມົດໂດຍທີ່ບໍ່ໄດ້ເຊີນ ຂ້ອຍເຫັນພໍ່ກັບແມ່ມົດນັ່ງເບີ່ງໂທລະທັດຢູ່ ຂ້ອຍບໍ່ເປີດໂອກາດໃຫ້ພວກເພີ່ນໄດ້ເອີ່ຍປາກຖາມຫຍັງຂ້ອຍກໍ່ຍິງຄຳຖາມອອກໄປກ່ອນ

     “ ພໍ່ແມ່ ມົດໄປໃສ “     ຂ້ອຍຖາມດ້ວຍນ້ຳສຽງທີ່ຟ້າວ ແລະ ຫອບເມື່ອຍຍ້ອນແລ່ນມາ

     “ ອ້າວ! ລູກບໍ່ໄດ້ໄປນຳມົດຫວາ , ມົດວ່າໄປເບີ່ງໜັງກັບໝູ່ ລະກະແລ່ນອອກໄປຂື້ນລົດວ່າງໜື່ງນິລະ “     ແມ່ມົດຕອບ

     “ ລະມົດບອກບໍ່ວ່າຈັກໂມງສິມາ “     

     “ ມົດວ່າແລງໆ “

     

     “ ໂດຍຂອບໃຈເດີ້ “     ຂ້ອຍຍັງບໍ່ລືມທີ່ຈະຂອບໃຈ ແລ້ວແລ່ນກັບຄືນໄປເຮືອນເພື່ອຈະໄປເອົາລົດ ແລະ ກໍ່ບໍ່ລືມທີ່ຈະໂທຫາໄໝ ເພາະເວລານີ້ຂ້ອຍເລີ່ມຈະຄິດຫຍັງບໍ່ອອກ ມັນຕັນໄປໝົດແປດດ້ານ

     ' Mod '

     ແລະແລ້ວຂ້ອຍກໍ່ຢືນຢູ່ໜ້າໂຮງໜັງພາຍໃນເວລາ 45 ນາທີທີ່ອອກມາຈາກບ້ານ, ແບບວ່າບ້ານຂ້ອຍມັນກະຢູ່ໄກຈາກບ່ອນນີ້ຫຼາຍຢູ່

     “ ມົດ, ໄດ້ປີ້ມາແລ້ວ “

     ຂ້ອຍຫັນໄປຫາຊາຍທີ່ຍົກປີ້ໜັງສອງໃບຂື້ນໃຫ້ຂ້ອຍເບີ່ງ     ຂ້ອຍໄດ້ແຕ່ຍີ້ມຕອບແບບອາຍໆ

     “ ເຂົ້າໄປໃນເທາະ “

     

     “ ອື່ມ “     ຂ້ອຍຍ່າງເຂົ້າໄປໃນໂຮງໜັງກັບຊາຍ ເຊີ່ງປົກກະຕິຖ້າຂ້ອຍຈະມາເບີ່ງໜັງຂ້ອຍຕ້ອງມາກັບສິດ

     ມັນກະແປກດີທີ່ຂ້ອຍມັກຊາຍ ແຕ່ພໍມາຫຼິ້ນນຳກັນແລ້ວຂ້ອຍພັດຄິດເຫັນແຕ່ສິດ ຫຼື ອາດເປັນເພາະຄວາມຊິນເຄີຍກໍ່ເປັນໄດ້

     ກ່ອນທີ່ຈະເຂົ້າມາໂຮງໜັງຂ້ອຍກໍ່ຊື້ເຂົ້າໜົມທີ່ຂາຍໜ້າໂຮງໜັງມາກິນນຳ, ໜັງທີ່ເບີ່ງກໍ່ເປັນໜັງແນວຄວາມຮັກຫວານຊື້ງເຊີ່ງຂ້ອຍມັກເບີ່ງແບບຕາຫຼົກໆ ຫຼາຍກວ່າຂ້ອຍຄິດວ່າມັນໄດ້ຫົວໄດ້ມ່ວນດີ . ຂ້ອຍກິນເຂົ້າໜົມໄປເບິ່ງໜັງໄປຄືປົກກະຕິ ເຊີ່ງມັນເປັນທຳມະດາທີ່ເວລາຂ້ອຍກິນອີ່ມໜັງຕາຂ້ອຍຈະໜັກ, ໜັງຕາຂ້ອຍກໍ່ເລີ່ມພັບລົງເທື່ອລະໜ້ອຍໆ 

     “ ອ້າວເຮີ່ຍ ! “     ຂ້ອຍຕ້ອງຕົກໃຈ ແລະ ດີດໂຕລຸກຂື້ນຈາກຕັ່ງ ຍ້ອນຊາຍເອົາມືມາຈັບມືຂ້ອຍໄວ້

     “ ເປັນຫຍັງມົດ “     ຊາຍແບບຕົກໃຈເລັກນ້ອຍ

     “ ບໍ່ມີຫັຍງດອກ “     ຂ້ອຍກົ້ມຫົວແທນການຂໍໂທດໃຫ້ຄົນທີ່ນັ່ງຢູ່ທາງຫຼັງກ່ອນຈະນັ່ງລົງຂ້າງຊາຍຄືແຕ່ເກົ່າ

      ຊາຍກໍ່ຫັນໄປເບີ່ງໜັງຄືບໍ່ມີຫຍັງເກີດຂື້ນແຕ່ຂ້ອຍບໍ່ອາດຊິເບີ່ງດ້ວຍຄວາມສຸກໄດ້, ຂ້ອຍບໍ່ເຄີຍຖືກຜູ້ຊາຍຈັບມືແບບນີ້ ຍົກເວັ້ນສິດ ແຕ່ສຳລັບສິດເຮົາກໍ່ຈັບມືກັນປົກກະຕິຢູ່ແລ້ວ, ແຕ່ຊາຍກັບຂ້ອຍຫາກໍ່ຮູ້ຈັກກັນ ຫາກໍ່ມາຫຼິ້ນນຳກັນເທື່ອດຽວ , ຂ້ອຍກໍ່ບໍ່ແມ່ນຜູ້ຍິງທີ່ໃຈງ່າຍ ເຖິງໃຈຂ້ອຍມັກແຕ່ຂ້ອຍກໍ່ຫວງເນື້ອຫວງໂຕ ແລະ ທີ່ແນ່ໆເຮົາບໍ່ໄດ້ເປັນຫຍັງກັນ ແຟນກັນກໍ່ບໍ່ແມ່ນ, ເທື່ອນີ້ຈັບມືໄດ້ ເທື່ອໜ້າມັນຕ້ອງເຮັດຫຼາຍກວ່ານີ້ອີກ , ຂ້ອຍພະຍາຍາມເກັບຮັກສາຄວາມຮູ້ສຶກໃຈຮ້າຍເອົາໄວ້ບໍ່ໃຫ້ສະແດງອອກມາ .

     ຫຼັງຈາກທີ່ເຮົາອອກມາຈາກໂຮງໜັງ , ເຮົາກໍ່ອອກມາເລາະກິນເຂົ້າ

     “ ໜັງບໍ່ວນຫວາ “     ຊາຍຖາມ

     “ ກະມ່ວນດີ “     ຂ້ອຍຕອບຊາຍແບບປັດໆໄປ ແລ້ວກໍ່ກິນເຂົ້າຕໍ່

     “ ເບີ່ງມົດຄືບໍ່ມ່ວນ ຫຼື ເປັນຍ້ອນຊາຍ “     

     “ ບໍ່ດອກມົດບໍ່ໄດ້ເປັນຫຍັງອີ່ຫຼີ “     ຂ້ອຍຍີ້ມກ່ອນເວົ້າຕໍ່

     “ ມື້ໜ້າຊວນໄໝກັບສິດມານຳເນາະ “     

     “ ກະດີຄືກັນ , ວ່າແລ້ວມົດກັບເຂົາເຈົ້າເບີ່ງຄືສະນິດກັນດີ “

     “ ແນ່ນອນ, ສິດກັບເຂົາຫັ່ນຮູ້ຈັກກັນຕັ້ງແຕ່ຈື່ຄວາມໄດເພາະເຮືອນຢູ່ຕິດກັນ “

     “ ລະໄໝເດ່ “     ຊາຍຖາມແບບໃຫ້ຄວາມສົນໃຈ

     “ ໄໝກັບເຂົາເປັນໝູ່ກັນຕອນຢູ່ ມໍ 4 ພໍດີໄໝຍ້າຍມາໃໝ່ເຂົາເລີຍຊວນລົມກະເລີຍໄດ້ເປັນໝູ່ສະນິດກັນເລີຍ “

     “ ແມ່ນຫວາ ! ຮູ້ບໍ່ໄໝຍ້າຍມາຈາກໃສ “

     “ ໄດ້ຍິນວ່າຍ້າຍມາຈາກຊຽງຂວາງ “

     “ ແລ້ວໄໝໄດ້ເວົ້າເລື່ອງໂຮງຮຽນເກົ່າໃຫ້ຟັງບໍ່ “

     “ ບາງເລື່ອງໃດ ກະເວົ້າເລື່ອງໝູ່ເກົ່າທີ່ຮຽນນຳກັນ , ມີຫຍັງບໍ່ຊາຍ “

     

     “ ອໍ໋ ! ບໍ່ມີຫຍັງດອກຊາຍກະຢາກຮູ້ໄປຊັ່ນລະຊາຍເປັນນັກຮຽນຍ້າຍມາໃໝ່ຄືກັນເດ້ “

     “ ລະຊາຍຍ້າຍມາແຕ່ໃສ “

     “ ເຂົາຍ້າຍມາຈາກສະຫວັນນະເຂດ “

     “ ຫວາແຕ່ເບີ່ງຄືຊາຍບໍ່ແມ່ນຄົນສະຫວັນເລີຍ , ເບີ່ງຄືຄົນເໜືອຫຼາຍກວ່າ “

     “ ກະເຂົາ ....“

   ' You know i miss you 

     and this is all i wanna say'     ຊາຍຍັງເວົ້າບໍ່ສຸດສຽງເອີ້ນເຂົ້າຂ້ອຍກໍ່ດັງກ່ອນ

     “ ສິດ “     ຂ້ອຍເວົ້າກ່ອນຈະກົດຮັບ

     “ ໂຫຼ “

     '

   '  ຢູ່ໃສດຽວນິ  '       '  ເຮີ່ຍສິດໃຈເຢັນ '( ສຽງໄໝຊ້ອນອອກມາຈາກປາຍສາຍ )'

     “ ເຂົາກິນເຂົ້າຢູ່ “

  '   ປານໃດຊິກັບ'

    “  ແລງໆພຸ້ນລະ ດຽວກິນເຂົ້າແລ້ວຊິໄປເລາະຊື້ເຄື່ອງຕໍ່ “

    ' ກັບດຽວນິ'

     “ ເຮີ້ຍ ! ບ້າຫວາສິດ

     ' ບໍ່ບ້າຮີບກັບມາ , ຄັນເພີ່ນບໍ່ກັບເຂົາຊິໄປນຳ '

     “ ເຂົາມາຫຼິ້ນໃດສິດ “     ຂ້ອຍເລີ່ມໃຈຮ້າຍກັບພຶດຕິກຳແບບນິລະ

    ' ໄດ້ຢູ່ຫັ່ນລະເຂົາຊິໄປຮັບ '

     “ ຊິມາເຮັດຫຍັງສິດ, ລະເພີ່ນມີວຽກຫຍັງນິ ໂທມາຂື້ນສຽງໃສ່ເຂົານິ “     ຊາຍເລີ່ມແນມເບີ່ງໜ້າຂ້ອຍ

   ' ເຂົາບໍ່ຢາກໃຫ້ເພີ່ນໄປກັບມັນເຂົາເປັນຫ່ວງເພີ່ນ '

     “ ເຂົາບໍ່ເປັນຫຍັງດອກ ດຽວກັບບ້ານລະຊິ້ເຂົ້າໄປຫາ “

    ' ເຂົາຊິໄປຫາເພີ່ນຢ່າຟ້າວໄປໃສເດີ້ມົດ '

     ສິດເວົ້າແລ້ວວາງໂທລະສັບໃສ່ຂ້ອຍ  ອີ່ຕາສິດນິເປັນບ້າຫຍັງອີກ

     

     “ ມົດອີ່ມລະຫວາ “

     “ ອື່ມອີ່ມແລ້ວ ! “

     “ ຊາຍກໍ່ອີ່ມລະ ເຮົາຍ່າງໄປເລາະເບີ່ງເຄື່ອງແຖວພຸ້ນເບີ່ງປະ “

     “ ໄປກະໄປ “     ຊາຍຊວນຂ້ອຍໄປເລາະເບີ່ງເຄື່ອງແຕ່ໃນໃຈຂ້ອຍພັດຢາກກັບແລ້ວບໍ່ຢາກໃຫ້ສິດຮ້າຍ ຫຼື ຄຽດ

     “ ງາມບໍ່ມົດ “     ຊາຍຈັບຊຸດກະໂປ່ງສີຄີມຂື້ນມາ ມັນກໍ່ງາມຢູ່ດອກແຕ່ມັນບໍ່ແມ່ນສະຕາຍຂ້ອຍ

     “ ງາມ “

     

     “ ມົດມັກບໍ່ “

     “ ມັກ“     ຂ້ອຍຕອບຊາຍໄປເພາະວ່າບໍ່ຢາກເສຍນ້ຳໃຈ

     “ ເອົາໂຕນິເດີ້ເອື້ອຍ “     ຊາຍສົ່ງໃຫ້ຄົນຂາຍໃສ່ຖົງໃຫ້

     “ ຊາຍຊື້ເຮັດຫຍັງ “

     “ ເຂົາກໍ່ຊື້ໃຫ້ເພີ່ນຫັ່ນລະ “

     “ ເຂົາຍັງບໍ່ທັນບອກວ່າເຂົາຍາກໄດ້ຊ້ຳ​“

     “ ແຕ່ມົດກໍ່ມັກບໍ່ແມ່ນຫວາ “     

     “ ... “     ຂ້ອຍເວົ້າຫຍັງຕໍ່ບໍ່ໄດ້ ແຕ່ກໍ່ດີແລ້ວບໍ່ແມ່ນຫວາຄົນທີ່ເຮົາມັກພາມາເບີ່ງໜັງ, ມາລ້ຽງເຂົ້າ ແລະ ຍັງຊື້ເຄື່ອງໃຫ້ , ຂອງຟີໃຜຊິບໍ່ມັກ

     “ ມື້ໜ້າມົດຕ້ອງໃສ່ມາຫຼິ້ນກັບເຂົາ, ເຊົານຸ່ງໄດ້ແລ້ວເສື້ອຍືດໂສ້ງຍີ້ນມັນບໍ່ງາມ “

     “ ເປັນຫຍັງເຂົາຕ້ອງປ່ຽນ “     ຂ້ອຍເລີ່ມບໍ່ພໍໃຈກັບຄຳເວົ້າຂອງຊາຍແລ້ວແຫຼະ

     “ ມົດນຸ່ງແບບທີ່ຊາຍເລືອກໃຫ້ຈະຄືກ່ອນໃດ , ເບີ່ງແລ້ວມົດຄືຜູ້ຍິງກວ່ານີ້ຫຼາຍ “

     “ ເຂົານຸ່ງແບບນິ ເພີ່ນອາຍຍ່າງກັບເຂົາຫວາ “

     “ ບໍ່ໄດ້ອາຍ, ແຕ່ຊາຍຢາກເຫັນມົດນຸ່ງແບບນິລອງເບີ່ງ “     

     “ ຂອບໃຈເດີ້ຊາຍ, ແຕ່ເພີ່ນເກັບໄວ້ໃຫ້ຄົນທີ່ເໝາະສົມກວ່າເຂົາເທາະ “     ຂ້ອຍຫັນຫຼັງໃຫ້ຊາຍກ່ອນຈະຍ່າງໜີ

     “ ເປັນແຟນກັນ “     ຊາຍເວົ້າຂື້ນ  ເຮັດໃຫ້ຂ້ອຍຫັນໜ້າມາ

     “ ຫ໋ະ “     ກີ້ນິຊາຍວ່າຫຍັງເກາະ

     “ ເຮົາມາຄົບກັນໄດ້ບໍ່ “     

     ຄຳເວົ້າຂອງຊາຍເຮັດໃຫ້ຂ້ອຍປາກບໍ່ອອກ ເກີດມາກະຫາກໍ່ມີຄົນຂໍເປັນແຟນ ຂ້ອຍກະອື້ງໄປເລີຍ

     “ ມົດ “     ສຽງຂອງສິດເຮັດໃຫ້ຂ້ອຍຫັນໄປຫາ ສິດມາແຕ່ຕອນໃດກໍ່ບໍ່ຮູ້

     “ ເມືອຍກັບເຂົາ, ເຂົາມາຮັບແລ້ວ “     ສິດດຶງແຂນຂ້ອຍ ຂ້ອຍຍັງມຶນໆກັບສິ່ງທີ່ຊາຍເວົ້າຢູ່

     “ ມົດເພີ່ນຍັງບໍ່ຕອບເຂົາເທື່ອ “     ແຂນອີກຂ້າງໜື່ງກໍ່ຖືກຊາຍຈັບໄວ້

     “ ເຂົາ... ເຂົາຊິຄົບກັບເພີ່ນ “