ຄວາມຮັກທີ່ຊ້ອນຢູ່

ลำดับตอนที่ #3 : ມົດແດງຊາຍ

_________ ທີ່ໂຮງຮຽນ ____________

' Mod '

      “ ອາຈານ ຂໍອະນຸຍາດເຂົ້າຫ້ອງ “      ແມ່ນແລ້ວສຽງຂ້ອຍເອງມາຊ້າຕາມເຄີຍ

     “ ຂ້ອຍຂີ້ຄ້ານເວົ້ານຳພວກເຈົ້າລະ ເຫັນຂີ້ເຫຍື້ອຢູ່ເດີ່ນບານຫັ້ນບໍ່ “ ອາຈານຊື້ໄປທາງເດີ່ນເຕະບານ

     “ ເຫັນຕົວະອາຈານຫຼາຍປານນັ້ນ “

     “ ໄປເກັບໃຫ້ໝົດ ໃຫ້ສະອາດລະພວກເຈົ້າຈື່ງເຂົ້າມາຮຽນ “

     “ ໂອ໊ຍ ! ອາຈານຫຼາຍປານນັ້ນຈັ່ງໃດຊິເກັບໝົດໄວ້ມື້ໜ້າເນາະອາຈານເນາະ “ ຂ້ອຍສົ່ງສາຍຕາເປັນປະກາຍໃຫ້ອາຈານ

     “ ຖ້າຢາກເຂົ້າຮຽນກະຕ້ອງໄປເກັບ “

     “ ໂດຍດຽວພວກນ້ອງຊິເກັບໃຫ້ໝົດ “ ສິດຕອບອາຈານພ້ອມດຶງແຂນຂ້ອຍອອກໄປ

...

     “ ສິດນະຟ້າວຮັບປາກອາຈານເຮັດຫຍັງບຸ ດຽວເຮົາຊູຊີອີກຈັກໜ່ອຍອາຈານກະໃຈອ່ອນໃຫ້ເຂົ້າຮຽນລະ “

     “ ມົດຢ່າຄິດຈັ່ງຊັ້ນແມະ ທີ່ເຮົາຕ້ອງໄດ້ມາເກັບຊີ້ເຫຍື້ອຢູ່ນິກະຍ້ອນເຮົາມາຊ້າ ບໍ່ແມ່ນຍ້ອນອາຈານ “ ສີດເວົ້າໄປແລ້ວກວດຂີ້ເຫຍື້ອໄປນຳ

     

     “ ສິດມາຊ້າກະຍ້ອນມົດ ສະແດງວ່າເປັນຍ້ອນມົດແມ່ນບໍ່ “

     “ ບໍ່ແມ່ນໃດ ! ມັນບໍ່ແມ່ນຄວາມຜິດຂອງມົດດອກ ບໍ່ຕ້ອງເກັບໄປຄິດ ຖ້າມົດເມື່ອຍມົດກໍ່ເຊົາໃດດຽວເຂົາເຮັດເອງ ມົດນັ່ງຖ້າຢູ່ໂຕະຫີນກ່ອນຈື່ງຮົ່ມ “

     

     “ ບໍ່ບ້າຫວາ , ໃຫ້ເພີ່ນເກັບຄົນດຽວຈັ່ງໃດ “

     

     “ ໄປໂລດນ່າ ຄືເວົ້າຍາກແທ້ “

     “ ເອີ້! ດຽວນຶມີຂື້ນສຽງໄປກະໄດ້ “ ຂ້ອຍແຜດສຽງໃສ່ສິດທັງທີ່ຮູ້ວ່າສິດເຮັດຍອກ ກ່ອນຈະຫັນຫຼັງໜີ

     “ ເກັບໃຫ້ມັນຫຼອນໆເດີ້ລະ “ ຂ້ອຍສົ່ງຍີ້ມໃຫ້ກ່ອນເຂົ້າມານັ່ງຢູ່ຮົ່ມ

     ບໍ່ພໍບຶດສິດກໍ່ແລ່ນມາຫາພ້ອມດ້ວຍອຸປປະກອນອານໄມທັງຫຼາຍທັງປວງ

     

     “ ມົດ ເຂົາເກັບແລ້ວໆ “

     

     “ ຫວາ , ໄວເນາະເຂົາກຳລັງຊິຫຼັບ “ ແນວບັນຍາກາດເປັນໃຈເນາະມີແສງແດດອ່ອນໆ ແລະ ກໍ່ມີລົມເຢັນໆ

     “ ມົດຫິວນ້ຳບໍ່ດຽວເຂົາໄປຊື້ມາໃຫ້ “

     “ ອື່ມ ! ເຂົາເອົາຊາຂຽວລົດໝາກນາວເດີ້ “

     “ ດຽວຖ້າບຶດໜື່ງເດີ້ “ ແລ້ວສິດກໍ່ຢ່າງອອກໄປ

     ຂ້ອຍກໍ່ນັ່ງກິນລົມຊົມຂີ່ຝຸ່ນຖ້າຢ່າງສະບາຍອຸລາຢູ່ ແຕ່ສາຍຕາກໍ່ພັດເສືອກໄປເຫັນເດັກເວນປະຈຳຊັ້ນ ມັນ 2 ໂຕກຳລັງຢ່າງມາພໍດີ ຄົນໜື່ງບັກເສືອ ອີກຄົນໜື່ງບັກໂດ້ ແລະ ແນ່ນອນວ່າເຄີຍມີເລື່ອງກັບມັນ

     “ ເຮີ້ຍເສືອ ! ມືງເບີ່ງດຸແມ່ນໃຜມານັ່ງຢູ່ນິ “     ໂດ້ມັນສັນລະຍາຍອອກມາກ່ອນ

     “ ກະອີ່...ບໍ່ແມ່ນ ! ບັກມົດຫັ່ນເດ່ “ ເສືອມັນຕອບລະຍັງເຮັດໜ້າກວນສົ້ນ

     “ ຮີບໜີໄປໄກໆໄປ “ ຂ້ອຍບອກມັນດີໆເພາະບໍ່ຢາກມີເລື່ອງ

     “ ອ້າວ ! ອີ່ນິມຶງກ້າໄລ່ກູຫວາ ມຶງຮູ້ບໍ່ບ່ອນມືງນັ່ງຖິ່ນໃຜ “      ໂດ້ວ່າ

     

     “ ມຶງບໍ່ຮູ້ລະກູຊິຮູ້ຫວາຊື່ກະບໍ່ມີຕິດ “      ຂ້ອຍເລີຍຕອບແບບກວນສົ້ນມັນຄືນ

     “ ຫ້ວຍ ! ມຶງວ່າຈັ່ງຊິວອນຫາເລື່ອງຕົວະນິ “ ເສືອວ່າ

     “ ກູບໍ່ຢາກມີເລື່ອງກັບໃຜ, ໄປໄປ໋ ຊິໄປໃສກະໄປລຳຄານ “

     “ ກູບໍ່ໄປມີບັນຫາຫຍັງ, ມຶງຮູ້ບໍ່ບ່ອນມຶງນັ່ງຫັ່ນບ່ອນປະຈຳພວກກູ ມຶງຫັ່ນລຸກ ບັກມົດ “      ໂດ້ວ່າ

     “ ມຶງນິຟັງພາສາຄົນບໍ່ເຂົ້າເນາະ ມຶງຈັກຊິຮຽນເຮັດຫຍັງໃຫ້ໂງ່ຖີ້ມລ້າໆ, ບ່ອນນິມັນເປັນບ່ອນສາທາລະນະ ເປັນຂອງໂຮງຮຽນໃຜກໍ່ມີສິດນັ່ງ “

     “ ອີ່ນິມຶງວອນລະຕົວະນິ, ເສືອ ! ມຶງຕົບສັ່ງສອນມັນດຸຈັກບາດ “      ເສືອຢ່າງເຂົ້າມາເຮັດທ່າຊິຕົບຂ້ອຍແຕ່ຂ້ອຍຕັ້ງຫຼັກໄວ້ລະມື້ນິມີແຕກ

     “ ຢ່າເຮັດໃດ ! “ ສຽງຂອງສິດຫ້າມໄວ້ກ່ອນ “ ພວກເຈົ້າເປັນບ້າລະຫວາເປັນຜູ້ຊາຍຊິຕີຜູ້ຍົງໄດ້ຈັ່ງໃດ “ ສິດຍ່າງເຂົ້າມາ

     “ ສິດມຶງຢ່າເສືອກ “ ໂດ້ຍູ້ສິດ

     “ ມີຫຍັງຄືບໍ່ເວົ້າກັນດີໆເກາະ “      ສິດເຮັດໜ້າບໍ່ພໍໃຈ ແຕ່ວ່າໜ້າຫວານໆຂອງສິດບໍ່ໄດ້ເຮັດໃຫ້ພວກນັ້ນຍ້ານຈັກໜ້ອຍ

     “ ກູຄ້ານເວົ້ານະ ມຶງບໍ່ກ່ຽວຮີບໜີກ່ອນທີ່ມຶງຊິບໍ່ມີໂອກາດ “ ເສືອບອກ ສົງໄສແມ່ນຂູ່ຫຼາຍກວ່າ

     “ ຢ່າຫຍຸ້ງກັບສິດ ມຶງມີເລື່ອງກັບກູກະມາລົງທີ່ກູພິ “ ຂ້ອຍຢ່າງໄປດຶງແຂນເສືອໃຫ້ຫັນໜ້າມາທາງຂ້ອຍ

     “ຢ່າເຮັດມົດໃດ ຖ້າຊິຕີກີ້ຕີເຂົາດີກວ່າແຖມຄົນອື່ນຮູ້ຍັງບໍ່ດ່າພວກເພີ່ນວ່າຕີຜູ້ຍິງອີກ “ ສິດຍັງຊິປາກດີຕໍ່ໄປຢູ່

     “ ຈັ່ງຊັ້ນກະໄດ “ ເວົ້າສຸດເສືອມັນກໍ່ເອົາກໍ່າປັ້ນຊັດເຂົ້າໜ້າສິດເຕັມໆ ຈົນເຮັດໃຫ້ສິດລົ້ມນອນລົງໄປກອງຢູ້ພື້ນ

     “ ເຮີ້ຍ “ ຂ້ອຍກໍ່ບໍ່ລໍຊ້າໂດດຖີບຫຼັງ ບັກເສືອຈົນລົ້ມລົງໄປກອງຢູ່ກັບສິດ ບັກໂດ້ ມັນກໍ່ໄວບໍ່ໃຫ້ຍອກໂດດຈັບຂ້ອຍໄວ້ຈາກທາງຫຼັງ

     “ ມືງເປັນຜູ້ຍິງຢ່າມາເຮັດເກັ່ງ ອີ່ມົດແດງຊາຍ “  ປີ໊ດເລີຍຄັນຮ້ອງມົດສະລອຍ, ມົດແດງສົ້ມ, ມົດແດງຊາຍ ຊ້ອຍຊິບໍ່ວ່າອັນນິມັນຮ້ອງມົດແດງຊາຍ

     “ ບັກໂດ້ບັກເວນ “ ບໍ່ຮູ້ວ່າແຮງຂ້ອຍມາແຕ່ໃສ ຂ້ອຍຝຶດໂຕເອງອອກຈາກມືບັກໂດ້ ແລ້ວຫັນໄປຖີບມັນລົ້ມ  ກ່ອນທີ່ຈະເຂົ້າໄປຊົກໜ້າມັນຕາມທີ່ພໍ່ສອນໄວ້ແບບຖອດແບບກັນມາເລີຍ ໂດຍການຂື້ນໄປນັ່ງເຕັງໂຕເຕັງແຂນມັນໄວ້ ຈົນລືມໄປວ່າໂຕເອງນຸ່ງສິ້ນ

     “ ອາຈານຊ່ວຍນ້ອງແດ່ “ ປາກຂ້ອຍກໍ່ບໍ່ຢູ່ລ້າ ແຜດສຽງໃສ່ອາຈານເມືອແນມເຫັນວ່າ ບັກເສືອກຳລັງຟັດຢູ່ກັບສິດແບບທີ່ວ່າສິດກຳລັງເສຍທ່າ ເຮົາກໍ່ໄປຊ່ວຍບໍ່ໄດ້ ເພາະຍັງຄ່າບັກໂດ້ເວນທີ່ແຮງມັນຫຼາຍໆ ບໍ່ຍອມຢູ່ລ້າໆໃຫ້ຕົບໂດຍຍດີ

     'ຕຸ໋ບໆໆ'

     

     ສຽງກ່ຳປັ້ນຂ້ອຍກະແທກໜ້າບັກໂດ້ ເຮັດໃຫ້ຕອນນີ້ຂ້ອຍເຫັນເລືອດຊືມອອກທີ່ໂໜກແກ້ມມັນ

     “ ແມ່ນພວກເຈົ້າເປັນຫຍັງກັນ ເຊົາຕີກັນດຽວນິ “  ສຽງຂອງອາຈານອໍລະໄທ ແຜດມາໃສ່ຫູຂ້ອຍອາຈານແລ່ນມາກັບອາຈານຜູ້ຊາຍ 2-3 ຄົນ ຂ້ອຍຈື່ງລຸກອອກຈາກ ບັກໂດ້

     “ ພານຸສິດ ອິນຖຸອອນພາກັນເປັນຈັ່ງໃດ , ອາຈານເຫັນໃດ ວິລະກອນ ສອນປະເສີດ , ອາຈານຊິເຊີນຜູ້ປົກຄອງພວກເຈົ້າສອງຄົນ “

     

     “ ນາງ ອິນຖຸອອນ ລາວມາຫາເລື່ງນ້ອງກ່ອນ “ ບັກໂດ້ ບັກເວນ

     “ ບໍ່ແມ່ນໃດອາຈານ ນ້ອງຢູ່ພໍນ້ອງ ລາວເຂົ້າມາດ່ານ້ອງກ່ອນ “      ຂ້ອຍຖຽງຄືນຈັ່ງໃດກະບໍ່ຍອມ

     

     “ ບໍ່ແມ່ນໃດອາຈານລາວຕົວະ ! ທ້າວ ພານຸສິດກະເຂົ້າມາຕີນ້ອງກ່ອນ “ ເສືອເວົ້າພ້ອມເຊັດເລືອດຢູ່ຫາງຄິ້ວ

     “ ຂ້ອຍບໍ່ເຊື່ອວ່າພານຸສິດລາວຊິຕີໃຜກ່ອນ , ແມ່ນແຕ່ແມງວັນລາວກະຍັງບໍ່ຕົບ  ພວກເຈົ້າ 2 ຄົນນຳອາຈານໄປຫ້ອງການ , ອິນຖຸອອນພາ ພານຸສິດ ໄປທາຢາລະນຳອາຈານໄປ ”       ອາຈານຮ້າຍ 2 ຄົນນັ້ນກ່ອນທີ່ຈະຫັນໜ້າມາຫາຂ້ອຍ

     ...

     “ ເຈັບຫຼາຍບໍ່ ” ຂ້ອຍຖາມສິດ ຂ້ອຍໂຄດເປັນຫວ່ງເລີຍເປັນໄປໄດ້ຂ້ອຍຢາກໂດດໄປສັບໜ້າບັກເສືອຕອນທີ່ມັນຕີສິດຢູ່ ໂຄດແຕ່ເຈັບໃຈ

     “ ບໍ່ເປັນຫຍັງດອກພໍທົນໄດ້ ມົດເຈັບບອນໃດແດ່ “

     “ ບໍ່ເຈັບປານໃດດອກເຈັບແຕ່ແຂນ, ແຕ່ແຈສົບເພີ່ນຫັນຕິເລືອດຍີ້ມອອກມານຳ “

     “ ຍັງໄຫວຢູ່ດອກ , ຂໍໂທດເດີ້ມົດ “

     “ ຂໍໂທດເຂົາເຮັດຫຍັງ ? ເຂົາບໍ່ໄດ້ເປັນຫັຍງ ມາຊິລ້າງບາດໃຫ້ “      ຂ້ອຍເອົາສຳລີຈຸ່ມນ້ຳຍາລ້າງບາດກ່ອນຈະເດ່ໄປທາທີ່ບາດຂອງສິດ

     “ ຂໍໂທດທີ່ສິດຊ່ວຍມົດບໍ່ໄດ້, ໂອ໋ຍຄ່ອຍໆ “

     “ ຕອນຖືກຕີຢູ່ຫັ້ນບໍ່ເຫັນຮ້ອງ, ເປັນຫຍັງຊິບໍ່ຊ່ວຍ ຖ້າສິດມາບໍ່ທັນ 2 ລຸມ 1 ເລີຍໃດຫັ່ນນະ “

     “ ຕອນທີ່ຖືກຕີຢູ່ຫັ່ນສິດຢາກຮ້ອງອອກມາ ຢາກໃຫ້ມີຄົນມາຊ່ວຍ ເພາະສິດບໍ່ຢາກໃຫ້ມົດເຈັບ ແຕ່ຊິຮ້ອງອອກມາຍາມໃດ ເສືອກະເອົາກ່ຳປັ້ນມາຟາດປາກຕະຫຼອດ “     ສິດເວົ້າແລ້ວເຮັດໜ້າສຳອອຍ ກະເປັນຕາແພງອີກແບບ

     “ ຂອບໃຈເດີ້ສິດ “      ສິດຫັນໜ້າມາເບີ່ງຂ້ອຍຕົງໆ ນັບແຕ່ເປັນໝູ່ກັນມາຍັງບໍ່ເຄີບແນມເບີ່ງໜ້າກັນຕົກໆຈັກເທື່ອ  ມັນກະຮູ້ສຶກແປກໆ ຊິວ່າອາຍກະບໍ່ແມ່ນ ແຕ່ແວວຕາແບບນັ້ນຍັງບໍ່ເຄີຍເຫັນຈາກສິດເລີຍຈັກເທື່ອ

     “ ບໍ່ເປັນຫຍັງດອກເຂົາກະຮູ້ວ່າເພີ່ນບໍ່ມັກຫາເລື່ອງຄົນ “ ສິດເວົ້າກ່ອນຈະລະສາຍຕາໄປທາງໃໝ່

     “ ຢ່າມາເວົ້າໃສ່ເຂົາໃດ ດຽວຕີໃຫ້ປາກແຕກຕື່ມເລີຍ “   ຂ້ອຍເອົາສຳລີທີ່ມີຢາລ້າງບາດໄປຈີ້ໃສ່ບາດຂອງສິດ

     “ ໂອ໊ຍໆ ! ຄ່ອຍໆແມະ  ມື້ໜັກຂະໜາດ “

     “ ລະມັນບໍ່ດີຫວາມືໜັກຈື່ງຕີຄົນເຈັບໆ “

     “ ດີແລ້ວ , ເຂົາມັກແບບນິ “ 

     “ ຫ໋ະ “ ກີ້ນິເວົ້າຫຍັງເກາະຟັງບໍ່ຄັກມັກໃຫ້ມືໜັກຊິຫວາ

     “ ເອີ...ແບບບໍ່ມີຫຍັງດອກແບບວ່າມື້ໜັກກະດີ “      ລະຊິຕອບຕິດໆຄັດໆເຮັດຫຍັງບໍ່ແມ່ນຊີດີຄ້າງ

     “ ຕ້ອງມີ ແຫຼະບອກມາດຽວນິໃດ ? “      ເປັນໝູກັນມາມີຫວາຊິປິດບັງຂ້ອຍໄດ້

     “ ບໍ່ມີຫຍັງອີ່ຫຼີ “

     “ ມົດ, ສິດ ... ເປັນຈັ່ງໃດເຂົາລະເປັນຫ່ວງຮູ້ເລື່ອງກະຟ້າວອອກມານິ “     ໄໝແລ່ນມາໜ້າຕາຕື່ນ

     “ ກະໂອເຄແລ້ວ ເຈັບໜ້ອຍໜື່ງ “ ສິດຕອບ

     “ໂຫ ! ໜ້ອຍໜື່ງຫວານິເລືອດຍີ້ມແບບນິ ”     ໄໝເອົາມືຊີ້ໃສ່ບາດຢູ່ປາກສິດ

     “ ໂອ໋ຍ !!! ອັນເຂົານິຕິເຈັບໝົດໂຕເລີຍ “      ຂ້ອຍທຳທ່າສຳອອຍໃສ່ໄໝ

     

     “ ຢຸດ ພໍເລີຍມົດເຂົາຮູ້ທັນ “

     “ ອ້າວ ບໍ່ຫວ່ງເຂົາແດ່ຫວາຫວ່ງແຕ່ສິດຫັ່ນນະ ເຂົາກະໝູ່ເພີ່ນ ເປັນທີ່ຮັກເພີ່ນໃດ “     ຂ້ອຍເຮັດໜ້ານ້ອຍໃຈ ແມ່ນແຫຼະບໍ່ຖາມຂ້ອຍແດ່ວ່າເຈັບຫຼາຍບໍ່

     “ ໂອໆ ແມ່ນຫວາອີ່ຫຼ້າມາໃຫ້ແມ່ເບີ່ງດຸລູກ “

     

     “ ໂອ໋ຍ !!! ໄໝນະ “      ວ່າແລ້ວໄໝກໍ່ເອົາມືມາຍິກແກ້ມຂ້ອຍຈົນແດງ

     ໃນຂະນະທີ່ພວກເຮົາກຳລັງລົມກັນຢູ່ສາຍຕາຂ້ອຍກໍ່ໄດ້ຫຼຽວໄປເຫັນ ຮ່າງສູງໆ 183 ຜິວຂາວໆ ,​ ໜ້າຄົມໆ ຢ່າງກາຍໜ້າຫ້ອງໄປ , ແຕ່ລາວກໍ່ຍັງຫັນໜ້າມາ ແລະ ສົ່ງສາຍຕາພິຄາດຫົວໃຈມາທາງຂ້ອຍ. ' ເຫັນແລ້ວຫົວໃຈຊິວວາຍ ' ຂ້ອຍອົດບໍ່ໄດ້ທີ່ຈະຫຼຽວເບີ່ງຕາມຫຼັງຜູ້ຊາຍຄົນນັ້ນໄປ.

     “ ກີ໊ດດດດດດດ ຢາກຮ້ອງດັງໆ ລາວຫັນໜ້າມາທາງນິນຳ “     ຂ້ອຍເຮັດທ່າລະລິກລະລີ້ໃສ່ສິດ

     “ ຕ້ອງເປັນນັກຮຽນໄໝແຫຼະ ໄໝວ່າບໍ່ “ ຂ້ອຍຫັນໜ້າມາຖາມໄໝ

     “ ເຂົາບໍ່ຮູ້ດອກ, ເປັນຫຍັງສົນໃຈຫວາ ” ຂ້ອຍງຶກຫົວແທນການຕອບໄໝ ແຕ່ກໍຍັງຍີ້ມບໍ່ຫຸບ

     “ ລໍ່ປານນັ້ນອັນຕະລາຍໃດມົດ, ຢ່າໄປສົນໃຈເທາະຍັງມີຜູ້ຊາຍອີກຫຼາຍຄົນ, ຕາມທີ່ເຂົາຮູ້ມາຄົນລໍ່ສ່ວນຫຼາຍມັກເຈົ້າຊູ້ “      ໄໝເວົ້າດ້ວຍນ້ຳສຽງຈິງຈັງ     ເຮັດໃຫ້ຂ້ອຍຫຸບຍີ້ມໄປເລີຍ

     “ ໄໝມີອັກຄະຕິບໍ່ນິ ເຂົາກະເຂົ້າໃຈວ່າແຟນເພີ່ນກະນອກໃຈເພີ່ນ ແຕ່ມັນກໍ່ຄົງບໍ່ໝົດທຸກຄົນດອກ “     ເອີ່! ແຟນໂຕເອງເປັນລະຢ່າເໝົາລວມແມະ

     “ ຕາມໃຈເຂົາບໍ່ເວົ້າເລື່ອງນິລະ ແລ້ວແຕ່ມົດຊິມັກດອກເຂົາເຕືອນແລ້ວ “      ໄໝເຮັດໜ້າບໍ່ຄ່ອຍພໍໃຈ

     “ ເວົ້າແບບນິໄດ້ຈັ່ງໃດ ເຮົາເປັນໝູ່ກັນໃດ. ສະນັ້ນ, ເພີ່ນຕ້ອງຊ່ວຍເຂົາ“

     “ ຊ່ວຍຫຍັງ “ ໄໝຕອບ

     

     “ ກະຊ່ວຍເຂົາຈີບເດ່ ອິອິອິ ເນາະໆໆໆໆໆໆໆໆໆໆໆໆໆໆໆ “     ຂ້ອຍກະປັ້ນໜ້າສົງສານປົນອ້ອນວອນ   ແລ້ວເອົາຫົວໄປເໝາະໃສ່ບ່າຂອງໄໝ  ມີບໍ່ໄໝຊິບໍ່ໃຈອ່ອນ

     “ ອື່ມ “      ໄໝຕອບມາແບບບໍ່ຄ່ອຍພໍໃຈປານໃດແຕ່ກໍ່ຍັງຮັບປາກວ່າຊິຊ່ວຍ

     “ ລະມົດຊິເຮັດຫຍັງຕໍ່ໄປ “      ສິດຖາມທັງເອົາແວ່ນຕາອອກມາເຊັດ

     “ ຍັງຄິດບໍ່ອອກນະ ເກີດມາຍັງບໍ່ເຄີຍຈີບຜູ້ຊາຍ ///_ /// “     ຄົນເຮົາມັນກະອາຍເປັນໃດເນາະເປັນແສ້ເປັນສາວຊິໃຫ້ໄປຈີບຜູ້ຊາຍກ່ອນ

     “ ຫຼື ບໍ່ເຄີຍມີຜູ້ຊາຍມາຈີບ “     

     “ ແຮງໄປບໍ່ສິດ ເອົາມີດມາປາດຄໍເຂົາເລີຍບໍ່ “     ຄົນກຳລັງອາລົມດີເວົ້າອອກມາໄດ້ ວ່າບໍ່ເຄີຍມີຜູ້ຊາຍມາຈີບ  T_T     ແຕ່ກະຖືກຂອງມັນ

     “ ໂອໆ ໝູ່ຍອກຈະ “     ສິດເວົ້າແລ້ວເອົາມືມາລູບຫົວຄ່ອຍໆ

     “ ໂອ໋ຍ “     ລະມັນກໍ່ຕົບຫົວແຮງໆບາດໜື່ງ

     “ ໂທດໆ ຍອກຈະ “     ຍອກແບ້ຫຍັງ ຕົບມາໄດ້ຫົວເກືອບຫຼຸດ

     “ ໄປຫາອີ່ຫຍັງກິນປ໋ະ “     ໄໝຊວນ

     “ ດີຄືກັນ   ເຂົາຫິວເຂົ້າຈົນຊິກິນຫົວສິດໄດ້ລະ “     ແລ້ວຂ້ອຍກໍ່ສົ່ງສາຍຕາອາຄາດໄປທາງສິດ, ຢ່າໃຫ້ເຜີເດີ້ຊິເອົາຄືນຢ່າງສາສົມ

*************************************************************

ຕອນນິຄິດວ່າສະໝອງເລີ່ມຄິດບໍ່ອອກປານໃດ     ຂໍອະໄພມາຍັງຜູ້ອ່ານ