คืนค่าการตั้งค่าทั้งหมด
คุณแน่ใจว่าต้องการคืนค่าการตั้งค่าทั้งหมด ?
ลำดับตอนที่ #2 : ແຜນຈີບໝໍ
“ມືງ
ຕ້ອງທຽວໄປຫາອາວມຶງດຸໆ ເພື່ອທຳຄວາມຄຸ້ນເຄີຍກັບມັນ, ຈາກນັ້ນ ....“
“ກະລວບຫົວລວບຫາງເລີຍ “
ມື້ນີ້ຂ້ອຍຕັ້ງໃຈຈະໄປຫາອາວທອນຫຼັງເລີກຮຽນ
ເພາະບໍ່ມີວຽກເຮັດ ເນື່ອງຈາກຮ້ານປິດປັບປຸງຊົ່ວຄາວ ,
ອາທິດປາຍແລ້ວຫຼັງຈາກທີ່ມື້ນັ້ນຖືກລົດຕຳ
ຂ້ອຍກໍ່ບໍ່ພົບສຸດລໍ່ຂອງຂ້ອຍເລີຍ
ໄປເອົາລົດຢູ່ຮ້ານເຂົາເຈົ້າກໍ່ບອກວ່າລາວມາຈ່າຍເງິນແລ້ວ , ຖາມເອົາເບີໂທ
ກະບອກວ່າຖີ້ມລະ ແລ້ວຂ້ອຍຈະໄປນຳຫາສຸດລໍ່ຄົນນັ້ນຢູ່ທາງໃດດີ.
ຂ້ອຍເຄີຍມາຫາອາວແຕ່ຕອນຢູ່ ມໍ ປາຍ
ມັນກະຜ່ານມາ 2 ປີແລ້ວ ເລີຍຕ້ອງໃຊ້ເວລາໃນການຊອກຫາຈັກໜ້ອຍໜື່ງ ,
ຂ້ອຍຂັບລົດມາເລື້ອຍໆຈົນຮອດໜ້າຄີນິກແຫ່ງໜື່ງ
ຂ້ອຍຄິດວ່າມັນຕ້ອງແມ່ນເຮືອນອາວທອນແນ່ນອນ ເພາະມີປ້າຍໜ້າຄີນິກຂຽນວ່າ
ຫ້ອງກວດພະຍາດ ດຣ. ສູນທອນ ມະນີໂຊກ . ບໍ່ລໍຊ້າ
ຂ້ອຍຈອດລົດໜ້າຄີນິກແລ້ວເປີດປະຕູເຂົ້າໄປທັນທີ.
“ດຣ.
ສູນທອນຢູ່ບໍ່ “ ຂ້ອຍເຂົ້າໄປຖາມພະຍາບານທີ່ຢູ່ເຄົາເຕີ້
“ໂດຍ
ແຕ່ຕອນນີ້ເພີ່ນຄາຄົນປ່ວຍຢູ່, ເຊີນນັ່ງຖ້າກ່ອນເດີ້ “
ຂ້ອຍກຳລັງນັ່ງສຳຫຼວດ ຄີນິກຂອງອາວທອນ
ມັນປ່ຽນໄປຫຼາຍ ແຕ່ຄວາມສະອາດ ແລະ
ບໍລິການກໍ່ຍັງດີເລີດຄືເກົ່າເບີ່ງຈາກຄົນທີ່ມາໃຊ້ບໍລິການ
ຂະໜາດວ່າຄ່ຳແລ້ວຍັງມີຄົນຫຼາຍຢູ່ . ອາວທອນອອກມາພໍດີ
“ອາວທອນ“ ຂ້ອຍລຸກຂື້ນພ້ອມກັບຮ້ອງອາວທອນທີ່ກຳລັງຫຼຽວມາ
ແຕ່ຄົນທີ່ຢືນຢູ່ຂ້າງຫຼັງອາວທອນຕ່າງຫາກທີ່ຂ້ອຍໃຫ້ຄວາມສົນໃຈ
“ເຈົ້າ
, ແມ່ນເຈົ້າອີ່ຫຼີຫວານິ ມາຢູ່ນີ້ໄດ້ຈັ່ງໃດ “ ຂ້ອຍທັກຄົນທີ່ຢືນຢູ່ຂ້າງຫຼັງອາວທອນ ນັ້ນກໍ່ຄືສຸດລໍ່
ແຖມຍັງໃສ່ເສື້ອກາວອີກ ສົງໄສເປັນໝໍຝຶກຫັດ , ອາວທອນແນມເບີ່ງໜ້າຂ້ອຍກັບລາວສະຫຼັບກັນກ່ອນຈະຖາມ
“ຮູ້ຈັກກັນຫວານິ“
“ອໍ
! ເຄີຍພົບກັນເທື່ອໜື່ງ“ ຂ້ອຍຕອບອາວທອນດ້ວຍໃບໜ້າຍີ້ມແຍ້ມ
“ແລ້ວ...ເຈົ້າມານິໄດ້ຈັ່ງໃດ
ຫຼືວ່າ ບາດມື້ນັ້ນຍັງບໍ່ເຊົາ ຫຼືວ່າ ມັນຕິດເຊື້ອ “ ຄົນລໍ່ຖາມແບບຕົກໃຈ ທ່າທາງລາວເອີໆແບບນິໜ້າຮັກດີ
“ບໍ່ແມ່ນຫາຍດີແລ້ວ
, ຂ້ອຍມາຫາອາວທອນ“ ຂ້ອຍຫັນໄປຍີ້ມໃຫ້ອາວທອນ
“ມາພິ
ໄປນັ່ງລົມກັນໃນພຸ້ນ , ໂອສົດກະມານຳ “ ອາວທອນຍ່າງນຳພວກເຮົາໄປໃນຫ້ອງຮັບແຂກ
ກີ້ນີ້ອາວທອນຮ້ອງສຸດລໍ່ວ່າ ‘ໂອສົດ’ ຟັງແຕ່ຊື່ຍັງມ່ວນລະ
“ມີຫຍັງກະວ່າມາ“ ອາວທອນເວົ້າເມື່ອນັ່ງລົງຕໍ່ໜ້າເຮົາສອງຄົນ
“ກະແມ່ໂທບອກວ່າໃຫ້ມາຫາອາວ“
“ມາຮຽນ
2 ປີຫາກະຄິດຊິມາຫານິ“
“ກະເຮົາຄາວຽກແຖມຍັງມີຮຽນອີກ“
“ລະເຮົາເຮັດຫຍັງຢູ່ໃສລະ,
ໄດ້ຍິນແຕ່ແມ່ໂຕໂທມາບອກວ່າຮຽນ ໄຟຟ້າ“
“ເຮົາຮຽນໄປນຳເຮັດວຽກໄປນຳ
, ເຮັດຢູ່ຮ້ານກາເຟໃກ້ໆກັບໂຮງຮຽນຫັ່ນລະ “
“ລະໂຕຢູ່ໃສລະດຽວນິ“
“ເຮົາເຊົ່າຫ້ອງຢູ່ໃກ້ໆຫັ່ນລະ“
“ບໍ່ຢາກມາຢູ່ນຳອາວຫວາ
“
“ໂຫ
! ມາຢູ່ນຳອາວກະໄກບ່ອນເຮັດວຽກ ບໍ່ເອົາແຫຼະເຮົາຄ້ານທຽວໄກ“
“ກະມາເປັນຜູ້ຊ່ວຍຢູ່ນິກະໄດ້
ຊ່ວຍພະຍາບານເບີ່ງຄົນເຈັບລະກະຍາມຕອນກາງຄືນ ດຽວອາວໃຫ້ເງິນເດືອນ “
ຄັນມາຢູ່ນີ້
ບໍ່ແນ່ເຮົາກະຊິໄດ້ໃກ້ສຸດລໍ່ອີກ ອິອິ
ແຕ່ເຮົາກະຊິໄປກິນເຫຼົ້າກັບພວກບັກຕູ່ບໍ່ໄດ້
“ດຽວເຮົາຄິດເບີ່ງກ່ອນ“
“ເອີ່
! ລະສອງຄົນນິຮູ້ຈັກກັນໄດ້ຈັ່ງໃດ“ ອາວທອນຖາມຂ້ອຍສັງເກດເຫັນສຸດລໍ່ສະດຸ້ງໜ້ອຍໜື່ງ
“....ເອີ່..ແບບວ່າ“
“ພໍດີເຮົາລົດລົ້ມລາວເລີຍມາຊ່ວຍ
“
ຂ້ອຍຕອບແທນຄົນທີ່ອ້ຳໆອື້ງໆຢູ່
“ໄປເຮັດຈັ່ງໃດໃຫ້ລົດລົ້ມ
ລະເຈັບຫຼາຍບໍ່“
“ບໍ່ເປັນຫຍັງດອກເຮົາກະດູກເຫຼັກຊິຕາຍ“
“ເຮິ
! ກະດູກເຫຼັກຊ່ຳໃດກະໄດ້ເພີ່ງໝໍຄືເກົ່າ “
“ ຂ້ອຍຊື່ ນ້ຳທິບ ເອີ້ນນ້ຳກະໄດ້ “ ຂ້ອຍຫັນໄປແນະນຳໂຕກັບສຸດລໍ່
“ຂ້ອຍຊື່ ອ້າຍ “ ສຸດລໍ່ຍີ້ມໃຫ້
ໂອ໊ຍບາດໃຈຫຼາຍ
“ທ່ານໝໍ ຄົນເຈັບປະຈຳມາຫາ “ ນາງພະຍາບານເຂົ້າມາຖືກຈັງຫວະພໍດີ
“ດຽວອາວໄປລົມກັບເຂົາເຈົ້າກ່ອນ
, ໝໍອ້າຍຢູ່ເປັນໝູ່ນ້ຳມັນແດ່ ຄັນມັນດື້ກະຕີມັນໂລດ“
“ຫື່
! ອາວທອນນະ“ ອາວທອນຍີ້ມກ່ອນອອກໄປ ,
ລາວກໍ່ເປັນແບບນີ້ຫຼະ ຕອນຍັງນ້ອຍຂ້ອຍກັບອາວສະໜິດກັນສຸດໆ ຈົນ7 ປີທີ່ແລ້ວ
ອາເສຍຊີວິດອາວຈື່ງຍ້າຍມາຢູ່ໃນເມືອງ
ກັບລູກຊາຍອີກຄົນໜື່ງເຊີ່ງຕອນນີ້ໄປຮຽນຢູ່ຕ່າງປະເທດ
“ເຈົ້າເປັນໝໍປະຈຳຢູ່ນິຫວາ “ ຂ້ອຍຫັນໜ້າມາຫາສຸດລໍ່
“ບໍ່ດອກ
ຂ້ອຍຍັງຮຽນຢູ່ ແຕ່ມາຊ່ວຍວຽກອາຈານ ເພີ່ນມາ ປີ 2 ປີ ແລ້ວ “
“ໂຫ
ຊັ່ນເຈົ້າຈັກປີແລ້ວ “
“23
“
“23
ກະບໍ່ຫ່າງກັນເທົ່າໃດ ຊັ່ນຂ້ອຍເອີ້ນເຈົ້າວ່າໝໍອ້າຍ ດີບໍ່? “ ຂ້ອຍຍີ້ມບານໃຫ້ລາວ
“ອື່ມ
ເອີ້ນແບບນັ້ນກະໄດ້ ແລ້ວບາດເປັນຈັ່ງໃດ“
ລາວຖາມແລ້ວຍີ້ມບາດໃຈໃຫ້ຂ້ອຍ
“ແຫ້ງດີແລ້ວ
ນິເດ້“ ຂ້ອຍດຶງສິ້ນຂື້ນກາຍຫົວເຂົ່າມາໜ້ອຍໜື່ງເພື່ອໃຫ້
ອ້າຍໄດ້ເຫັນບາດ
“ອື່ມ
ດີແລ້ວລະຢ່າໃຫ້ຖືກນ້ຳເດີ້ “ ອ້າຍເອົາມືມາແຕະທີ່ບາດຂ້ອຍ
ໂອ໊ຍຍີ່ງເຫັນກໍ່ຍີ່ງໜ້າຮັກເຂົ້າໄປອີກ
“
ນ້ຳ ! “
“ອຸ໋ຍ
! ອາວທອນ“ ຂ້ອຍຟ້າວເອົາສິ້ນລົງ
ສ່ວນອາວທອນກໍ່ຍ່າງເຂົ້າມາໃກ້
“ເປັນແສ້ເປັນສາວໄປຮື້ຂາໃຫ້ຜູ້ຊາຍເບີ່ງໄດ້ຈັ່ງໃດ
“
“ບໍ່ແມ່ນແບບນັ້ນໃດອາວ
ເຮົາພຽງແຕ່ເອົາບາດໃຫ້ໝໍອ້າຍເບີ່ງວ່າມັນແຫ້ງດີແລ້ວ ນິເດ່ ! “ ຂ້ອຍເຮັດທ່າຈະຮື້ສິ້ນຂື້ນອີກແຕ່ກໍ່ຖືກຫ້າມໄວ້ກ່ອນ
“ພໍໆ
ອີ່ຫຼານຄົນນິມັນຈັ່ງໃດ ບໍ່ມີຄວາມເປັນຜູ້ຍິງແດ່ “
“... ດຽວຂ້ອຍຂໍໂຕກ່ອນເດີ້ “ ສຸດລໍ່ເວົ້າແລ້ວກໍ່ລຸກອອກໄປ
ເຮີ້ຍ! ເສຍດາຍເພາະອາວແທ້ໆເລີຍ ເລີຍຍັງບໍ່ມີໂອກາດໄດ້ລົມກັນຍາວໆ
“ຂັບລົດດີໆເດີ້
ກັບຮອດຫ້ອງແລ້ວຕ້ອງໂທຫາອາວນຳເຂົ້າໃຈບໍ່“ ອາວຍ່າງມາສົ່ງຂ້ອຍຢູ່ໜ້າຄີນິກ
“ໂດຍຍຍຍ
ເຂົ້າໃຈແລ້ວ“
“ມື້ໜ້າກະມາຫຼີ້ນນຳອາວດຸໆແດ່
“ ຂ້ອຍແນມໄປເຫັນໝໍອ້າຍສຸດລໍ່ຍ່າງອອກມາ
ສົງໄສຊິມາສົ່ງຂ້ອຍອິອິ
“ແນ່ນອນ
ເຮົາຊິມາດຸໆ ກັບກ່ອນເດີ້ອາວທອນ ... ກັບກ່ອນເດີ້ໝໍອ້າຍ “
ອາວຫັນໄປແນມເບີ່ງທາງຫຼັງ ສ່ວນໝໍອ້າຍກໍ່ຫງຶກຫົວຕອບ
ແລ້ວຂ້ອຍກໍ່ຂັບລົດກັບມາຫ້ອງແບບວ່າຍີ້ມບໍ່ຫຸບ
...........................................................
“ນ້ຳມຶງຊິໄປກັບພວກກູບໍ່
“
“ອີ່ນ້ຳ!“
“ໂອ໋ຍ
! ເອີ້ນດີໆກະໄດ້ຊິຫຍິກເຮັດຫຍັງ“ ຂ້ອຍຕອບອີ່ແຄນດີ້ແບບຫງຸດຫງຸດກຳລັງຄິດເຫັນໜ້າອ້າຍຢູ່ດີໆ
“ກ້າເວົ້າເນາະພວກກູຊວນກັນໄປໂອເກະນິ
ມຶງບໍ່ໄດ້ຍິນຫວາ“
“ເອີ້
! ໄດ້ຍິນ“
“ໄດ້ຍິນລະຄືບໍ່ຕອບ“
“ສັງເກດແຕ່ມື້ເຊົ້ານິລະ
ນັ່ງຮຽນຢູ່ກະຍີ້ມ ໂຄດແຕ່ຢາກນອນຊິຕາຍ“ ຕູ່ວ່າ
“ເອີ່ໆ
ມຶງມີຫຍັງຊິແບ່ງປັນໃຫ້ພວກກູຮູ້ແດ່ນິ“ ຕາມດ້ວຍແຄນ
“ຢ່າບອກໃດວ່າເລື່ອງບັກນັ້ນອີກ“ ແລະຕົບທ້າຍດ້ວຍແບັງ
“ອື່ມ“ ທຸກຄົນຫັນມາຈ້ອງໜ້າຂ້ອຍ
“ເລົ່າມາເລີຍ
ມຶງເຈິລະແມ່ນບໍ່“ ແຄນຖາມດ້ວຍຄວາມສົນໃຈ
“ເຈິແລ້ວ“
“ມື້ໃດ?
ເຫັນຢູ່ໃສ ? ລະໄດ້ຖາມຊື່ບໍ່ ? “
ແຄນຖາມຕໍ່
“ມື້ວານນີ້
ໄປຫາອາວທອນມາ, ລາວຊື່ ອ້າຍ ເປັນນັກສຶກສາແພດໄປຊ່ວຍວຽກຢູ່ຄີນິກ “
“ອຸ໋ຍຕະ! ກູຢາກເຫັນໜ້າເດ້ ຊິລໍ່ຄືຄວາມມືງວ່າບໍ່ ແຖມຍັງຮຽນໝໍອີກ“ ແຄນເຮັດທ່າລະລິກລະລີ້
“ກູວ່າຄົນນິແຫຼະເນື້ອຄູ່ກູ“ ຂ້ອຍເວົ້າດ້ວຍຄວາມໝັ້ນໃຈ
“ມຶງມັກມັນແຮງປານນັ້ນພຸ້ນນະ
ເຫັນໜ້າກັນບໍ່ຮອດ 3 ເທື່ອ“ ແບັງວ່າ
“ຄົນມັນຊິແມ່ນນະເຫັນປຸ໋ບກໍ່ຮູ້ເລີຍວ່າແມ່ນຄົນນີ້ “
“ລະມັນຊິມັກມຶງສະເບາະ“
ຄໍາຖາມຂອງບັກຕູ່ເກືອບເຮັດໃຫ້ຂ້ອຍຫງາຍຫຼັງເລີຍ
“ບໍ່ມັກກະຕ້ອງເຮັດໃຫ້ມັກ
“ ແຄນສະເໜີຄວາມເຫັນ
“ຈັ່ງໃດ
?“
“ມືງກະນຳຈີບເລີຍ“
“ບ້າຫວາ
ກູເປັນຜູ້ຍິງໃດ“
“ຫຼືມືງຊິປ່ອຍໃຫ້ຊະນີໂຕອື່ນຄາບໄປກິນ“
“ແຕ່ກູບໍ່ເຄີຍຈີບຜູ້ຊາຍອະ
, ລະກູຕ້ອງເຮັດຈັ່ງໃດ“
“ມຶງບໍ່ຕ້ອງຄິດຫຼາຍ
ມີບັກຕູ່ຢູ່ທັງຄົນ“ ແຄນຫັນໜ້າໄປຫາຕູ່
“ເຮີ້ຍ
! ກູບໍ່ກ່ຽວ ກູບໍ່ເຄີຍຈີບຜູ້ຊາຍ ຖາມບັກແຄນລາວພຸ້ນ“
“ແຄນດີ້ເອີ້ນໃຫ້ມັນຖືກ“ ແຄນດີ້ເຮັດໜ້າບໍ່ພໍໃຈເວລາເອີ້ນຊື່ເຕັມ
“ເນາະຕູ່
, ຊ່ວຍໝູ່ແດ່ດຸຫັ້ນ ເນາະໆ“ ຂ້ອຍເຮັດທ່າອອດອ້ອນໃສ່ຕູ່
“ເອີ່ໆ
ທີ່ກູຮັບປາກກະຍ້ອນທ່າອ້ອນຂອງມຶງນິລະ“ ຂ້ອຍສີກຍີ້ມໃຫ້ຕູ່ກ່ອນຮອຍຍີ້ມຈະຫຸບລົງ
“ເຫັນລະກູຜະຫວາ“
“ເອົາແທ້ນິ“ ແບັງຖາມ
“ເອີ່
! ກະກູມັກຂອງກູ“
“ແລ້ວມຶງຕ້ອງໄປບ້ານອາວມຶງອີກມື້ໃດ“ ບັກຕູ່ຖາມ
“ຍັງບໍ່ຮູ້ ມືງຖາມເຮັດຫຍັງ“
“ມືງ
ຕ້ອງທຽວໄປຫາອາວມຶງດຸໆ ເພື່ອທຳຄວາມຄຸ້ນເຄີຍກັບມັນ, ຈາກນັ້ນ ....“
“ກະລວບຫົວລວບຫາງເລີຍ
“ ອີ່ແຄນດີ້ເວົ້າແຊກຂື້ນ
“ອີ່ແຄນດີ້ກູຕັ້ງໃຈຟັງຢູ່“ ຂ້ອຍຫັນໄປຮ້າຍອີ່ແຄນດີ້ແລ້ວຫັນມາຟັງບັກຕູ່ຕໍ່
“ຈາກນັ້ນ
, ມຶງຊິໄດ້ເບີໂທມາເອງ ແຕ່ມຶງຫ້າມໄປຂໍໂດຍຕົງໃດດຽວໄຫວຕົວທັນ
ທີ່ສຳຄັນມືງຕ້ອງເຮັດໂຕເປັນຜູ້ຍິງທີ່ສຸດ“
“ເອີ່ ກູຊິພະຍາຍາມ “
ความคิดเห็น