ພົມລິຂິດ

ลำดับตอนที่ #2 : ກຽມຍ້າຍ

'ມີຄົນໂທຫາຮັບສາຍແດ່ !ມີຄົນໂທຫາຮັບສາຍແດ່ ! '

“ ຝົນຮັບສາຍ “

'ສະບາຍດີ '

“ ໂດຍສະບາຍດີ ໂທຈາກໃສນໍ້ “     ຂ້ອຍຖາມປາຍສາຍທີ່ໂທເຂົ້າມາ

'ແດນ'

“ແດນໃດ “

'-_-' ... '

“ໂອ໋ະ “     ຂ້ອຍຄິດຢູ່ໜ້ອຍໜື່ງກໍ່ຄິດອອກວ່າປາຍສາຍແມ່ນໃຜ

'ຄິດອອກແລ້ວຕົວະວ່າຂ້ອຍແມ່ນໃຜ'

“ໂດຍ ເຈົ້າເອົາເບີຂ້ອຍມາແຕ່ໃສ “

'ມັນບໍ່ສຳຄັນດອກ, ມື້ອື່ນເອົາແຜນການລງົສຳຫຼວດມາໃຫ້ຂ້ອຍ 11 ໂມງ ດຽວຂ້ອຍຈະສົ່ງສະຖານທີ່ຮ້ານໃຫ້ໃໝ່ '

“ ຄືບໍ່ໃຫ້ຂ້ອຍເອົາໄປສົ່ງຢູ່ຫ້ອງການເຈົ້າ“

'ຂ້ອຍວຽກຫຼາຍມີເວລາແຕ່ຕອນກິນເຂົ້າ ຫຼື ເຈົ້າມີບັນຫາຫຍັງ'

“ບໍ່ມີ , ມີແຕ່ເທົ່ານີ້ຫວາ “

'ອື່ມ ! ເທົ່ານີ້ລະ'     ແລ້ວແດນກໍ່ວາງສາຍໄປ

“ ໃຜໂທມາ “     ບີ່ຫັນໜ້າມາຖາມຂ້ອຍ

“ແດນ“

“ແດນໃດ “

“ລືມໄປ ທ່ານ ວັດຊະໄນ ເພີ່ນບອກໃຫ້ເອົາແຜນສຳຫຼວດໄປໃຫ້ເພີ່ນມື້ອື່ນ“

“ລະໄປແລກເບີກັນຕອນໃດຄືບໍ່ເລົ່າໃຫ້ຟັງແດ່“

“ຄັນໄດ້ແລກກະດີຕິ ແຕ່ອັນນີລາວຮູ້ເບີເຂົາໄດ້ຈັ່ງໃດກໍ່ບໍ່ຮູ້“

“ກະຄືຊິແມ່ນຫົວໜ້າຫັ່ນລະເອົາໃຫ້“

**************** ຮ້ານອາຫານ ************

'ກິ່ງໆໆໆໆໆໆໆໆໆໆໆໆ'

     ສຽງລະຄັງດັງເມື່ອຂ້ອຍໄຂປະຕູເຂົ້າມາຮ້ານອາຫານແຫ່ງນີ້ອອກແນວໄຮໂຊ ອາຫານທີ່ນີ້ຕ້ອງແພງໂຄດເບີ່ງຈາກໂຊຟາທີ່ເອົາມາໃຫ້ລູກຄ້ານັ່ງແລ້ວ ຂີ້ກາກຊິຂື້ນກົ້ນບໍ່ນິ, ຂ້ອຍແນມສຳຫຼວດຮ້ານໄປພະນັກງານກໍ່ເຂົ້າມາຖາມ

“ນັດໄວ້ບໍສາວ“

“ແມ່ນແລ້ວນັດທ່ານວັດຊໄນ“

“ເຊິນທາງນີ້ເລີຍ“

     

     ພະນັກງານພາຂ້ອຍຂື້ນໄປຊັ້ນສອງ ທຸກຢ່າງຢູ່ໃນໂທນສີຂາວແນມເບິ່ງແລ້ວສະອາດຕາ  ຂ້ອຍເຫັນ ແດນນັ່ງຢູ່ໃນສູດສີຂາວສະອາດ ກະບໍ່ຮູ້ວ່າລາວຊິໜຽບ ຊິຂືມໄປຮອດໃສຄົນກະລໍ່ຢູ່ຖ້າຍີ້ມນິຄົງຕາຮັກກ່ອນນີ້

“ສະບາຍດີ“

“ມາລະຫວາ, ເຊີນນັ່ງ“     ຂ້ອຍນັ່ງຢູ່ຕໍ່ໜ້າແດນ

“ອັນນິແມ່ນລາຍລະອຽດ“     ຂ້ອຍຢື່ນເອກະສານໃຫ້ແດນ

“ກິນເຂົ້າໄປລົມໄປກະໄດ້“     ແດນເວົ້າແລ້ວພະນັກງານກໍ່ຍົກສະເຕັກມາ 2 ຈານ

     ເວົ້າແທ້ໆເກີດມາຂ້ອຍກໍ່ບໍ່ເຄີຍກິນດອກອັນສະເຕັກນິ, ຂ້ອຍມັກກິນອາຫານແຄມທາງພວກເຟີ,ເຂົ້າປຽກ,ຕຳໝາກຮຸງ ພວກນນິຫຼາຍກ່ອນ

“ອາຫານຮ້ານນິເປັນຈັ່ງໃດແຊບບໍ່“     ແດນຖາມຫຼັງຈາກທີ່ຂ້ອຍກິນໄປ 2-3ຄຳ

“ແຊບແຕ່ສົງໃສຄົງຊິແພງ“

“ອື່ມມມມມ ລະເຈົ້າບໍ່ເຄີຍມາຫວາ“

“ຂ້ອຍບໍ່ເຂົ້າມາດອກສ່ວນຫຼາຍຂ້ອຍກິນພວກອາຫານລົດຈັດ2 ແບບປະເພດຕຳຫຼືວ່າອາຫານແຄມທາງຫຼາຍກວ່າ “

“ມື້ໜ້າພາຂ້ອຍໄປໄດ້ບໍ່“

“ໄດ້ບໍ່ມີປັນຫາ ແຕ່ຂ້ອຍຮູ້ແຫຼ່ງບໍ່ຫຼາຍເທົ່າບີ່ດອກ ບີ່ຫັ້ນຮູ້ຈັກຫຼາຍບ່ອນເພາະຂ້ອຍບໍ່ຄ່ອຍໄດ້ໄປເລາະໃສ“     ຂ້ອຍຫາກໍ່ສັງເກດວ່າແດນລາວຈະຍີ້ມທີ່ມຸມປາກໜ້ອຍໜື່ງ

“ເລື່ອງແຜນວຽກທີມງານເຈົ້າທີ່ຈະລົງໄປສຳຫຼວດມີຈັກຄົນ“     ແດນຖາມເມື່ອສັງເກດເຫັນວ່າຂ້ອຍເບີ່ງລາວຍີ້ມຢູ່

“ທີມສຳຫຼວດມີ 6 , ແຕ່ຂ້ອຍຈະລົງໄປກ່ອນເພື່ອວ່າຈະໄປທຳຄວາມຄຸ້ນເຄີຍກັບຄົນແຖບນັ້ນ ເພາະຈະເຮັດໃຫ້ວຽກເຮົາສະດວກກວ່າເກົ່າ“

“ຄວາມຄິດເຈົ້າກໍ່ຮອບຄອບດີ , ເຈົ້າສົນໃຈມາເຮັດວຽກຢູ່ກະຊວງນຳຂ້ອຍບໍ່ “     

     ຄຳຖາມຂອງແດນເຮັດໃຫ້ຂ້ອຍຄິດຢູ່ນ້ອຍໜື່ງ

“ສົນແຕ່ບໍ່ເຮັດ“

“ເປັນຫຍັງ“

“ເພາະຂ້ອຍມີທຸກມື້ນີ້ໄດ້ຍ້ອນ ອ້າຍທອງພູນ, ຂ້ອຍບໍ່ຖີ້ມລາວເດັດຂາດ“

“ເຮັດຈັ່ງໃດຂ້ອຍຈື່ງຈະໄດ້ເຈົ້າມາເຮັດວຽກໃຫ້ “

ຂ້ອຍຍີ້ມກ່ອນຈະຕອບ “ເຈົ້າກໍ່ມາເປັນເຈົ້າຂອງບໍລິສັດແຫຼະ, ຂໍໂຕສຳລັບມື້ນີ້ມີບັນຫາຫຍັງກໍ່ໂທຖາມຫົວໜ້າຂ້ອຍໄດ້ ຂອບໃຈສຳລັບອາຫານມື້ນີ້ “

     ຂ້ອຍເວົ້າຈົບກໍ່ຖືກະເປົາອອກມາ ຂ້ອຍອາດສະແດງກິລິຍາບໍ່ສຸພາບແຕ່ບໍ່ຮູ້ເປັນຫຍັງຂ້ອຍຈື່ງບໍ່ຢາກລົມກັບຄົນທີ່ພະຍາຍາມດືງຂ້ອຍເຂົ້າໄປເຮັດວຽກນຳ.

“ກິນຮັງແຕນມາແຕ່ໃສອີກ“     ບີຖາມທັນທີທີ່ເຫັນໜ້າຂ້ອຍເຂົ້າມາ

“ບໍ່ຮູ້ເດ່ຫງຸດຫງິດ“

“ເລົ່າມາ“     ບີ່ຫຍັບຕັ່ງມາໃກ້ຂ້ອຍ

“ກະເຂົາໄປກິນເຂົ້າກັນ ທ່ານ ວັດຊະໄນ ລະກະເອົາເອກະສານໄປໃຫ້ລາວ, ສຸດທ້າຍລາວຖາມເຂົາວ່າສົນໃຈໄປເຮັດວຽກຢູ່ກະຊວງບໍ່“

“ລະເພີ່ນສົນບໍ່ລະ“

“ກະສົນແຕ່ບໍ່ໄປ ເພີ່ນກໍ່ເຫັນບໍລິສັດເຮົາໃຜກ້າວໜ້າລະກະແຍກວົງ, ເຂົາຢູ່ນີ້ເຂົາເປັນຫົວໜ້າຄັນໂຄງການນີສຳເຫຼັດເງິນເດືອນເຂົາກະແປດຫຼັກ ລະຄັນໄປເຮັດບ່ອນໃໝ່ເຂົາກະຕ້ອງເລີ່ມຕົ້ນໃໝ່, ລະເຂົາກະບໍ່ເນລະຄຸນປານນັ້ນ “

“ຄັນຫົວໜ້າໄດ້ຍິນຄົງດີໃຈ“

“ສາຍຝົນຫົວໜ້າໃຫ້ເຂົ້າໄປຫາ“     ສຸມິດຕາຍາງມາບອກແລ້ວຍາງກັບໄປ

“ດຽວມາ“     ຂ້ອຍຫັນໄປບອກບີ່

“ມີຫຍັງບໍ່ຫົວໜ້າ“

“ນັ່ງກ່ອນໆ, ມື້ນີ້ອ້າຍເຊັນສັນຍາກັບພາກລັດແລ້ວ ນ້ອງກະລົງມືໄດ້ເລີຍ“

“ແທ້ຫວາຫົວໜ້າ ຊັ່ນວັນຈັນນ້ອງຊິເດີນທາງເລີຍ“

“ແບບນັ້ນກະດີ ໂຄງການນີ້ແລ້ວເງິນເດືອນແປດຫຼັກ ທ່ອງຂື້ນໃຈເລີຍ“

“ຂອບໃຈຫົວໜ້າ“     ຂ້ອຍຂອບໃຈຫົວໜ້າກ່ອນຈະຍ່າງອອກມາ

 

“ເທື່ອນິໄປໃສລູກ“     ແມ່ຖາມເມື່ອເຫັນຂ້ອຍເກັບກະເປົາ ແລະ ມື້ນີ້ກໍ່ເປັນວັນອາທິດແລ້ວມື້ອື່ນຂ້ອຍກໍ່ເດີ່ນທາງ

“ຊຳເໜືອ ຢູ່ພຸ້ນອາກາດຄົງໜາວແລ້ວຊ່ວງນິກໍ່ກຳລັງຊິໝົດຝົນ“

“ເອົາເຄື່ອງກັນໜາວໄປຫຼາຍໆແດ່ລູກ, ລະຢູ່ພຸ້ນລູກຊິໄປຢູ່ກັບໃຜ“

“ທີ່ພັກຫັ່ນທາງກະຊວງເພີ່ນຈັດໄວ້ໃຫ້ແລ້ວແມ່ບໍ່ຕ້ອງຫ່ວງດອກ , ເທື່ອນີ້ໄປຕັ້ງເດືອນໜື່ງເພາະມັນໄກທຽວໄປທຽວມາບໍ່ໄດ້“

“ຮັກສາໂຕເດີ້ລູກ“

'ມີຄົນໂທຫາຮັບສາຍແດ່ !ມີຄົນໂທຫາຮັບສາຍແດ່ ! '

ຂ້ອຍຈັບໂທລະສັບຂື້ນມາເບີ່ງກ່ອນຈະກົດຮັບ

“ ຝົນຮັບສາຍ“

ມື້ນິຍັງວາງຢູ່ຕີ້

“ວ່າງ“

ພາຂ້ອຍໄປກິນເຂົ້າໄດ້ບໍ່          ຂ້ອຍແນມເບີ່ງໂມງກໍ່ເຫັນ່າຕອນນີ້ 6 ໂມງແລງແລ້ວ

“ອືມ ກະໄດ້ລະເຈົ້າຊິກິນຫຍັງ“

ກະກິນຫຍັງກະໄດ້ທີ່ຝົນພາໄປກິນ, ດຽວຂ້ອຍໄປຮັບ

“ຮູ້ເຮືອນຂ້ອຍຫວາ“

ມັນກະຄືຊິຊອກບໍ່ຍາກ

“ຕາມໃຈ“

     ຂ້ອຍກົດວາງສາຍ, ຂ້ອຍກໍ່ແປກໃຈຢູ່ວ່າຂ້ອຍໄປສະໜິດກັບລາວຕອນໃດ

“ແມ່ດຽວໝູ່ຊິມາຮັບໄປຫຼິ້ນແມ່ກິນກັບພໍ່ໂລດເດີ້ “

“ບີ່ຊິມາຫວາລູກບໍ່ພາກັນກິນເຂົ້າກ່ອນຫວາຈື່ງໄປ “

“ບໍ່ແມ່ບີ່ດອກແມ່“

“ ແມ່ນໃຜຊັ່ນລູກ“

“ລາວເຮັດວຽກຢູ່ກະຊວງ “     ສຽງລົດຈອດຢູ່ໜ້າບ້ານ “ສົງໄສລາວມາແລ້ວ “

“ລະວັງແດ່ເດີ້ລູກ “

“ໂດຍ“     ເວົ້າແລ້ວຂ້ອຍກໍ່ຍ່າງລົງມາຈາກຫ້ອງກໍ່ເຫັນພໍ່ກັບແດນນຢືນລົມກັນຢູ່

“ລົງມາລະຫວາລູກ “     ພໍ່ທັກ

“ໂດຍຮູ້ຈັກກັນລະຫວາ“

“ເປັນຫຍັງຊິບໍ່ຮູ້ ລາວກະລູກຂອງລຸງຕຸ໋ຍໝູ່ພໍ່ຫັ່ນເດ່ “     ພໍ່ເວົ້າແລ້ວກໍ່ຍີ້ມໃຫ້ແດນ

“ ອໍ໋ ຊັ່ນເຮົາໄປກ່ອນເດີ້ “     ຂ້ອຍຫັນມາຫາພໍ່

“ ໄປກ່ອນເດີ້ອາ “     ແດນຫັນມາຍີ້ມໃຫ້ພໍ່ຂ້ອຍເປັນຄັ້ງແລກທີ່ຂ້ອຍເຫັນ ກະແບບວ່າດູດີກວ່າໜ້າຂືມແຫຼະໄປ໋