ຄວາມຮັກທີ່ຊ້ອນຢູ່

ลำดับตอนที่ #1 : ຊາຍໃນຝັນ

     ຂ້ອຍຊື່ມົດ ແລະ ຂ້ອຍກໍ່ເປັນນັກຮຽນມໍປາຍຄົນໜື່ງ ແລະ ຕອນນີ້ຂ້ອຍກໍ່ຢູ່ ມໍ7 ເປັນທີ່ຮຽບຮ້ອຍ, ອີກພຽງແຕ່ປີດຽວຂ້ອຍກໍ່ຈົບມັດທະຍົມແລ້ວ. ແຕ່ບັນຫາຂອງຂ້ອຍມັນມີຢູ່ບ່ອນວ່າ : ຂ້ອຍຍັງບໍ່ເຄີຍມີແຟນຈັກເທື່ອ ແລະ ຂ້ອຍກໍ່ໄດ້ເຮັດເກືອບທຸກຢ່າງ ສຳລັບຊີວິດມໍປາຍ ທັງຕີກັນ, ໂຕນໂຮງຮຽນ, ຜິດລະບຽບ, ຫຼັບໃນໂມງຮຽນ ແຕ່ສິ່ງໜື່ງທີ່ຍັງບໍ່ໄດ້ເຮັດນັ້ນກໍ່ຄືມີແຟນ.

     “ ສະບາຍດີແມ່ ! ມົດໄປໂຮງຮຽນລະຫວາ “

     “ ຍັງເທື່ອລູກ, ນອນຫາກໍ່ຕື່ນ . ເຂົາມາໃນພິເດ່ “ ສິດຢ່າງເຂົ້າໄປໃນເຮືອນຕາມຄຳເຊີນ

     “ ສະບາຍດີພໍ່ “

     “ ເອີ່ໆ ! ມາຮັບມົດຫວາ “

     “ ໂດຍ “

     “ ມາຮັບທຸກມື້ ສວຍທຸກມື້ ,  ມາແມະກິນເຂົ້ານຳພໍ່ “

     “ ໂດຍລູກກິນແລ້ວ “

     “ ແຊບໃດ, ແມ່ເຈົ້າເຮັດເອງກັບມື “ ພໍ່ເວົ້າແລ້ວສົ່ງສາຍຕາຫວານແຫວວໃຫ້ແມ່

          

     “ ປາກເຈົ້າຫັ້ນນະ ຍ້ອງກິນເປັນຂະໜາດ ອາຍລູກອາຍເຕົ້າແດ່ “ ແມ່ເວົ້າແລ້ວກະຍິ້ມໄປພ້ອມ

     “ ສິດດດດດດດດດດດດດດດດດ “  ຂ້ອຍແລ່ນລົງມາຈາກຂັ້ນໃດ ເກືອບເວົ້າໄດ້ວ່າໂດດລົງມາເລີຍແຫຼະ

     “ ແລ້ວລະຫວາມົດ “

     “ ອຶ່ ! ໄປ໋ໄປໂຮງຮຽນ “

     “ ບໍ່ກິນເຂົ້າກ່ອນຫວາລູກ “  ແມ່ຖາມ

     “ ບໍ່ກິນດອກແມ່ ເຮົາຟ້າວ “

    “ ດຽວກະເຈັບກະເພາະແຫຼະ “ ພໍ່ຮ້າຍ

     “ ບໍ່ເຈັບດອກ ລູກໄປໂຮງຮຽນກ່ອນເດີ້ , ໄປ໋ສິດ“  ເວົ້າແລ້ວຂ້ອຍກໍ່ດຶງແຂນສິດອອກມາ ຈົນສິດເກືອບຄອບລາພໍ່-ແມ່ຂ້ອຍບໍ່ທັນ

    “ ໄປໂຮງຮຽນກ່ອນເດີ້ “  ສິດຄອບກ່ອນຈະແລ່ນນຳຂ້ອຍມາ

     “ ຂ້ອຍວ່າຂ້ອຍໄດ້ລູກສາວ, ຂ້ອຍລະໄດ້ລູກຊາຍຊ້ຳ “  ພໍ່ຂ້ອຍຈົ່ມໃຫ້ແມ່ຟັງ

     “ ເຈົ້າຄືວ່າຈັ່ງຊັ້ນ “

     “ ກະເບີ່ງລູກເຮົາແດ່ກະໂດກກະເດກປານຜູ້ຊາຍ , ລະເບີ່ງໝໍສິດແມະ ມັນໄປມາກະສະຫງ່ຽມຄ່ຽມຄົມ “

     “ ເຈົ້າກະເວົ້າບາບລູກຫຼາຍ ມັນກະເປັນຂອງມັນຈັ່ງຊັ້ນ , ລະໃຜລະສອນມັນຕີມວຍແຕ່ນ້ອຍຄັນບໍ່ແມ່ນເຈົ້າ “     ແມ່ເວົ້າແລ້ວເຮັດໜ້າຢາກຮ້າຍໃສ່ພໍ່

     “ ຄືບໍ່ໄດ້ແມ່ມັນແດ່ຈັກໜ້ອຍທັງງາມທັງໃຈດີ “       ພໍ່ຮູ້ວ່າແມ່ຊິຮ້າຍຈື່ງບ່າຍບ່ຽງເວົ້າເລື່ອງໃໝ່

     “ ເວົ້າຫຼາຍລະເຈົ້າຫັ້ນ, ຮີບກິນເຂົ້າຮີບໄປວຽກເບີ່ງໂມງແດ່ມັນສວຍລະນິ ດຽວກະບໍ່ທັນວຽກທັນການ “      ຖຶງແມ່ຊິຮ້າຍພໍ່ແຕ່ກໍ່ອົດຍີ້ມບໍ່ໄດ້ໃນສີ່ງທີ່ພໍ່ເວົ້າ

     

     “ ໂດຍຂ້ອຍຊິຟ້າວກິນດຽວນິລະແມ່ມັນເອີ້ຍ “ 

.....

     “ ອາຈານ ...​ຂໍ-ອະນຸຍາດ-ເຂົ້າຫ້ອງ-ແດ່ “ ໂອ໋ຍເມື່ອຍກະເມື່ອຍຫາຍໃຈກະຈົນຊິບໍ່ທັນ

     “ ມາຊ້າຕະຫຼອດ 2 ຄົນນິ, ໝູ່ຮຽນຮອດໃສແລ້ວພວກເຈົ້າຫາກະມານິ “   

   ອາຈານເວົ້າດ້ວຍນ້ຳສຽງຢາກຮ້າຍພໍສົມຄວນ ກະຊິມີຫຍັງຫຼາຍອາຈານເອີ້ຍ ມາຊ້າ 3-4ມື້ / ອາທິດ ຊື່ໆ ເຮັດເປັນເລື່ອງໃຫ່ຍ ດຽວນິກະຫາກໍ່ 8 ໂມງກັບອີກ 25 ນາທີປາຍໆ

     “ ໂອ໋ຍ ອາຈານໃຫ້ພວກນ້ອງເຂົ້າຮຽນເທາະ ອາຈານຈົ່ມໄປກະຊ່ຳນັ້ນ “ 

     “ ຂ້ອຍລະເມື່ອຍນຳເຈົ້າເດ່ ອິນຖຸອອນ ເຂົ້າມາ,  ພານຸສິດ ກະເຂົ້າມາ ລະມາເອົາວຽກບ້ານນຳຂ້ອຍໄປເຮັດສົ່ງຕອນບ່າຍເດີ້ “     ອາຈານເວົ້າແລ້ວຫັນໜ້າໄປຈົດໃສ່ກະດານຕໍ່

     “ ຂອບໃຈອາຈານ / ຂອບໃຈອາຈານ “

     “ ມາຊ້າຈົນໄດ້ເລື່ອງເນາະສອງຄົນນິ “ ສາຍໄໝ ສ່ຽວຮັກສ່ຽວແພງຂອງຂ້ອຍເອງ ທີ່ນັ່ງຢູ່ໂຕະທາງຫຼັງຂ້ອຍກັບສິດ ທັກທາຍດ້ວຍຄວາມເປັນຫ່ວງເຫຼືອເກີນ

     “ ອາຈານກະຕັ້ງໂພດ ມາຊ້າເທື່ອ 2 ເທື່ອກະລີລາບໍ່ຢາກໃຫ້ເຂົ້າຫ້ອງ “ 

     “ ເທື່ອ 2 ເທື່ອບ້ານເພີ່ນຫວາ ທິດ1 ເພີ່ນມາໂຮງຮຽນໄວມື້ດຽວ ກະຍ້ອນເຄົາລົບທຸງລະເຂົ້າຮຽນຊ້າຊື່ໆ ຖ້າຊິນັບແລ້ວເພີ່ນມາຊ້າທຸກມື້ເຄົາລົບທຸງຍັງບໍ່ທັນ “ 

     “ ເອີ່ໆ ຍອມຮັບກະໄດ້ພໍໃຈລະເບາະ , ລະເອົາເຂົ້າໜົມເຂົ້າມານຳບໍ່ ຫິວເຂົ້າ “ ຂ້ອຍຫັນໜ້າໄປເບີ່ງ ໄໝທີ່ກຳລັງຈະຈົກເອົາເຂົ້າໜົມອອກມາຈາກຖົງ

     “ ອິນຖຸອອນ ແມ່ນເຈົ້າຊວນໝູ່ລົມຫຍັງກັນມາຊ້າລະຍັງຊວນໝູ່ລົມບໍ່ຕັ້ງໃຈຮຽນອີກ ຂ້ອຍຊິເຊີນຜູ້ປົກຄອງເຈົ້າ “ ອາຈານແຜດສຽງມາໃສ່ຂ້ອຍ

     “ ອາຈານນ້ອງກະມີແຕ່ຫັນໜ້າມາຖາມ ກັນລະຍາ ຊື່ໆວ່າອາຈານສອນຮອດໃສແລ້ວ, ບໍ່ເຊື່ອອາຈານຖາມ ພານຸສິດ ກັບ ກັນລະຍາກະໄດ້ “

     ຂ້ອຍຫັນໜ້າໄປຫາສິດທີ່ຍັງກົ້ມໆ ເງີຍໆ ກັບປື້ມແບບທີ່ຍັງບໍ່ຮູ້ເລື່ອງ

     “ ແມ່ນຫວາ ພານຸສິດ “      ອາຈານຖາມສິດ

     “ ຫ໋ະ ... ໂດຍໆ ແມ່ນແລ້ວອາຈານ ” ສິດກະຍັງງົງບໍ່ຮູ້ເລື່ອງ ແຕ່ພໍສິດເຫັນໜ້າຂ້ອຍກໍ່ຮູ້ໄດ້ທັນທີວ່າຂ້ອຍຢາກໃຫ້ລາວຕອບວ່າ ' ໂດຍ '

     “ ແລ້ວໄປ . ຄັນພານຸສິດຕອບຂ້ອຍເຊື່ອຢູ່ ແຕ່ຖ້າເປັນ ກັນລະຍາ ຕອບຂ້ອຍບໍ່ຢາກເຊື່ອປານໃດ , ຊັ່ນກະຮີບເອົາປື້ມຂື້ນມາຈົດບົດຮຽນນຳໝູ່ດຽວກະວ່າຈົດບໍ່ທັນອີກຍາມອາຈານກວດປື້ມ “      ອາຈານໂຫດເວົ້າແລ້ວກໍ່ຫັນໜ້າໄປຈົດໃສ່ກະດານຕໍ່

______ ຊົ່ວໂມງພັກ ________

     “ ມົດ , ມານັ່ງເຮັດໜ້າເສົ້າຫຍັງຢູ່ນີ້ “ 

ສາຍໄຫມ  ເຫັນຂ້ອຍນັ່ງເຮັດຄໍຕົກຢູ່ໂຕະຫີນໜ້າຫ້ອງ

     “ ຊິບໍ່ເສົ້າຈັ່ງໃດ, ເບີ່ງແມະແນມໄປທາງໃດເຂົາເຈົ້າກໍ່ຢ່າງນຳກັນເປັນຄູ່. ນັ້ນກະມີແຟນ ພຸ້ນກະມີແຟນ ເພິ່ນກະມີແຟນໄປຮັບໄປສົ່ງ ລະເບິ່ງເຂົາແມະ ໄຫມ“

     “ ເອົ໋າ ! ເພີ່ນກະຢ່າງມາເປັນຄູ່ຄືກັນບໍ່ແມ່ນຫວາ,​ເຫັນຢ່າງໄປຢ່າງມາໂຮງຮຽນກັບສິດທຸກມື້ ຕັ້ງແຕ່ຢູ່ປະຖົມພຸ້ນລະບໍ່ແມ່ນຫວາ “

     “ມັນບໍ່ຄືກັນໃດ ເຂົາກັບສິດເປັນສ່ຽວຮັກສ່ຽວແພງກັນ, ເຂົາລະຢ່າງໃຊ້ຊີວິດໄວ້ລຸ້ນຕອນຢູ່ ມໍປາຍໃຫ້ມັນຄຸ້ມຄ່າແດ່ ”

     “ ອືມ ! ວ່າໄປລະ ເພີ່ນກະບໍ່ໄດ້ຂີ້ຮ້າຍໃດ ຊ້ຳຍັງເກືອບເວົ້າໄດ້ວ່າ perfect ຮຽນກະເກືອບເກັ່ງ, ດີແຕ່ເກັ່ງກ່າຍ, ໜ້າຕາກະພໍເຂົ້າວັດໄດ້,  ນິໃສກະເກືອບດີ ແຖມຍັງຂີ້ໜຽວອີກ,  ແຕ່ບໍ່ມີໃຜມາຈີບຈັກເທື່ອ “

     “ ເຮີ້ ! ຍ້ອງ ຫຼື ດ່ານິ ວ່າແບບຊິເອົາມີດມາແທງກັນໃຫ້ຕາຍເລີຍດີບໍ່ “ 

     “ ໂອແພງ ! ໝູ່ເວົ້າຍອກ ກະຍ້ອນເຮັດໂຕແບບຊິແຫຼະ ຜູ້ບ່າວມາຍອກກະຊິໄລ່ເຕະເຂົາເຈົ້າໝົດ ລະໃຜຊິມາຈີບ ”

     “ລົມຫຍັງກັນ ”

     “ ສິດມາພໍດີ , ບອກມົດດຸ ເປັນຫຍັງຈື່ງບໍ່ມີຜູ້ຊາຍມາຈີບ”

     “ ສິດກະຕອບບໍ່ໄດ້ຄືກັນ, ສິດກະຍັງບໍ່ຮູ້ ”

     “ ເຮີ້ ! ລະຊາດນິຊິຫາແຟນນຳເຂົາໄດ້ຢູ່ຫວາ T_T “ ຂ້ອຍຖອນຫາຍໃຈຢ່າງສຸດເຊັງກັບໝູ່ຮັກ 2 ຄົນກ່ອນທີ່ຈະຫຼຽວໄປຕາມທາງທີ່ ໄຫມ ຊີ້ບອກ

     “ ແມ່ນເຂົາເຈົ້າພາກັນຫຸ້ມຫຍັງວະ ! ໄປເບີ່ງບໍ່ເຮົາ ”  ສາຍໄໝວ່າ

     “ ບໍ່ໄປແຫຼະມົດ ວຽກບ້ານມົດຍັງເຮັດບໍ່ທັນແລ້ວບໍ່ແມ່ນຫວາ “ ສິດວ່າຕອບ

     “ ເຂົາກໍ່ຢາກຮູ້ວ່າແມ່ນຫຍັງ ? “ ວ່າແລ້ວຂ້ອຍກໍ່ຫັນມາທາງສິດພ້ອມສົ່ງສາຍຕາອ້ອນວອນ

     

     “ ເຮີ້ ! ” ສິດຖອນຫາຍໃຈແລ້ວເວົ້າຕໍ່ ” ຮີບໄປຮີບມາເດີ້ດຽວອາຈານຂື້ນຫ້ອງ ເຂົາຊິຈົດໃຫ້ແລ້ວທັນສົ່ງອາຈານດອກ ”

     “ຂອບໃຈເດີ້ສິດ ດຽວພັກລະເຮົາຊິລ້ຽງນ້ຳເອງ ອິອິອິ ” 

     ວ່າແລ້ວຂ້ອຍກັບ ໄໝກໍ່ດຶງແຂນພາກັນແລ່ນໄປເບີ່ງຢູ່ປະຕູທາງເຂົ້າໂຮງຮຽນ

    ......

     

     ຂະນະທີ່ຂ້ອຍ ແລະ ໄໝ ໃກ້ຈະແລ່ນເຂົ້າໄປຮອດບ່ອນທີ່ມີຄົນຫຸ້ມຫຼາຍໆ ກໍ່ມີຜູ້ຊາຍຄົນໜື່ງຢ່າງອອກມາຈາກກຸ່ມຄົນທີ່ກຳລັງຫຸ້ມຢູ່ນັ້ນ. ຂ້ອຍບໍ່ອາດຈະລະສາຍຕາຈາກຊາຍໜຸ່ມຄົນນັ້ນໄດ້ ລາວສູງປະມານ 183 ຜິວຂາວໃສ, ໃບໜ້າທີ່ຄົມຈົນບາດໃຈຫຼາຍໆຄົນທີ່ເຫັນ, ລະທີ່ອັນຕະລາຍທີ່ສຸດແມ່ນດວງຕາຄູ່ນັ້ນທີ່ຂ້ອຍໄດ້ແນມເບີ່ງ ຄັ້ງທຳອິດຂ້ອຍຮູ້ສຶກຕົກຢູ່ໃນພະວັງ, ຂ້ອຍບໍ່ຮູ້ວ່າຮັກມັນເປັນແບບໃດ ແຕ່ວ່າຂ້ອຍບໍ່ອາດລະສາຍຕາຈາກຜູ້ຊາຍຄົນນີ້ໄດ້ ໃນຂະນະທີ່ລາວຍ່າງກາຍຂ້ອຍໄປ ຂ້ອຍບໍ່ອາດລະສາຍຕາຈາກລາວໄດ້ອີກ, ຮູ້ສຶກວ່າມີແຮງດຶງດູດບາງຢ່າງໃນຕົວຂອງຜູ້ຊາຍຄົນນັ້ນ. ໃນສະໝອງຂ້ອຍ ວ່າງເປົ່າ ມີພຽງພາບຊາຍໜຸ່ມທີ່ຜ່ານໄປວ່າງກີ້ ເຮັດໃຫ້ຂ້ອຍສົນໃຈ ແລະ ຢ່າງຮູ້ວ່າລາວແມ່ນໃຜ ? ມາຈາກໃສ ?

     “  ມົດ !​ ມົດ ! ມົດ ” 

     “ ໂອ໊ຍ ! ໄດ້ຍິນແລ້ວຊິຮ້ອງແຮງເຮັດຫຍັງໄໝ ແກ້ວຫູຊິແຕກລະນິຢູ່ໃກ້ກັນຊຳນິ “

     “ ຂະໜາດໃກ້ກັນຊ່ຳນິ ຮ້ອງຄ່ອຍໆຍັງບໍ່ໄດ້ຍິນລະ , ລະຊຶງເຮັດຫຍັງ ? ຢ່າບອກໃດວ່າແນມຜູ້ບ່າວຈົນຊຶງ ”

 

     “ ນັ້ນແຫຼະ , ຊາຍໃນຝັນເລີຍ ” 

     “ ມົດ, ເປັນຫຍັງຫຼາຍບໍ່ນິ ” ສິດຖາມ

     “ ຄົນອີ່ຫຍັງຫຼໍ່ໆ ໜ້າກະທັງດັງກະຄົມ , ແຮງຕອນຫັນໜ້າມານະ  ອີ່ພໍ່ອີ່ແມ່ເອີ້ຍ,​ ຫົວໃຈຊິວາຍ ”

     “ ເວີ້ລະ ! “ ໄໝເວົ້າຕໍ່ ” ເປັນເອົາໜັກລະສິດໝູ່ເຮົານິ “

   

     “ ແມ່ນໃຜໄໝ ” ສິດຖາມ

  

     “ ບໍ່ຮູ້ຄືກັນສົງໃສນັກຮຽນໃໝ່, ກະລໍ່ຢູ່ໃດ ແຕ່ເບີ່ງຄືຊິຂີ້ເກັກຂະໜາດ “

   

     “ ບໍ່ຮູ້ຈັກເຂົາເຈົ້າກະຢ່າຟ້າວເວົ້າວ່າເຂົາເຈົ້າຂີ້ເກັກຈັ່ງຊັ້ນຈັ່ງຊີ້ “ 

     “ ອຸ໋ຍຕາຍ ! ໝູ່ເຮົາອອກໜ້າອອກຕາຮັບແທນເຂົາດີຂະໜາດ ລະຮູ້ຈັກເຂົາເຈົ້າລະສະເບາະ, ຊື່ຍັງບໍ່ຮູ້ ຮຽນໂຮງຮຽນນິບໍ່ກະຍັງບໍ່ຮູ້ “

     

     “ ດຽວຈັກໜ່ອຍກະຫາກຊິຮູ້ ລະກະຊິຮູ້ດີອີກ, ຄົນນິລະມົດຈອງ ” 

     “ ແມ່ນແຕ່ຫາງຕາເຂົາຍັງບໍ່ແລ ຂະນາດຜູ້ຊາຍໃນໂຮງຮຽນນະທີ່ວ່າຂີ້ຮ້າຍ ເຂົາເຈົ້າຍັງບໍ່ມາຈີບເພີ່ນຊ້ຳມົດ , ເບີ່ງຜູ້ນິມັນໂຄດລໍ່ມັນຊິສົນເພີ່ນສະເບາະ “  ບໍ່ມີໃຫ້ກຳລັງໃຈໝູ່ຈັກໜ່ອຍເລີຍ ໄໝນິໃຊ້ບໍ່ໄດ້

     “ ໂຫ ! ໄໝນະຄືບໍ່ໃຫ້ກຳລັງໃຈໝູ່ແດ່ T_T “

     “ ພໍໆ ທັງ 2 ຄົນ ສິດເມື່ອຍຟັງແລ້ວເອົາເປັນວ່າເລື່ອງຜູ້ບ່າວນິ ໂຈະໄວ້ກ່ອນໄດ້ບໍ່ “

     “ ເອີ້ສິດ ! ຕອນແລງໄດ້ຍິນວ່າຢູ່ວັດບ້ານເຮົາເພີ່ນເຮັດບຸນຫາລາຍໄດ້ ເຮົາໄປຫີ້ນປ໋ະ “

     

     “ ເອົາຊັ້ນກະໄດ້ລະສິດຊິໄປຄອບແມ່ໃຫ້ ລະເຮົາໄປນຳກັນເນາະ“

    

     “ ບໍ່ໄປນຳກັນລະຊິໃຫ້ໄປກັບໃຜລະກະເຂົາຊວນເພີ່ນຢູ່ນິ “

     “ ຊັ່ນ! ມົດຊິໄປຈັກໂມງ “

     “ ສິດມາຈັກໂມງມົດກະໄປຊຳນັ້ນແຫຼະ, ວ່າລະສິດຈົດບົດຮຽນໃຫ້ມົດແດ່ດຸຫັ່ນ ເນາະໆ“ 

     ຂ້ອຍພະຍາຍາມສົ່ງສາຍຕາອ້ອນວອນໃຫ້ສິດ ແລະ ໃນໃຈກໍ່ຮູ້ດີວ່າໝູ່ທີ່ດີຄືສິດຍ່ອມຈະບໍ່ປະຕິເສດຄຳຂໍຂອງຂ້ອຍສະເໝີ

     “ ໄດ້ ແຕ່ມົດຕ້ອງລ້ຽງລູກຊີ້ນສິດໃດ ບໍ່ຊັ້ນສິດບໍ່ຈົດໃຫ້ “

    

     “ ລ້ຽງເຂົ້າແລງເລີຍໄປ “

     

     “ ສອງຄົນນິນັບມື້ນັບວັນເຮັດປານແຟນກັນ, ວ່າລະຄືບໍ່ເປັນແຟນກັນເລີຍ ມົດກະບໍ່ມີໃຜມາຈີບ, ສິດກະບໍ່ເຫັນຊິມັກຜູ້ສາວທາງໃດ “ ໄໝວ່າ

     

     “ ບໍ່ແຫຼະໄໝ ເຂົາມີຊາຍໃນຝັນແລ້ວ ວ່າແຕ່ນັບແຕ່ເປັນໝູ່ກັນມາເຂົາກະຮູ້ໃຈສິດທຸກຢ່າງ ແຕ່ກະບໍ່ເຄີຍເຫັນສິດມັກສາວຄົນໃດ ... ຫຼືວ່າສິດເປັນ..? “    

 ຂ້ອຍເວົ້າແລ້ວກໍ່ເກີດມີຄວາມຄິດໜື່ງປາກົດຂື້ນມາ ແລະ ຂ້ອຍຄິດວ່າ ໄໝ ກະຕ້ອງຄິດຄືກັນກັບຂ້ອຍ ເພາະໄໝກໍ່ຫັນໜ້າມາຫາສິດດ້ວຍສາຍຕາທີ່ຕັ້ງຄຳຖາມວ່າ ສິດເປັນ...?

     “ ບ້າຫວາ ! ບໍ່ໄດ້ເປັນຄືພວກເພີ່ນຄິດໃດ “ ສິດຕອບແບບເຮັດໜ້າອາລົມເສຍໃສ່

     “ ແນວບໍ່ເຄີຍເຫັນສິດມັກໃຜ,​ ກະຄິດວ່າສິດອາດຈະມັກຜູ້ຊາຍຄືກັນ “ ໄໝວ່າພ້ອມກັບເຮັດໜ້າມຸ້ຍ

     “ ເອົາເວລາມາເບີ່ງບົດຮຽນດີກວ່າໃດສິດວ່າ“ ສິດເວົ້າແລ້ວກໍ່ຍູ້ແວ່ນຕາຂື້ນ ແລະ ຈົດບົດຮຽນ ( ຂອງຂ້ອຍຕໍ່ )

     

     “ ສະແດງວ່າສິດວ່າມົດ ກັບ ໄໝ ບໍ່ມີສາລະແມ່ນບໍ່ “ ກະແນວຂ້ອຍເປັນຄົນຕົງໆເນາະຄິດຈັ່ງໃດກໍ່ເວົ້າແບບນັ້ນ

     “ ບໍ່ແມ່ນໃດມົດ, ສິດຂໍໂທດ ສິດບໍ່ໄດ້ຕັ້ງໃຈຊິເວົ້າໃຫ້ມົດແບບນັ້ນ ສິດບໍ່ໄດ້ເປັນຕຸດເປັນເກຄຶມົດກັບໄໝຄິດດອກ ສິດພຽງແຕ່ຢາກໃຊ້ເວລາຮຽນຫຼາຍກວ່າເລື່ອງນັ້ນ “

      ສິດເຮັດໜ້າເສົ້າ ໃນໃຈກໍ່ຢ້ານຂ້ອຍຄຽດໃຫ້ ' ເດ່ ບໍ່ເຫັນຊິເກັ່ງ ອິອິ '

     “ ຮູ້ລະຢ່າເວົ້າແບບນັ້ນອີກ ມົດບໍ່ມັກ “

     

     “ພໍລະມົດ ເພີ່ນກະເກີນໄປສິດກະບໍ່ເຫັນຊິເວົ້າຜິດບ່ອນໃດ “ ໄໝວ່າ

     “ ຊັ່ນເພື່ອເປັນການໄຖ່ໂທດ ສິດຊິພາມົດໄປຫຼີ້ນໃຫ້ມ່ວນສຸດໆເລີຍມື້ແລງນະ “

     

     “ ສັນຍາໃດ “ ຂ້ອຍເດ່ມືພ້ອມກັບເດ່ນິ້ວກ້ອຍຂື້ນເພື່ອໃຫ້ ສິດເກາະກ້ອຍຄືທຸກຄັ້ງທີ່ເຮົາສັນຍາກັນ

     

     “ ///_///  ສັນຍາ “  ສິດຍົກນິ້ວກ້ອຍມາເກາະນິ້ວມືຂ້ອຍໄວ້

*****************************************************************

ຖ້າຜິດພາດປະການໃດກໍ່ຂໍອະໄພນຳຄົນອ່ານແດ່ເດີ້ ແລ້ວຈະພະຍາຍາມປັບປຸງໃຫ້ດີຂື້ນ