ຄວາມຮັກທີ່ຊ້ອນຢູ່

ลำดับตอนที่ #7 : ເກີນຄາດ

***********  ວັນສຸກ ****************

     “ ມົດຄົນຄືຫຼາຍແທ້ຊິມີບ່ອນນັ່ງຢູ່ຫວາ “     ໄໝຖາມຂ້ອຍ

     

     “ ບໍ່ຮູ້ຄືກັນຍ່າງໄປເລື້ອຍໆ “     ຂ້ອຍຕອບໄໝ

     “ ໄປພຸ້ນດີກວ່າ “     ສິດຊີ້ໄປທາງໜ້າທີ່ຕັ່ງຍັງວ່າງຢູ່

     “ ເກືອບບໍ່ໄດ້ນັ່ງລະ “ ຂ້ອຍວ່າຫຼັງຈາກທີ່ເຮົາໄດ້ບ່ອນນັ່ງແລ້ວ

     “ແນມຫາໃຜມົດ “     ໄໝຖາມ

     “ ແນມຫາຊາຍຍັງບໍ່ເຫັນລາວລົງເດີ່ນເທື່ອ “

     

     “ ຄືບໍ່ໂທຫາຊັ່ນ “     ສິດສະເໜີຄຳເຫັນ ສະຫຼາດຢູ່ໃດເນາະສິດນິ

     “ ແມ່ນໃດເນາະ “ ຂ້ອຍຈົກໂທລະສັບຂື້ນມາ

     “ ລືມໄປ, ເຂົາຍັງບໍ່ໄດ້ຂໍເບີລາວມາຊ້ຳ “

     “ ດຽວລາວກະຄືຊິມາຕິ “     ສິດເວົ້າແລ້ວຫັນໜ້າໜີ

     “ ຊາຍ “      ຂ້ອຍລຸກຂື້ນໂບກມືໃຫ້ຊາຍເມື່ອເຫັນຊາຍຍ່າງເຂົ້າມາໃນສະໜາມ

          ຊາຍຫັນມາທາງຂ້ອຍແລ້ວຍີ້ມໃຫ້ ເປັນສັນຍານວ່າເຫັນຂ້ອຍແລ້ວ

     

     “ ມົດນັ່ງເທາະ “     ໄໝເວົ້າແລ້ວດືງຕີນເສື້ອຂ້ອຍໃຫ້ນັ່ງລົງ

     “ ລາວຫັນມາຍີ້ມໃຫ້ເຂົານຳເຫັນບໍ່ “     ຂ້ອຍຫັນໜ້າໄປເວົ້າກັບໄໝ

     “ ເຫັນແລ້ວ, ດີໃຈອີ່ຫຍັງກະດໍ້ “     ໄໝເຮັດໜ້າເຊັງ

     “ ລາວຍີ້ມໃຫ້ເຂົາ ອິອິອິ “     ຂ້ອຍຕອບໄໝແລ້ວສົ່ງຍີ້ມໄປຫາຊາຍ  ກ່ອນທີ່ໄໝຈະຍັງເຮັດໜ້າເຊັງຕໍ່

     

     ການແຂ່ງຂັນຈົບໄປ ທີມໂຮງຮຽນເຮົາຊະນະໂຮງຮຽນອື່ນ ຂ້ອຍຈື່ງຊວນສິດ ແລະ ໄໝ ອອກມານັ່ງຖ້າຊາຍຢູ່ທາງນອກ ແລ້ວຊາຍກໍ່ຍ່າງອອກມາຫາ

     “ ຊາຍກີ້ນິ ທີ່ເພີ່ນຢູ່ສະໜາມນະເກັ່ງສຸດຍອດເລີຍ “     ຂ້ອຍເອີ່ຍປາກຍ້ອງຊາຍທັນທີທີ່ເຫັນໜ້າ 

     “ ກະບໍ່ປານນັ້ນດອກ “     ຊາຍເວົ້າກ່ອນຈະນັ່ງລົງຂ້າງໆສິດ ແລ້ວພໍດີຫັນໜ້າມາຫາຂ້ອຍກັບໄໝ

     “  ຊາຍແຂ່ງມາໃໝ່ໆຄືຊິເມື່ອຍ , ດຽວມົດຈະໄປຊື້ນ້ຳໃຫ້ “     ຂ້ອຍເວົ້າແລ້ວກຳລັງຈະລຸກໄປ

     “ ດຽວເຂົາໄປນຳ, ດຽວມາເດີ້ໄໝ  “ ສິດເວົ້າແລ້ວຍ່າງນຳຂ້ອຍໄປ

     “ ມົດ “     ສິດເອີ້ນຊື່ຂ້ອຍຂະນະທີ່ເຮົາຍ່າງອອກມາ

     “ ຫ໋ະ ! “     

     “ ມົດມັກຊາຍຫຼາຍຫວາ “

     “ ກະມັກໃດ, ແຕ່ຊິຖາມວ່າຫຼາຍບໍ່ນິເຂົາກະຍັງບໍ່ຮູ້, ແຕ່ວ່າ ເວລາເຫັນໜ້າລາວລະໃຈສັ່ນຕະຫຼອດ “

     “ ແລ້ວມົດຈະເຮັດຈັ່ງໃດຕໍ່ , ຈະບອກໃຫ້ລາວຮູ້ບໍ່ “

     “ ຍັງບໍ່ບອກດອກ, ຕ້ອງຈີບກ່ອນແລ້ວຈື່ງບອກ “

     “ ຈີບ, ມົດຊິຈີບຜູ້ຊາຍກ່ອນນິໃດ “     ສິດເຮັດໜ້າງົງມັນແປກຫຼາຍຫວາ

     “ ເປັນຫຍັງ, ແນວຜູ້ຊາຍມັນບໍ່ຈີບເຮົາ “

     “ ເຂົາວ່າ ມົດມັກຄົນອື່ນເທາະ ເຂົາວ່າລາວຄືຊິເຈົ້າຊູ້ ເປັນທັງນັກຮຽນໃໝ່ມັນກະດັງຢູ່ແລ້ວ, ທັງລໍ່ທັງເປັນນັກກິລາໂຮງຮຽນ “

     “ ສິດ ຖ້າເຂົາບໍ່ຮູ້ຈັກເພີ່ນດີນິ ເຂົາຄິດວ່າເພີ່ນມີອັກຄະຕິກັບລາວໃດ “

     “ ເຂົາຍອມຮັບ, ເຂົາມີອັກຄະຕິກັບລາວອີ່ຫຼີ “

     “ ສິດ “      ຂ້ອຍຍຸດຍ່າງແລ້ວແນມເບີ່ງໜ້າສິດ

     “ ເປັນຫຍັງ! ເຂົາບໍ່ມັກໃຫ້ເພີ່ນຢູ່ໃກ້ລາວ, ເຂົາບໍ່ມັກທີ່ເພີ່ນສະແດງກິລິຍາລະລິກລະລີ້ໃສ່ຜູ້ຊາຍ “

     “ ເປັນບ້າລະຫວາສິດ “     ຂ້ອຍເລີ່ມຈະໃຈຮ້າຍໃຫ້ສິດ

     “ ເປັນຫຍັງທົນຟັງບໍ່ໄດ້ຫວາ , ຖອຍອອກມາເທາະຢ່າໄປຫຍຸ້ງກັບລາວເຂົາຂໍເພີ່ນ ຊ່ຳນິ “     ສິດຈັບແຂນຂ້ອຍໄວ້ ສາຍຕາຂອງສິດປ່ຽນໄປຈາກເກົ່າມັນເປັນຕາຢ້ານກວ່າທີ່ເຄີຍເຫັນ ເຖິງຈະມີແວ່ນຕາຂັ້ນຢູ່ກໍ່ຕາມ

     “ ສິດ ໃຈເຢັນ, ເຂົາບໍ່ຮູ້ຊ່ວງນິເພີ່ນເປັນຫຍັງ ແຕ່ເພີ່ນຫງຸດຫງິດອາລົມບໍ່ດີ , ເຂົາວ່າເຮົາຫາເວລາໄປຫຼິ້ນດີບໍ່ພັກຮຽນນິ “     ຂ້ອຍຊວນສິດລົມເລື່ອງໃໝ່ ເພາະບໍ່ຢາກໃຫ້ສິດຂື້ນສຽງໃສ່ຂ້ອຍອີກ

     “ ... “     ສິດບໍ່ຕອບສາຍຕາຄືຜິດຫວັງໃນໂຕຂ້ອຍ, ສິດປ່ອຍມືອອກຈາກແຂນຂອງຂ້ອຍກ່ອນຈະຫັນໜ້າໄປທາງໃໝ່

     “ ບໍ່ເປັນຫຍັງລະຈື່ງເວົ້າກັນກະໄດ້ເລື່ອງນັ້ນ, ເຮົາຮີບຊື້ຮີບກັບບ້ານດີກວ່າເນາະ “     ຂ້ອຍຈັບແຂນສິດເຮັດໃຫ້ສິດຫັນໜ້າມາຫາຂ້ອຍອີກຄັ້ງ

     “ ມົດ ເຂົາ.....“      ສິດເຮັດໜ້າລຳບາກໃຈ ສ່ວນຂ້ອຍກໍ່ຕັ້ງໃຈຟັງ

     “ ເຂົາ...ເຂົາຂໍໂທດ “

     

     “ ຄິດວ່າເລື່ອງອີ່ຫຍັງ , ບໍ່ເປັນຫຍັງດອກຊ່ຳນິຈິ໋ບໆ ແຕ່ຢ່າຂື້ນສຽງໃສ່ເຂົາອີກເຂົາບໍ່ມັກ O.K “

     “ ອືມ “    

     ***************  ອີກດ້ານໜື່ງ ***************

     “ ຊິບໍ່ເອີ່ຍປາກເວົ້າຫັຍງແດ່ຫວາ “     ຊາຍຖາມໄໝ

     “ ບໍ່ມີຫຍັງຊິເວົ້າ, ເພາະສີ່ງທີ່ເຂົາຈະເວົ້າເຂົາກໍ່ເວົ້າມາໝົດແລ້ວ “     ໄໝເວົ້າແລ້ວຫັນໄປທາງອື່ນ

     “ ເຮົາຊິບໍ່ມີວັນກັບໄປເປັນຄືເກົ່າຫວາ “

     “ ລະແມ່ນຫຍັງລະຄືເກົ່າ, ເຂົາຕ້ອງເຈັບຄືເກົ່າຊັ່ນຫວາ “      ໄໝຫັນໜ້າກັບມາເວົ້າກັບຊາຍ

     “ ເຂົາຮູ້ເຂົາຜິດ 3 ປີທີ່ຜ່ານມາເຂົາບໍ່ໄດ້ຢຸດນຳຫາເພີ່ນເລີຍ, ເພີ່ນໜີເຂົາລົງມາວຽງຈັນບໍ່ບອກເຂົາຈັກຄຳ “

     “ ລະໃຜທີ່ເຮັດໃຫ້ເຂົາຕ້ອງໜີມາ, ເຂົາຮັບບໍ່ໄດ້ໃນການກະທຳຂອງເພີ່ນ “

     “ ເຂົາຮູ້ຂໍໂທດໄປກໍ່ບໍ່ມີປະໂຫຍດ, ເຂົາພຽງແຕ່ ຂໍໂອກາດເຂົາຮູ້ເພີ່ນຍັງຮັກເຂົາຢູ່ “

     “ ຮັກຊັ່ນຫວາ ແມ່ນຫຍັງທີ່ເຮັດໃຫ້ເພີ່ນຄິດວ່າເຂົາຍັງຮັກເພີ່ນຢູ່ “

     “ ເພາະເພີ່ນບໍ່ເຄີຍມີໃຜເລີຍຫຼັງຈາກທີ່ໜີຈາກເຂົາມາ ຈົນເຖິງຕອນນິ “

     

     “ນັ້ນເພາະເຂົາເບື່ອ, ເບື່ອນິໃສຜູ້ຊາຍທີ່ມັກງ່າຍເຫັນແກ່ໄດ້ “

     “ ເພີ່ນຊິໜີເຂົາປານໃດເຂົາກໍ່ຈະນຳເພີ່ນໄປ ທາງທີ່ດີກັບມາຫາເຂົາ, ເຂົາສັນຍາຊິບໍ່ເຮັດໃຫ້ເພີ່ນເສຍໃຈອີກ “

     “ ເຂົາຢູ່ແບບນິສະບາຍໃຈດີ, ອອກໄປຈາກຊີວິດເຂົາກັບໝູ່ໄດ້ແລ້ວ “

     “ ຫຶ ! ແຕ່ເຂົາຮູ້ວ່າໝູ່ເພີ່ນຢາກໃຫ້ເຂົາເຂົ້າມາຍຸ້ງໃນຊີວິດລາວ “

     “ ຢຸດຄວາມຄິດຂອງເພີ່ນໄວ້ເທົ່ານັ້ນ, ຢ່າໃຫ້ອະດີດມັນຊ້ຳຮອຍ ໝູ່ຄົນນິເຂົາຂໍ “

     “ ຖ້າເພີ່ນກັບມາຕອນນີ້ໝູ່ເພີ່ນກໍ່ຍັງບໍ່ທັນເຈັບ, ແຕ່ຖ້າເພີ່ນຍັງຊິຢືນຢັນວ່າຊິຈົບ, ເຂົາວ່າມັນຕ້ອງມີຄົນເຈັບກວ່າ 2 ຫຼື 3 “

     “ ຍ້ອນເພີ່ນເປັນແບບນິແຫຼະເຂົາຈື່ງໜີມາ “

     “ ໄດ້​ ! ຈັ່ງໃດເພີ່ນກະບໍ່ເຫັນວ່າເຂົາດີລະ ເຂົາກະຊິຊົ່ວໃຫ້ສຸດໆໄປເລີຍ ແລະ ໝູເພີ່ນ ເຂົາກະຊິເຮັດໃຫ້ເປັນຄືຜູ້ຍິງຂອງເຂົາທີ່ເພີ່ນເຄີຍເຫັນຜ່ານມາ “

     “ ເພີ່ນເປັນບ້າໄປແລ້ວ “

     “ ແມ່ນເຂົາບ້າ ລະທີ່ເຂົາບ້າຊອກຫາເພີ່ນມາເປັນປີໆຍ້ອນໃຜຫ໋ະ “     ຊາຍບີບກົກແຂນໄໝຈົນໄໝຮູ້ສິກເຈັບ ແຕ່ຍັງບໍ່ສະແດງອາການ

     “ ເພີ່ນມັນກໍ່ເກັ່ງແຕ່ທຳຮ້າຍຜູ້ຍິງ ລະໃຜຊິຢາກໄປທົນຢູ່ກັບຜູ້ຊາຍຄືເພີ່ນ “

     “  ຊາຍ-ໄໝ ພາກັນລົມຫຍັງກັນ “     ສຽງຂອງມົດທີ່ຍ່າງມາເຮັດໃຫ້ຊາຍວາງມືອອກຈາກແຂນໄໝ

     “ ບໍ່ມີຫຍັງດອກຊາຍກະກຳລັງຊິໄປແລ້ວ “     ໄໝເວົ້າຂື້ນ

     

     “ ອ້າວ! ເຂົາລະຊື້ນ້ຳມາເພື່ອ ຊາຍເອົາໄປກິນແມະ “     ຂ້ອຍຍື່ນຈອກນ້ຳໃຫ້ຊາຍ

     “ ຂອບໃຈ, ມົດເອົາໂທລະສັບມາຢືມແດ່ “   

     “ ຊາຍຊິເອົາໂທລະສັບມົດໄປເຮັດຫຍັງ “     ຂ້ອຍຖາມ

     “ ເອົາມາໂລດນ່າຫາກຊິຮູ້ “     ຂ້ອຍຢືນໂທລະສັບໃຫ້ຊາຍແບບງົງໆ

     “ ອ໋ະ ! ໄດ້ລະເດີ້ເບີມົດ “     ຊາຍຢື່ນໂທລະສັບສົ່ງຂ້ອຍ

     “ ຫ໋ະ “     ແລກເບີກັນແບບຊິເລີຍ ຂ້ອຍຈົນງົງ

     “ ເບີໂທອອກຫັ່ນເບີຊາຍເດີ້ ຢ່າລືມ save ໄວ້ “     ຊາຍສົ່ງຍີ້ມຫວານໃຫ້ຂ້ອຍນຳ ໂອ໋ຍຊິເປື່ອຍລະ

     “ ອືມ ດຽວແຊັດຫຼີ້ນນຳ “

     “ ເຂົາໄປກ່ອນ , ໄປກ່ອນເດີ້ສິດ , ໄປກ່ອນເດີ້ໄໝ “     ຊາຍຫັນໄປຍີ້ມໃຫ້ໄໝ

     “ ເກີນຄາດເລີຍ , ເບີ່ງແມະຊາຍເອົາເບີເຂົາໄປເສີຍ “     ຂ້ອຍທັງຍີ້ມທັງຍື່ນໂທລະສັບໄປໃຫ້ໄໝເບິ່ງ

     “ ເຂົາຕ້ອງກັບແລ້ວ “     ໄໝເວົ້າແລ້ວກໍ່ຈັບເອົາກະເປົາ

     “ ກັບເດີ້ ໄວ້ເຈີກັນຢູ່ໂຮງຮຽນ “     ແລ້ວໄໝກໍ່ກັບໄປໂດຍທີ່ສີໜ້າບໍ່ຄ່ອຍດີ

     “ ພາກັນເປັນຫຍັງໝົດວະ “     ຂ້ອຍໄດ້ແຕ່ຢືນເບີ່ງໜ້າກັບສິດ

     “ ເຮົາກໍ່ກັບເທາະ “     ສິດຊວນ

     “ ອື່ມ “

    ພໍແຕ່ມາຮອດເຮືອນຂ້ອຍກໍ່ຖິ້ມໂຕນອນລົງທີ່ໂຊຟາ ແລ້ວ ປ່ອຍສະໝອງໃຫ້ວ່າງ, ແຕ່ແລ້ວກໍ່ມີສາຍໂທເຂົ້າໂທລະສັບຂ້ອຍ

     ' You know i miss you 

     and this is all i wanna say'     ສຽງເອີ້ນເຂົ້າດັງ

     

     “ ໂຫຼ “     ຂ້ອຍກົດຮັບແບບເຊັງໆ

     ' ສະບາຍດີມົດ ,​ ຊາຍເດີ້ '     ສຸດສຽງນັ້ນຂ້ອຍກໍ່ລຸກຂື້ນມານັ່ງທັນທີ

     “ ຊາຍຫວາ ມົດລືມ Save ເບີຊາຍໄວ້ເລີຍບໍ່ເຫັນມີຊື່ຂື້ນ “

     'ຊາຍວ່າແລ້ວມົດຕ້ອງລືມ'

     “ ແຮໆ ແລ້ວຊາຍໂທມາມີຫຍັງບໍ່ “

    ' ບໍ່ມີຫຍັງກະໂທຫາບໍ່ໄດ້ຫວາ'

     “ ///_/// ໄດ້ “     ເຂີນຊິຕາຍລະຢາກກີ໊ດ

    ' ວັນອາທິດ ມົດວ່າງບໍ່'

     “ ວ່າງໆ “      ຂ້ອຍຕອບໃນທັນທີ

   '  ຊາຍວ່າຊິຊວນໄປເບີ່ງໜັງ ໄປບໍ່'

     “ ໄປໆ “

    ' ໂອເຄ! ເຮົານັດກັນແລ້ວລະຊາຍຈະໄປຮັບເດີ້'

     “ ອື່ມ “

    ' ເທົ່ານິເດີ້ Bye '

     “ bye "     

     ' ຕື໋ດໆໆໆໆໆໆໆໆໆໆ '

     “ ກີ໊ດດດດດດດດດດດດດດດດດດດດດດດ“     ຂ້ອຍອົດດກີ໊ດບໍ່ໄດ້ ຈົນເຮັດໃຫ້ແມ່ຢູ່ເຮືອນຄົວຢ່າງເຂົ້າມາຫາ

     “ ມົດເປັນຫຍັງລູກ “     ແມ່ແລ່ນມາໜ້າຕາຕື່ນ

     “ ອະ...ເອີ່... ບໍ່ໄດ້ເປັນຫຍັງແມ່ ເຮົາຮ້ອງນຳເກມຢູ່ໂທລະສັບ ຫຼິ້ນບໍ່ຊະນະ “     ດີທີ່ແກ້ໂຕທັນ

     “ ໂອ໊ຍ !  ແມ່ລະຕົກໃຈໝົດຄິດວ່າເປັນຫຍັງ “

     “ ແຮ່ ໆ “     ຂ້ອຍໄດ້ແຕ່ຍີ້ມແຫ້ງໆໃຫ້ແມ່

     ...

     “ ມົດກິນເຂົ້າກ່ອນລູກຫຼິ້ນແຕ່ໂທລະສັບຢູ່ຫັ່ນລະ “     ແມ່ຫັນມາຮ້າຍຂ້ອຍທີ່ກຳລັງນັ່ງແຊັດກັບພໍ່ຍອດຊາຍຢູ່

     “ ມາກິນເຂົ້ານິນ່າ “     ພໍ່ເອີ້ນ     ຂ້ອຍຈື່ງຢ່າງມານັ່ງກິນເຂົ້າທີ່ໂຕະແລ້ວອີກມືໜື່ງກໍ່ລັກແຊັດຢູ່ກ້ອງໂຕະ

     “ ມົດເຊົາຫຼິ້ນໂທລະສັບ “     ພໍ່ຂື້ນສຽງໃສ່ຂ້ອຍເຮັດໃຫ້ຂ້ອຍຕ້ອງວາງໂທລະສັບລົງ

     “ ຫຼິ້ນແຕ່ໂທລະສັບຍາມກິນເຂົ້າກິນນ້ຳ “     ພໍ່ຈົ່ມໃຫ້ຂ້ອຍກ່ອນຈະກິນເຂົ້າຕໍ່

     “ ກິນເຂົ້າລະເອົາເຂົ້າໜົມໄປໃຫ້ເຮືອນສິດແດ່ເດີ້ແມ່ເຮັດໄວ້ຫຼາຍ “     ແມ່ວ່າ

     ຫຼັງຈາກກິນເຂົ້າແລ້ວຂ້ອຍກໍ່ຍ່າງໄປທີ່ເຮືອນຂອງສິດ

     “ ມາຫາແຈັກຫວາມົດ “     ພໍ່ສິດຖາມ

     “ ແມ່ເຮົາບອກເອົາເຂົ້າໜົມມາຝາກ “

     “ ຂອບໃຈໆ “     ພໍ່ສິດຈັບເອົາເຂົ້າໜົມຈາກຂ້ອຍ

     “ ສິດບໍ່ຢູ່ຫວາ “

     “ ສິດຢູ່ໃນຫ້ອງພຸ່ນເດ່ລູກຂື້ນໄປໂລດ “     ພໍ່ສິດບອກກ່ອນຈະຍ່າງໄປໃນເຮືອນຄົວ ຂ້ອຍຈື່ງຍ່າງຂື້ນໄປຫ້ອງສິດຄືທີ່ຜ່ານມາເຄີຍເຮັດ

     'ກ໋ອກໆໆໆໆ'

     “ ສິດ ! ສິດ “

     ຂ້ອຍເຄາະປະຕູ 2-3 ບາດກໍ່ຍັງບໍ່ໄດ້ຍິນສຽງຂານຕອບ ຂ້ອຍຈື່ງເປີດປະຕູເຂົ້າໄປແຕ່ກໍ່ບໍ່ເຫັນສິດ

     “ ສິດ ຢູ່ໃນນີ້ບໍ່ “     ຫ້ອງກະເປີດໄຟແຕ່ສິດຫາຍໄປໃສ , ສົງໃສເຂົ້າຫ້ອງນ້ຳ

     ຂ້ອຍຢ່າງໄປທີ່ໂຕະຮຽນໜັງສືຂອງສິດ ກ່ອນຈະສັງເກດວ່າສິດໄດ້ຕິດຮູບສະຕິກເກີ້ທີ່ຖ່າຍກັບຂ້ອຍໄວ້ເທິງຫົວຕຽງ

     “ ສອນຄົງເຫັນຮູບລະຕ້ອງຄິດວ່າສິດມັກເຮົາແຫຼະ “     ຂ້ອຍເວົ້າກັບໂຕເອງແລ້ວຈັບເບິ່ງຮູບຢູ່ຫົວຕຽງ

     “ ມົດ “     ຂ້ອຍຫັນໄປຕາມສຽງເອີ້ນເປັນສິດຢືນຢູ່ປະຕູ

     “ ອ້າວ ! ສິດໄປໃສມາພໍ່ວ່າສິດຢູ່ໃນຫ້ອງມົດເລີຍເຂົ້າມາ “

     “ ເຂົາວ່າເຮົາໄປລົມກັນຢູ່ລຸ່ມເທາະ ມັນບໍ່ງາມມາຢູ່ໃນຫ້ອງນຳກັນແບບຊິ “

     

     “ ໄດ້...ລະແມ່ກັບສອນເດ່ ? “

     “ ແມ່ພາສອນໄປຫຼີ້ນເຮືອນປ້າ , ວາງແລງນິຖຽງກັບພໍ່ລະກະເລີຍອອກໄປນອກ “

     “ ດຽວເພີ່ນກະດີກັນເອງ “

     “ ອື່ມ ແມ່ກະເຮັດຄຽດໄປຊັ່ນລະອີ່ຫຼີແລ້ວແມ່ຮັກພໍ່ຊິຕາຍ “

     

     “ ບໍ່ຮັກເພີ່ນຊິແຕ່ງກັນໄດ້ຈັ່ງໃດ “     ເຮົາສອງຄົນຍ່າງອອກມານັ່ງລົມກັນຢູ່ນອກ

     “ ຈື່ບໍ່ທີ່ຕອນຢູ່ປະຖົມເຮົາເວົ້າກັນ “     ສິດຖາມຂ້ອຍ

     “ ວ່າ ...... “

     “ ຖ້າເຮົາອາຍຸ 30 ແລ້ວບໍ່ມີໃຜແຕ່ງດອງ ແລ້ວ....“     ສິດຫັນໜ້າມາຫາຂ້ອຍ

     “ ອໍ້! ຄິດອອກແລ້ວຖ້າບໍ່ມີໃຜເອົາເຂົາ ເພີ່ນຕ້ອງມາແຕ່ງເອົາເຂົາຫັ່ນຫວາ “     

     “ ແຕ່ເຂົາວ່າ ມັນຄົງບໍ່ມີມື້ນັ້ນດອກ “     ບໍ່ຮູ້ວ່າເປັນຫຍັງສິດເວົ້າຄຳນັ້ນລະຮູ້ສຶກຜິດຫວັງຈັ່ງໃດບຸທັງທີ່ດີໃຈທີ່ສິດຍັງຈື່ງຄຳເວົ້າຂອງຂ້ອຍໄດ້ຢູ່

     “ ກະເຮົາເປັນໝູ່ກັນ ຊິເອົາກັນໄດ້ຈັ່ງໃດ “     

     “ ອື່ມ! ມົດເວົ້າກະຖືກ “

     ເຮົາສອງຄົນພາກັນນັ່ງລົມກັນຢູ່ໜ້າບ້ານຄືທຸກເທື່ອທີ່ເຮົາມາຫຼິ້ນນຳກັນ, ໍແຕ່ເທື່ອນີ້ຂ້ອຍຮູ້ສຶກແປກໄປຈາກເກົ່າ ຄືກັນວ່າລະຫວ່າງເຮົາສອງຄົນຍັງມີບາງຢ່າງທີ່ເກັບໄວ້ໃນໃຈໂດຍຕ່າງຄົນຕ່າງບໍ່ເວົ້າອອກມາ