คืนค่าการตั้งค่าทั้งหมด
คุณแน่ใจว่าต้องการคืนค่าการตั้งค่าทั้งหมด ?
ลำดับตอนที่ #1 : ເທບພະບຸດສຸດລໍ່
' ລໍ່ອ໋ະ , ຄົນອີ່ຫຍັງບໍ່ເຄີຍພົບເຄີຍເຫັນ '
‘ນ້ຳປານໃດລູກຊິໄປຫາອາວທອນ’
“ເອົາໄວ້ເສັງແລ້ວລູກຊິໄປດອກ“
‘ລູກໄປຮຽນກະຊິຈົບເປັນເທີມແລ້ວໃດລູກ ວ່າງໆກະໄປຫາອາວທອນແດ່ ’
“ໂອເຄໆ
ດຽວເຮົາຂັບລົດໄປຮຽນກ່ອນດຽວໄປບໍ່ທັນ ເທົ່ານິເດີ້“
ຂ້ອຍຊື່ນ້ຳທິບ ຫຼື ວ່ານ້ຳ ອາຍຸ 20 ປີ
ຕອນນີ້ເປັນນັກສຶກສາວິສະວະກຳໄຟຟ້າເອເລັກໂຕນິກປີ2 ,
ບ້ານຂ້ອຍຢູ່ແຖວຊານເມືອງ ຫຼື ເອີ້ນວ່າບ້ານນອກຫັ່ນລະ
ຂ້ອຍເປັນລູກຂອງນາຍທະຫານ ແລະ ແມ່ຄູແສນດີ , ມີອ້າຍຄົນໜື່ງ
ບໍ່ຖີ້ມແຖວຈາກພໍ່, ດຽວນີ້ເປັນທະຫານຢູ່ທາງພາກເໜືອ ສ່ວນຂ້ອຍອອກແນວບໍ່ຄືໃຜ
ລາພໍ່ແມ່ມາຮຽນຊ່າງເອເລັກໂຕນິກໃນເມືອງ,
ຂ້ອຍມາຮຽນຈົນຈົບປີ1ແລ້ວຍັງບໍ່ມີໂອກາດໄດ້ໄປຍາມອາວທອນ ເຊີ່ງອາວທອນເປັນນ້ອງຊາຍຂອງພໍ່ຂ້ອຍເອງ
ລາວເປັນໝໍຢູ່ໃນເມືອງ ແລະ ແມ່ຂ້ອຍກໍ່ຢາກໃຫ້ຂ້ອຍໄປຢູ່ນຳອາວ
ແຕ່ມີຫວາຂ້ອຍຈະໄປ, ຂ້ອຍເລີຍເຊົ່າຫ້ອງແຖວຢູ່ຄົນດຽວ ແລະ
ຕອນແລງຫຼັງເລີກຮຽນຂ້ອຍກໍ່ເຮັດວຽກ Part
time ທີ່ຮ້ານກາເຟໃກ້ໆຫ້ອງພັກ.
ມື້ນີ້ວັນສຸກຂ້ອຍພັກວຽກ
ແລະ ນັດໝູ່ໄວ້ວ່າຈະພາກັນໄປເຊຍບັກຕູ່ມັນເຕະບານກັບຄະນະແພດສາດ ,
ຂ້ອຍມີໝູ່ບໍ່ຄ່ອຍຫຼາຍດອກ ແລະ ສ່ວນຫຼາຍກໍ່ເປັນຜູ້ຊາຍ ໝູ່ທີ່ສະໜິດໆກັນກໍ່ມີ
ບັກຕູ່ ທັງລໍ່ທັງລວຍອ່ອຍກະເກັ່ງອ່ອຍໄດ້ແມ່ນແຕ່ອາຈານ, ຕໍ່ມາບັກແບັງ
ຂາໃຫ່ຍໃຜກໍ່ບໍ່ກ້າມີເລື່ອງບໍ່ມີໃຜຕົບຫົວມັນໄດ້ນອກຈາກໝູ່ກັບຊ່າງຕັດຜົມ ແລະ
ຄົນສຸດທ້າຍ ນາງ ແຄນລາວ ແຕ່ນາງໃຫ້ເອີ້ນວ່າ ແຄນດີ້ນັ້ນເອງ, ນາງ
ເປັນຜູ້ຊາຍໃຈຍິງທີ່ພໍ່ບັງຄັບມາຮຽນ
ແຕ່ກໍ່ດັນວ່າຮຽນເກັ່ງເລີຍໄດ້ມາຢູ່ກຸ່ມດຽວກັນ,
ສ່ວນຂ້ອຍທີ່ມາສະໜິດກັບພວກນິໄດ້ກໍ່ບໍ່ຮູ້ຄືກັນ .
‘ອີ໋ໆໆໆໆໆໆໆໆໆໆໆໆໆໆໆໆ ‘ຕຸ໋ບ’ ‘
“ເຮີ້ຍ / ໂອ໋ຍຍຍຍ
“ ບໍ່ທັນແລ້ວ ຂ້ອຍໄດ້ຍິນສຽງເບກລົດແຕ່ພໍຫັນໄປລົດຈັກອີກຄັນໜື່ງກໍ່ມາຕຳເອົາລົດຂ້ອຍເສີຍເລີຍ
“ໂອ໋ຍຍຍຍຍຍຍ
“ ຂາຂ້ອຍ
ເຈັບຊິຕາຍແຖມຍັງມີເລືອດອອກມາອີກ
ຫ໋ະ! ເລືອດ ເລືອດອອກເຮັດຈັ່ງໃດດີໆ
ຜູ້ຊາຍທີ່ຂັບລົດມາຕຳຂ້ອຍລາວກຳລັງຍ່າງມາທາງນີ້
ຖອດໝວກອອກເບີ່ງຊິດ່າໃຫ້ຖອກທ້ອງ 3ມື້ 3ຄືນ
“ຂັບລົດຫັ່ນຕາບໍ່ເບີ່ງ…..0
– 0 “
“ຂໍໂທດເດີ້ເຈັບໃສບໍ່
ພໍດີຂ້ອຍບໍ່ທັນເຫັນເຈົ້າ “
“........
“ ລໍ່ອ໋ະ ,
ຄົນອີ່ຫຍັງບໍ່ເຄີຍພົບເຄີຍເຫັນ
“ເລືອດເຈົ້າອອກນຳຕົວະນິ
ດຽວຂ້ອຍຂໍເບີ່ງແດ່ເດີ້ “ ຄົນລໍ່ເດ່ມືມາຈັບຂາຂ້ອຍຢຽດອອກເຮັດໃຫ້ເຫັນຮອຍບາດຢູ່ຫົວເຂົ່າ
“ເຈົ້າເຈັບໃສອີກບໍ່ດຽວຂ້ອຍພາໄປສົ່ງໂຮງໝໍ“
“ບໍ່ໆ
ຂ້ອຍບໍ່ເປັນຫຍັງ“ ຕາຍແລ້ວນ້ຳ
ຄຳດ່າກີ້ນິໄປໃສໝົດເຫັນຄົນລໍ່ບໍ່ໄດ້
“ບໍ່ເປັນໄດ້ຈັ່ງໃດເລືອດອອກປານນິ
ລະເຈົ້າເຈັບໃສອີກບໍ່“
“ບໍ່
ບໍ່ເຈັບເລີຍ“ ຂ້ອຍສົ່ງຍີ້ມໃຫ້ລາວ
“ບາດເລິກແບບນິ
ຕ້ອງຟ້າວໄປລ້າງບາດ , ອ້າຍອັນນິບັດປະຈຳໂຕນ້ອງ ຝາກລົດໄວ້ແດ່ເດີ້ດຽວຂ້ອຍພາລາວໄປໂຮງໝໍກ່ອນ
ດຽວຂ້ອຍຊິກັບມາເອົາລົດເດີ້ “
ລາວເນັ້ນໄປທີ່ຫົວເຂົ່າຂ້ອຍກ່ອນຈະຫັນໄປເວົ້າກັບຕຳຫຼວດ
ເຊີ່ງມາຕັ້ງແຕ່ຕອນໃດກໍ່ບໍ່ຮູ້
ຂ້ອຍເອງກໍ່ຍັງບໍ່ຮູ້ເລື່ອງ ລາວໂຈມຂ້ອຍຂື້ນແລ້ວໂບກລົດຕຸກໆ
“ໄປໂຮງໝໍ“
ລາວບອກໂຊເຟີ້ກ່ອນອອກລົດ
ລະຫວ່າງທາງລາວພະຍາຍາມຖາມຂ້ອຍຕະຫຼອດວ່າເຈັບຫຼາຍບໍ່
ຂໍໂທດຂ້ອຍສາລະພັດ ລະກະຖາມວ່າເຈັບບ່ອນໃດອີກບໍ່
ແລ້ວກໍ່ກັບມາຄຳຖາມເກົ່າ ແຕ່ເຊື່ອບໍ່ຄຳຖາມທີ່ລາວຖາມນະ
ມັນເຂົ້າຫູຊ້າຍອອກຫູຂວາເລີຍ
ຂ້ອຍແນມເບີ່ງໃບໜ້າຂອງລາວແລ້ວມັນອົດຍີ້ມບໍ່ໄດ້
ເຫັນລະມັນມີຄວາມສຸກນະ ,
ຂະໜາດລາວຍັງບໍ່ທັນໄດ້ຍີ້ມໃຫ້ຂ້ອຍເຫັນຈັກບາດໃດນິ .
“ຮອດແລ້ວດຽວ
ຄ່ອຍໆລົງເດີ້ ຂ້ອຍຈັບເຈົ້າຢູ່ “ ຫ໋ະ !
ຮອດໂຮງໝໍລະນະໄວແທະວະ
“ອໍ
“ ຂ້ອຍໄດ້ແຕ່ລົງຈາກລົດຕາມລາວມາ
ບອກຕາມຕົງຂ້ອຍບໍ່ຄ່ອຍຈະເປັນແບບນີ້ກັບຜູ້ຊາຍຄົນໃດດອກ,
ບໍ່ເຄີຍເປັນເລີຍກໍ່ວ່າໄດ້ ມີແຕ່ແພ້ຄົນລໍ່ແບບແນມເຫັນລະຢາກກີ໋ດອີ່ຫຍັງປະມານນິ
, ກະຂ້ອຍກະເປັນຜູ້ຍິງຄົນໜື່ງເນາະບໍ່ແມ່ນຮຽນໄຟຟ້າ , ມີໝູ່ຜູ້ຊາຍ
ແລ້ວຊິບໍ່ຫວັນໄຫວກັບຜູ້ຊາຍລໍ່ໆ
“ດຽວຂ້ອຍຖ້າຢູ່ນອກເດີ້
ເຈົ້າຄົງບໍ່ເປັນຫຍັງຫຼາຍດອກ “
ລາວພາຂ້ອຍແຊງຄິວເຂົ້າໄປໃນຫ້ອງສຸກເສີນ ກ່ອນທີ່ຈະບອກຂ້ອຍ
“ດຽວ
“
ຂ້ອຍດຶງແຂນລາວໄວ້ບອກຕາມຕົງຂ້ອຍບໍ່ມັກໂຮງໝໍເລີຍ
“ບໍ່ເປັນຫຍັງດອກຂ້ອຍບໍ່ໜີໄປໃສດອກບໍ່ຕ້ອງຢ້ານ
“
ລາວເວົ້າແລ້ວກໍ່ແກະມືຂ້ອຍອອກແລ້ວຢ່າງອອກຈາກຫ້ອງສຸກເສີນໄປປ່ອຍໃຫ້ຂ້ອຍຕ້ອງຜະເຊີນໜ້າກັບໝໍ
ແລະ ພະຍາບານພຽງຄົນດຽວ T_T
20
ນາທີໄດ້ໝໍກໍ່ປ່ອຍຂ້ອຍອອກມາພ້ອມກັບໃບສັ່ງຢາ
ຂ້ອຍຍ່າງອອກມາກໍ່ເຫັນສຸດລໍ່ຢືນລົມໂທລະສັບຢູ່
“ເຮົາຄືຊິໄປບໍ່ທັນແລ້ວຫຼະ “ ລາວຫັນມາເຫັນຂ້ອຍຈື່ງຮີບວາງໂທລະສັບ
“ເທົ່ານິກ່ອນເດີ້ .“
“ບໍ່ເປັນຫຍັງຫຼາຍຕີ້“ ລາວຍັດໂທລະສັບເຂົ້າຖົງແລ້ວຫັນມາຖາມຂ້ອຍ
“ອໍ
... ອື່ມ “ ຂ້ອຍມັກມີອາການເຮັດໂຕບໍ່ຖືກເວລາຢູ່ຕໍ່ໜ້າຄົນລໍ່
“ຂໍເບີ່ງໃບສັ່ງຢາໄດ້ບໍ່“ ແນ່ນອນຂ້ອຍຍື່ນໃຫ້ໂດຍດີ
“ດຽວເຮົາໄປເອົາຢາເທາະ
, ບໍ່ຕ້ອງຫ່ວງເດີ້ ຄ່າຮັກສາດຽວຂ້ອຍອອກໃຫ້ໝົດ “ ລາວເວົ້າແລ້ວຍ່າງນຳຂ້ອຍມາບ່ອນຈ່າຍຢາ
“ລະເຮົາຈື່ງໄປເອົາລົດເນາະ
, ວ່າແຕ່ເຈົ້າຊິໄປໃສ ມີວຽກດ່ວນບໍ່“
ຄົນລໍ່ຖາມ
“ອໍ
! ບໍ່ຟ້າວດອກ ວ່າຈະໄປຫາໝູ່ ແຕ່ຄືຊິບໍ່ໄປລະແຫຼະ “ ຖາມຊື່ແມະນ້ຳຖາມຊື່
“ວ່າແຕ່ເຈົ້າຊື່..“ ຂ້ອຍກຳລັງຊິຖາມຕໍ່ແຕ່ວ່າ
‘ ມີແຟນແລ້ວຫຼືຍັງ ຫາກວ່າຍັງ ຢາກຈະຂໍໃຫ້ເຈົ້າຊ່ວຍພິຈາລະນາ
ຄົນໆນີ້
ເຂົ້າໄປຢູ່ໃນຫົວໃຈ ‘
ສຽງໂທລະສັບຂ້ອຍດັງຂື້ນກ່ອນ
ຂັດຈັງຫວະຕະຫຼອດ, ແຕ່ພໍເຫັນເບີຢູ່ໜ້າຈໍເທົ່ານັ້ນລະ
“ໂຫຼ“
‘ເຮີ້ຍນ້ຳ,
ປານນິມືງຄືຍັງບໍ່ມາ ບັກຕູ່ມັນລົງເຕະລະໃດ’ ສຽງແຫວດໆຂອງອີ່ແຄນດີ້ດັງອອກມານອກໂທລະສັບ
“ມື້ນິກູຄົງໄປບໍ່ໄດ້...ມີເລື່ອງໜ້ອຍໜື່ງ“
‘ເລື່ອງຫຍັງຂອງມືງຢ່າລີລາ’
“ກູບໍ່ໄດ້ລີລາກູໄປບໍ່ໄດ້ອີ່ຫຼີ“
‘ມືງເປັນຫຍັງຄືມາບໍ່ໄດ້’
“ກູຖືກລົດຕຳ
ເອົາໄວ້ເທື່ອໜ້າ“
‘ລົດຕຳ ! ມຶງເຮັດຈັ່ງໃດ ...
ເຮີ້ຍແບັງກູຍັງເວົ້າບໍ່ຈົບ...ມຶງຢູ່ໃສ’ ສຽງບັກແບັງທັ່ງໃສ່ໂທລະສັບທີ່ມັນຍາດມາຈາກອີ່ແຄນດີ້
“ຢູ່ໂຮງໝໍ“
‘ເຮ້ຍ !
ມຶງເຮັດຈັ່ງໃດໃຫ້ມັນຕຳ ມັນແມ່ນໃຜບອກກູມາກູຊິຊັດມັນນິ’
“ເຮີ້ຍ
! ໃຈເຢັນກູບໍ່ເປັນຫຍັງຫຼາຍເອົາໄວ້ກູຊິເລົ່າໃຫ້ຟັງ “ ຂ້ອຍແນມເຫັນຄົນລໍ່ໄປຈ່າຍຄ່າຢາແລ້ວຖ້າບັກແບັງມາຄົງເປັນເລື່ອງໃຫ່ຍ
“ເອີ້
ຊ່ຳນິກ່ອນເດີ້ໄວ້ກູຮອດຫ້ອງກູຊິໂທກັບ“
‘ດຽວ.......’ ບໍ່ທັນປາຍສາຍຊິໄດ້ເວົ້າຂ້ອຍກໍ່ຊິງຕັດສາຍກ່ອນພ້ອມປິດສຽງໂທລະສັບ
“ແລ້ວລະຫວາ
“ ຂ້ອຍຖາມຄົນລໍ່ກ່ອນທີ່ລາວຈະຍື່ນຖົງຢາມາໃຫ້
“ດຽວກິນຢາຕາມທີ່ຂຽນໄວ້ເລີຍເດີ້
ພໍດີຂ້ອຍມີວຽກຕ້ອງໄປດຽວເຮົາໄປເອົາລົດດີກວ່າ
ສ່ວນລົດເຈົ້າເພບ່ອນໃດຂ້ອຍຊິຮັບແປງເອງ “
“ບໍ່ເປັນຫຍັງຂ້ອຍແປງເອງໄດ້
“
“ໄດ້ຈັ່ງໃດຂ້ອຍຂັບມາຕຳເຈົ້າ“
“ວ່າແຕ່ເຈົ້າເທາະເຈັບໃສບໍ່“
“ບໍ່ເລີຍ
! ດີທີ່ຊິໄປເຕະບານເລີຍສວມຖົງຕີນຍາວ “
“ອໍ“
“ໄປເທາະ
“ ຄົນລໍ່ຍ່າງນຳຂ້ອຍມາລັດລົດແລ້ວກັບໄປບ່ອນເກີດເຫດກ່ອນທີ່ຈະເຄຍກັບຕຳຫຼວດ
ແລ້ວເອົາລົດກັບ
ແຕ່ບັນຫາມີຢູ່ວ່າລົດຂ້ອຍຕິດບໍ່ໄດ້
“ລົດເປັນຫຍັງ“ ຄົນລໍ່ຍ່າງມາຖາມ
“ມັນຕິດບໍ່ໄດ້ສົງໄສເປັນນຳ...“
“ຊັ່ນຂ້ອຍຊິໄປສົ່ງ
ເອົາລົດເຈົ້າໃຫ້ຮ້ານແປງດີກວ່າ “
ຂ້ອຍກຳລັງຈະບອກວ່າເປັນນຳຫຍັງແຕ່ລາວຈູງລົດຂ້ອຍໄປຮ້ານແປງລົດຂ້າງໆເສີຍ
“ຝາກແດ່ເດີ້ອ້າຍແປງແລ້ວລະໂທຫາຂ້ອຍແດ່
“ ລາວກົດເບີໃຫ້ເຈົ້າຂອງຮ້ານແປງລົດເຊີ່ງຂ້ອຍກຳລັງຈະບອກວ່າຂ້ອຍແປງເອງໄດ້
“ລົດຂ້ອຍມັນບໍ່ໄດ້ເປັນຫຍັງດອກ“
“ມັນຕິດບໍ່ໄດ້ເຈົ້າກະເຫັນ,
ແຖມຕອນນິຊິມືດແລ້ວຂ້ອຍກະມີວຽກໄປຕໍ່ດຽວຂ້ອຍໄປສົ່ງເຈົ້າກ່ອນກະໄດ້ “
“ບໍ່ເປັນຫຍັງຂ້ອຍກັບເອງໄດ້“
“ມາເທາະ
ເຈົ້າກັບເອງຂ້ອຍຄົງບໍ່ສະບາຍໃຈ“
ປື້ມທີ່ສຸດໃນຊີວິດທີ່ຄົນລໍ່ມາເວົ້າແບບນີ້ນຳ
ຊ່າງເປັນບຸນແລະວາດສະໜາຂອງອີ່ນ້ຳທິບເສຍເຫຼືອເກີນ,
ແຕ່ວ່າຈັ່ງໃດລາວກະຍັງເປັນຄົນແປກໜ້າຢູ່ດີ
“ບໍ່ຕ້ອງຫ່ວງດອກ,
ຂ້ອຍບໍ່ເຮັດຫຍັງດອກ ຫຼື ຊິກັກບັດປະຈຳຕົວຂ້ອຍໄວ້ກະໄດ້ໃດ“
“ໄປກະໄປ“
ຂ້ອຍຫອບສັງຂານໄປຂື້ນລົດ W100
ສີຟ້າທີ່ຍັງດູດີກວ່າ Dream ສີແດງດັ້ງເດີມຂອງຂ້ອຍ,
ມັນຂ້ອນຂ້າງທຸລັກທຸເລເພາະຂ້ອຍບໍ່ລື້ງຊ້ອນທ້າຍພໍປານໃດ
ແຕ່ກໍ່ດີໃດຄວາມຮູ້ສຶກມັນແປກໄປອີກແບບໜື່ງ,
ຂ້ອຍບອກລາວມາສົ່ງທີ່ຫ້ອງຂ້ອຍພັກ ເຊີ່ງມັນກໍ່ບໍ່ໄກຈາກບ່ອນເກີດເຫດຫຼາຍ
“ຢູ່ຄົນດຽວຫວາ“
ສຸດລໍ່ແນມໆເບີ່ງສະຖານທີ່ທີ່ຂ້ອຍເອີ້ນວ່າຫ້ອງແຖວ ເຊີ່ງມັນກະພໍດີຢູ່ເຖິງຈະຄັບແຄບແດ່
“ກະຢູ່ຫຼາຍຄົນ“ ຂ້ອຍຕອບໄປເພາະບໍ່ຄ່ອຍໄວ້ໃຈຄົນລໍ່
“ລົດຫັ້ນ
ດຽວຂ້ອຍຈະໄປຈ່າຍຄ່າແປງໃຫ້ ລະເຈົ້າກໍ່ໄປເອົາໄດ້ເລີຍ“
“..ອື່ມ
“
“ຂ້ອຍຕ້ອງໄປແລ້ວ
... ເຊົາໄວໆເດີ້ ລະກະຂໍໂທດສຳລັບເລື່ອງມື້ນີ້“
“ບໍ່ເປັນຫຍັງດອກ,
ຂອບໃຈເຈົ້າຄືກັນ “ ແລະແລ້ວຄົນລໍ່ກໍ່ສົ່ງຍີ້ມບາງໆມາໃຫ້ຂ້ອຍ
ໂອ໋ຍຍຍ! ຫົວເຂົາອ່ອນ
ແລະ
ຄົນລໍ່ກໍ່ບິດຄັນເລັ່ງອອກໄປປ່ອຍໃຫ້ຂ້ອຍຢືນຍີ້ມຄ້າງຢູ່ຄົນດຽວ
....................................
‘ປັງ ! ປັງ! ປັງ ! ’
“ນ້ຳ
“
“ແບັງມຶງເຄາະກະໄດ້ຕິເບາະ
ຊິທຸບເຮັດຫຍັງ“ ແຄນດີ້ວ່າ
‘ປັງ ! ປັງ! ປັງ ! ’
“ນ້ຳ
ໄຂປະຕູ“
“ໂອ໋ຍ
ຄ່ອຍໆແດ່ຄົນຊິນອນ “ ຂ້ອຍຈົ່ມພືມພຳກັບໂຕເອງ
“ນ້ຳ“
‘ປັງ ! ປັງ! ປັງ ! ’
“ເອີ່
! ຮູ້ແລ້ວໆ “ ຂ້ອຍຕ້ອງລຸກໄປໄຂປະຕູເພາະບັກແບັງມັນກຳລັງຊິພັງປະຕູ
“ມຶງເຄາະປະຕູດີໆ
ມືຊິຕາຍຫວາແບັງ“ ທັນທີທີ່ຂ້ອຍໄຂປະຕູອອກໄປກໍ່ເຈິບັກແບັງຢືນຢູ່ໜ້າປະຕູ
ຕາມດ້ວຍອີ່ແຄນທີ່ຢູ່ທາງຫຼັງ ແລະ ບັກຕູ່ທີ່ຢືນເກັກທ່າຢູ່
“ລະມືງປິດໂທລະສັບເຮັດຫຍັງ“
“ໂທລະສັບກູວາງໄວ້ໃສກະຍັງບໍ່ຮູ້
ລະມືງມີຫຍັງນິມາເດິກໆດື່ນໆ“ ແລ້ວພວກໜ້າມຶນກໍ່ຍ່າງເຂົ້າມາໃນຫ້ອງທັງທີ່ບໍ່ທັນໄດ້ຊວນ
“ບັກຕູ່ເຕະບານແລ້ວກໍ່ພາກັນໄປໂຮງໝໍ,
ໄປກະຊອກບໍ່ເຫັນໂທຫານາງກະບໍ່ໄດ້“ ສຽງແຫວດໆຂອງນາງແຄນດີ້ເວົ້າຂື້ນ
“ລະມືງໄປເຮັດທ່າໃດໃຫ້ລົດມັນຕຳ“ ບັກຕູ່ຖາມຂື້ນ
“ກູກະຂັບຂອງກູດີໆ ພໍດີມີລົດຕັດໜ້າເຂົາເຈົ້າ , ເຂົາເຈົ້າກະເລີຍຫັກມາໃສ່ກູ“
“ສັດເອີ້ຍ
! “ ບັກແບັງເວົ້າຂື້ນທ່າທາງມັນໃຈຮ້າຍກ່ອນຈະເວົ້າຕໍ່
“ລະມຶງຮູ້ບໍ່ມັນແມ່ນໃຜ
ກູຊິໄປເອົາເລືອດປາກມັນອອກ“
“ພໍເລີຍມືງ
ຢ່າຄິດມາແຕະຕ້ອງຄົນລໍ່ຂອງກູ“
“ຕ໊າຍ
! ອີ່ກະແດະໃຫ່ຍດຽວນິມືງສົນໃຈຜູ້ຊາຍແຕ່ມື້ໃດ“ ອີ່ແຄນດີ້ມັນເຮັດທ່າຕົກໃຈ
“ເລື່ອງຂອງກູແຕ່ຄົນນິກູຮັກແລກພົບເວີ້ຍ“
“ຮັກແລກພົບ
ລະມືງຮູ້ບໍ່ວ່າແມ່ນໃຜຮຽນຢູ່ໃສເຮັດຫຍັງ“ ອີ່ແຄນດີ້ມາເປັນຊຸດ
“ເອີ້
! ກູລືມຖາມເວີ້ຍ ເຮັດຈັ່ງໃດດີ“ ຫັ່ນລະລືມຖາມໄດ້ຈັ່ງໃດເບີໂທກະບໍ່ມີ
“ໂອ໊ຍ
ມັນແມ່ນວຽກກູບໍ່ນິ “ ອີ່ແຄນຈົ່ມ
“ວ່າແຕ່ລົດໄປໃສ“ ຕູ່ຖາມ
“ມັນຕິດບໍ່ໄດ້ເລີຍເອົາໄປແປງຢູ່ຮ້ານ“
“ລົດຕິດບໍ່ໄດ້ນິໃດໄປແປງຢູ່ຮ້ານ
! “ ບັກແບັງທ້ວງຂື້ນ
“ເອີ່
ກະຜູ້ນັ້ນລາວວ່າຊິຮັບຜິດຊອບລະກະຈູງເຂົ້າຮ້ານເສີຍເລີຍ “
“ແລ້ວມຶງເຈັບໃສອີກນອກຈາກຂາ“
ແບັງຖາມ
“ບໍ່ມີແລ້ວ
“
“ກູວ່າມັນຕ້ອງກະທົບທາງສະໝອງ
ບໍ່ຊັ້ນມັນບໍ່ເຫັນຜູ້ຊາຍລໍ່ດອກ “ ອີ່ແຄນດີ້ເວົ້າແລ້ວຫັນໜ້າໄປທາງອື່ນ
ຊິວ່າໄປແລ້ວຖ້າມີໂອກາດໄດ້ພົບກັບສຸດລໍ່ອີກ
ຂ້ອຍຈະບໍ່ປ່ອຍໂອກາດໃຫ້ເສຍເປົ່າ
ความคิดเห็น