ຄວາມຮັກທີ່ຊ້ອນຢູ່

ลำดับตอนที่ #12 : ປ່ຽນ

'Sit'

     ຂ້ອຍຫອບສັງຂານໂຕເອງມາສະຫວັນນະເຂດບໍ່ແມ່ນຍ້ອນມາທຳໃຈ ແຕ່ຫຼັງຈາກທີ່ບັກຊາຍຫົວຟູເຂົ້າມາຮັບແມ່ຍອດດວງໃຈຂ້ອຍໄປໂຮງຮຽນທຸກມື້ ທຳອິດຂ້ອຍກໍ່ບໍ່ຕ່າງຫຍັງກັບຄົນອົກຫັກທົ່ວໄປ ແຕ່ພໍຮອດມື້ເສັງມື້ສຸດທ້າຍ

     “ ສິດຢຸດເຮັດໜ້າຊືມເສົ້າຄືແມວນ້ອຍຢູ່ບ້ານຕາຍໄດ້ແລ້ວ “     ໄໝຍ່າງມາເວົ້າກັບຂ້ອຍທີ່ໝູບໜ້າໃສ່ປື້ມຢູ່ໂຕະຫີນ

     “ ເຂົາຍີ້ມບໍ່ໄຫວດອກໄໝ “

     “ ເຂົາມີເລື່ອງຊິບອກ, ເຂົາເຫັນເພີ່ນເປັນແບບນິແລ້ວເຂົາບໍ່ສະບາຍໃຈ “

     

     “ ມີຫຍັງລະ “     ຂ້ອຍຖາມທັງທີ່ຍັງໝູບໜ້າຢູ່

     “ ເລື່ອງທັງໝົດເປັນຍ້ອນເຂົາ “     ຂ້ອຍເຫງີຍຫົວຂື້ນມາເບີ່ງໜ້າໄໝ

     “ ອັນໃດ “

     “ ຊາຍເປັນແຟນເກົ່າເຂົາເອງ “

     “ ຫ໋ະ “     ຂ້ອຍອື້ງໄປ 2 ວິ

     “ ແມ່ນລາວເປັນຄົນທີ່ເຂົາຄົບເມື່ອ 3 ປີກ່ອນ , ເປັນແຟນຄົນທຳອິດຂອງເຂົາ , ແຕ່ເພາະລາວນິໄສບໍ່ດີແຖມຍັງນອກໃຈເຂົາ ແລະ ທີ່ເຂົາທົນບໍ່ໄດ້ແມ່ນລາວກະຄົບກັບໝູ່ທີ່ເຂົາຮັກພຽງຄົນດຽວເຂົາເລີຍເລີກແຕ່ລາວກໍ່ບໍ່ຍອມ ເຂົາຈື່ງຍ້າຍຈາກເມືອງຫຼວງມາຢູ່ວຽງໂດຍປ່ຽນຊື່ ແລະ ບໍ່ບອກໃຫ້ຍາດພີ່ນ້ອງຄົນໃກ້ຊິດຜູ້ໃດຮູ້ , ແຕ່ກ່ອນເຂົາບໍ່ໄດ້ຊື່ສາຍໄໝ ເຂົາຊື່ ໄໝແກ້ວ “

     “ @_@ “    

     “ ແລ້ວມື້ນັ້ນທີ່ເຮົາໄປເບີ່ງກິລາ ຊາຍຂໍລົມເຂົາຄືນແຕ່ເຂົາໝົດຮັກລາວແລ້ວ ແຕ່ລາວບໍ່ຍອມຊ້ຳຍັງຂູ່ວ່າຖ້າເຂົາບໍ່ກັບໄປຫາລາວ ລາວຊິທຳຮ້າຍໝູ່ເຂົານັ້ນກໍ່ຄືມົດ ລາວຊິເຮັດໃຫ້ອະດີດມັນຊ້ຳຮອຍ, ແຕ່ເຂົາຊິບໍ່ຍອມໃຫ້ເກີດຂື້ນ ມີເພີ່ນຄົນດຽວທີ່ຈະຊ່ວຍເຂົາໄດ້ “

     “ ເລື່ອງນິມັນຮ້າຍກວ່າໜັງອີກ “

     “ ຖືວ່າເຮັດເພື່ອມົດ ແລະ ເພີ່ນເອງ ບໍ່ຊັ້ນຄົນທີ່ເສຍໃຈກະຄືມົດ “

     “ ລະເຂົາຕ້ອງເຮັດແບບໃດ “

     “ ເຂົາຈະເຮັດໃຫ້ມົດຮັກເພີ່ນເອງ, ກ່ອນອື່ນເພີ່ນຕ້ອງປ່ຽນໂຕເອງ “

     “ ຈັ່ງໃດ ? “

     “ ເຂົາໃສ່ແວ່ນຕາກັບເສື້ອຜູ້ເຖົ້າ “

     “ ???? “

     “ ຕໍ່ມາເພີ່ນຕ້ອງເອງຊະນະມົດໃຫ້ໄດ້ “

     “ ຈັ່ງໃດ “

     “ ໂງ່ແທ້ , ໄປຮຽນຕີມວຍໄປ໋ ເພີ່ນຊິເອົາຊະນະໃຈມົດໄດ້ເພີ່ນກະຕ້ອງເອົາຊະນະລາວໄດ້ ແລະ ກໍ່ຕ້ອງປົກປ້ອງມົດໄດ້ “

     “ ເອົາຊັ່ນຫວາ “

     “ ລຸງເພີ່ນມີຄ້າຍມວຍຕົວະ “

     “ ແຕ່ມັນຢູ່ໄກ ຖ້າເຂົາໄປລະມົດ...“

     “ ບໍ່ຕ້ອງຫ່ວງ ບໍ່ເປັນຫຍັງດອກ ໄວ້ເປັນໜ້າທີ່ເຂົາເອງ, ເຂົາຊິບໍ່ຍອມເສຍໝູ່ໄປອີກ “

     ຫຼັງຈາກນັ້ນ ຂ້ອຍກໍ່ເກັບເຄື່ອງນຸ່ງຍັດໃສ່ກະເປົາມາຝຶກວິທະຍາຍຸດກັບລຸງ ເປົ້າໝາຍດຽວຂອງຂ້ອຍຄືເອົາຊະນະໃຈມົດໃຫ້ໄດ້ ທຸກມື້ທີ່ຂ້ອຍຝຶກຊ້ອມ ຍອມເຈັບໂຕມື້ລະຫຼາຍໆຄັ້ງກໍ່ເພື່ອຄົນໆດຽວ, ຫວັງວ່າມັນຄົງບໍ່ສາຍໄປສຳລັບ 2 ອາທິດທີ່ຂ້ອຍມາຝຶກຢູ່ນີ້ , ຂ້ອຍຄິດຮອດຢາກເຫັນໜ້າມົດທຸກມື້ ແຕ່ກໍ່ຕ້ອງໄດ້ອົດທົນ ເພາະໄໝບໍ່ໃຫ້ໂທໄປ ແລະ ບ່ອນທີ່ຂ້ອຍຢູ່ມັນກະໂທຍາກໆ

'Mod'

     ຂ້ອຍຕື່ນຂື້ນມາມື້ໃໝ່ດ້ວຍທ່າທາງອ່ອນເພຍ ເພາະມື້ຄືນນີ້ນອນບໍ່ຫຼັບ, ຂ້ອຍບໍ່ເຄີຍເສຍນ້ຳຕາໃຫ້ໃຜ ຍົກເວັ້ນສິດນິລະ , ຂ້ອຍອົດຄິດເຖິງເລື່ອງສິດບໍ່ໄດ້ ຂ້ອຍເປີດເບີ່ງໂທລະສັບເຫັນ 10 ຂໍ້ຄວາມກັບ 12 ສາຍບໍ່ໄດ້ຮັບ ມາຈາກປາຍທາງດຽວນັ້ນກໍ່ຄື 'ຊາຍ' ຂ້ອຍຮູ້ສຶກເບື່ອໜ່າຍ ແລະ ບໍ່ຢາກເຫັນໜ້າລາວ ບໍ່ຮູ້ວ່າເປັນຫຍັງທັງທີ່ລາວກໍ່ເປັນຊາຍໃນຝັນຂອງຂ້ອຍ , ອາດເປັນເພາະຂ້ອຍບໍ່ໄດ້ຮັກລາວຕິ ແຕ່ລາວພັດຮັກຂ້ອຍ ຂ້ອຍຈະເຮັດຈັ່ງໃດດີ ແລະ ອີກຊື່ໜື່ງກໍ່ປາກົດຂື້ນມາໃນຫົວຂອງຂ້ອຍ 'ໄໝ' ຂ້ອຍຮີບກົດໂທລະສັບໄປຫາໄໝ ແລະ ຫວັງວ່າໄໝຄົງຈະມີຄຳແນະນຳດີໆໃຫ້ຂ້ອຍແດ່

     “ໄໝ “

    ' ມົດຫວາ ມີຫຍັງບໍ່'

    “ ເອີ່ ! ມື້ນິໄໝວ່າງບໍ່, ດຽວມົດໄປຫາ“

    ' ສຳລັບມົດລະໄໝວ່າງສະເໝີຈະ'

     “ ດີເລີຍຄັນຊັ່ນດຽວອາບນ້ຳລະຊິໄປຫາເດີ້ ແປັບໜື່ງ “

     ຂ້ອຍວາງສາຍຈາກໄໝແລ້ວຟ້າວແລ່ນເຂົ້າຫ້ອງນ້ຳ ອາບນ້ຳນຸ່ງເຄື່ອງຢ່າງໄວ

     

     “ ຊິໄປໃສມົດ “     ແມ່ຮ້ອງຖາມເມື່ອເຫັນຂ້ອຍໂດດມາແຕ່ຂັ້ນໃດ

     “ ໄປຫາໄໝ “

     “ ແມ່ລົມນຳກ່ອນໄດ້ບໍ່ “

     “ ມີຫຍັງບໍ່ແມ່ “     ຂ້ອຍຍ່າງມາຫາແມ່ທີ່ໂຊຟາ ແລະ ນັ່ງລົງຂ້າງໆ

     “ ເລື່ອງແຟນລູກນະ , ແມ່ຊິເວົ້າຕົງໆເດີ້ ແມ່ບໍ່ມັກ “

     “ ... “

     “ ລາວມາຫາລູກຮອດເຮືອນຮອດຊານກະແມ່ນຢູ່, ແຕ່ວ່າລາວບໍ່ເຄີຍເຂົ້າມາໃນເຮືອນ ບໍ່ຮູ້ຈັກພໍ່ແມ່, ພໍ່ແມ່ເອງກະຍັງບໍ່ຮູ້ຈັກວ່າລາວແມ່ນໃຜ ມາຮອດໜ້າບ້ານລະໂທບອກລູກໄປຫາ ອອກໄປລະເດິກກະຈື່ງກັບບາງມື້ , ແມ່ເປັນຫ່ວງ “

     “ ... “

     “ ຄັນລູກຊິຄົບຫາໃຜແມ່ກະບໍ່ຫ້າມບໍ່ຂວາງ , ຂໍແຕ່ຢ່າເຮັດແບບນິແມ່ບໍ່ມັກ “

     “ ແມ່ບໍ່ຕ້ອງຫ່ວງດອກເຮົາຮັກສາໂຕເອງໄດ້ “

     “ ອັນນັ້ນແມ່ຮູ້ ລະຖ້າເກີດເຂົາວາງຢາ ຫຼື ເຂົາບໍ່ປະສົງດີກັບເຮົາເດ່ “

     

     “ ເຮົາຊິລະວັງໂຕໄວ້ ຕໍ່ໄປເຮົາຊິບໍ່ໄປໃສມາໃສກັບລາວ ສອງຕໍ່ສອງແລ້ວ “

     “ ລະອີກເລື່ອງໜື່ງ ສິດຫັ່ນຈັ່ງໃດ “

     “ ເປັນຫຍັງແມ່ “

     “ ແມ່ສັງເກດບໍ່ເຫັນພວກລູກເປັນຄືແຕ່ກ່ອນແຕ່ຂ່າລູກມີແຟນມາ “

     “ ສິດລາວຄືຊິມີເຫດຜົນພໍລາວຫັນແຫຼະແມ່ “

     “ ຮັກຄົນທີ່ຮັກເຮົາ ເພາະເຂົາຈະຫວັງດີ ແລະ ເຮັດດີກັບເຮົາ “

     ສຸດປະໂຫຍກແມ່ກໍ່ຫັນໜ້າໄປເບີ່ງໂທລະທັດ  ຂ້ອຍໄດ້ແຕ່ເອົາປະໂຫຍກທີ່ແມ່ຖີ້ມທ້າຍໄວ້ມາຄິດ , ກ່ອນທີ່ຂ້ອຍຈະຂັບລົດໄປຫາໄໝຢູ່ບ້ານ

     “ ມົດເຂົ້າມາໃນກ່ອນ “      ໄໝເປີດປະຕູມາຮັບຂ້ອຍ

     “ ອ້າຍບໍ່ຢູ່ຫວາ “     ຂ້ອຍຖາມໄໝເພາະໄໝຢູ່ແຕ່ກັບອ້າຍສອງຄົນ ພໍ່ກັບແມ່ ເປັນນັກທຸລະກິດຢູ່ພາກເໜືອ

     “ ອອກໄປແຕ່ເຊົ້າໆ ລະມົດມີຫຍັງບໍ່ທ່າທາງບໍ່ສະບາຍໃຈ “

     “ ເຂົາມານີ້ ວ່າຈະມາປຶກສາເລື່ອງສິດ “

     “ ດີເລີຍ ເຂົາລໍຖ້າເພີ່ນມາຫາເຂົາດົນແລ້ວ , ບອກມາເລີຍ ເພີ່ນກັບສິດຫັ້ນຈັ່ງໃດ “

     “ ເຂົາກະບໍ່ຮູ້ນະເຂົາສັບສົນໄປໝົດ “

     “ ອື່ມ, ເຂົ້າໃຈ “

     “ ເຂົາຈະເຮັດຈັ່ງໃດດີສິດກໍ່ໄປແລ້ວ ສອນວ່າບາງທີສິດອາດຈະໜີໄປເລີຍ , ລາວອາດຈະໄປຢູ່ນຳລຸງແລ້ວບໍ່ກັບມາອີກ “

     “ ສິດຕ້ອງກັບມາເຊື່ອເຂົາ “

     “ ເຂົາບໍ່ຢາກເສຍໝູ່ດີໆຄືສິດໄປ “

     “ ເຮົາເຄີຍສັນຍາວ່າຈະເປັນໝູ່ກັນຕະຫຼອດໄປບໍ່ແມ່ນຫວາ “

     ' you know i miss you 

 

     And this is all i wanna say '  ຂ້ອຍຈັບໂທລະສັບຂື້ນມາເບີ່ງ

     “ ອີກລະ “     ຂ້ອຍເວົ້າກັບໂຕເອງກ່ອນທີ່ໄໝຈະຫງຽງຫົວມາເບີ່ງຊື່ທີ່ປາກົດຂື້ນ

     “ ຄືບໍ່ຮັບ “     ໄໝຖາມ ກ່ອນທີ່ຂ້ອຍຈະກົດຮັບສາຍ

    ' ມົດຢູ່ໃສ'

     “ເຮືອນໄໝ ຊາຍມີຫຍັງບໍ່ “

    ' ຊາຍໂທຫາມົດຄືບໍ່ຮັບ, ສົ່ງຂໍ້ຄວາມຫາກະບໍ່ຕອບ ແຕ່ວານນິແລ້ວ '

     “ ມື້ວານນິເມື່ອຍເລີຍນອນຫຼັບ “

   '  ລະຕື່ນມາຄືບໍ່ຕອບ '

     “ ບໍ່ໄດ້ເບີ່ງໂທລະສັບ “

   ' ດຽວຊາຍໄປຫາເດີ້ '

     “ ຊາຍບໍ່ຕ້ອງມາດອກ “

   'ເປັນຫຍັງມົດ '

     “ ບອກວ່າບໍ່ຕ້ອງມາ “

    ' ມົດຄຽດຫຍັງໃຫ້ຊາຍ, ຊາຍເຮັດຫຍັງຜິດ , ຊາຍຮັກມົດໃດເປັນຫຍັງຄືເຮັດແບບນີ້ກັບເຂົາ'

     “ ຊາຍຢ່າໂພດຫຼາຍ ຈົ່ງບ່ອນຫວ່າງໃຫ້ເຂົາຫາຍໃຈແດ່, ເຂົາຢາກຢູ່ກັບໝູ່ ເທົ່ານີ້ເດີ້  “      ຂ້ອຍກົດວາງສາຍໃສ່ຊາຍ

     “ ເປັນຫຍັງກັນ “ ໄໝຖາມ

     “ ເຂົາເບື່ອນະ ບໍ່ເຂົ້າໃຈເຂົາວ່າເຂົາມັກຊາຍ “

     “ ແນ່ໃຈວ່າມັກ “

    

     “ ທຸກຄັ້ງທີ່ເຂົາຢູ່ກັບລາວເຂົາບໍ່ເປັນໂຕຈອງໂຕເອງ, ເຂົາຄິດຖຶງແຕ່ຄົນອື່ນ “

     “ ລະຄົນອື່ນທີ່ວ່າແມ່ນໃຜລະ “

     “ ... “

     “ ລະເພີ່ນຢູ່ກັບໃຜແລ້ວມີຄວາມສຸກ. ຢູ່ກັບໃຜແລ້ວເປັນຕົວເອງ “

     “ ເຂົາວ່າ ເຂົາບໍ່ໄດ້ມັກຊາຍແລ້ວແຫຼະ “

     “ ເພີ່ນໜ້າຈະລອງເປີດໃຈ ບໍ່ແມ່ນຕ້ອງບອກວ່າເພີ່ນໜ້າຈະລອງຕາມໃຈຕົວເອງເບີ່ງຕ່າງຫາກ “

     “ ແຕ່ເຂົາຢ້ານ “

     “ ຢ້ານຫຍັງ ? “

     “ ເຂົາຢ້ານວ່າເຂົາຈະເປັນຄົນທີ່ທຳລາຍມິດຕະພາບທີ່ສະສົມມາຫຼາຍປີ , ຖ້າຫາກຄົບກັນແລ້ວໄປບໍ່ລອດຄືເຂົາກັບຊາຍມັນຈະເຈັບປວດຊ່ຳໃດເພີ່ນວ່າ “

     

     “ ແຕ່ ເພີ່ນບໍ່ໄດ້ມັກຊາຍບໍ່ແມ່ນຫວາ ແຕ່ເພີ່ນຮັກສິດ ແລະ ສິດກໍ່ຮັກເພີ່ນ “

     “ ໄໝຮູ້ “     ຍັງບໍ່ທັນບອກຈັກຄຳວ່າຮັກສິດໄໝຮູ້ໄດ້ຈັ່ງໃດ

     “ ມັນເບີ່ງບໍ່ຢາກດອກມົດ “

     “ ແລ້ວເຂົາຈະເຮັດຈັ່ງໃດກັບຊາຍດີ “

     “ ຢູ່ເສີຍໆໄປກ່ອນຢ່າຟ້າວເຮັດຫຍັງວູ້ວາມ ຊາຍບໍ່ແມ່ນຄົນທີ່ບອກເລີກແລ້ວຊິຈົບງ່າຍໆ “

     “ ເພີ່ນໝາຍຄວາມວ່າແນວໃດ “

     “ ເພາະເຂົາ...ເປັນແຟນເກົ່າຊາຍ “