ຄວາມຮັກທີ່ຊ້ອນຢູ່

ลำดับตอนที่ #6 : ນັກກິລາກ້າມໃຫຍ່

     “ ສິດ ເພີ່ນເປັນຫຍັງ “     ສຸດທ້າຍຂ້ອຍກໍ່ເອີ່ຍປາກຖາມສິດກ່ອນຈົນໄດ້

     

     “ ... “ ສິດຍັງບໍ່ຕອບ ແລະ ມັນເຮັດໃຫ້ຂ້ອຍເລີ່ມໃຈຮ້າຍ

     “ ສິດຄັນເພີ່ນບໍ່ເວົ້າເຂົາຊິຮູ້ວ່າເພີ່ນເປັນຫັຍງ “

     “ ... “     ສິດຍັງບໍ່ຕອບ ແລະ ຍັງຂົນເຄື່ອງໄປໄວ້ເຮືອນຄົວ

     “ ເພີ່ນເມືອເທາະ , ກັບໄປສາ ຄັນບໍ່ຢາກເວົ້ານຳກັນກໍ່ບໍ່ຈຳເປັນຕ້ອງຢູ່ “      ເທື່ອນີ້ສິດຫັນໜ້າມາຫາຂ້ອຍ

     “ ເຂົາບໍ່ສະບາຍ “     ເວົ້າແລ້ວສິດກໍ່ກົ້ມມ້ຽນເຄື່ອງຄືເກົ່າ

     “ ເປັນຫຍັງຫຼາຍບໍ່ ມາເຂົາຊິພາໄປຫາໝໍ“     ຂ້ອຍດຶງແຂນສິດຂື້ນມາ

     “ ບໍ່ເປັນຫຍັງດອກ, ດຽວນອນພັກຈັກໜ້ອຍກະເຊົາ “

     

     “ ຫົວກະບໍ່ຮ້ອນ, ເພີ່ນເປັນຫຍັງແທ້ “     ຂ້ອຍຈັບເບີ່ງຫົວສິດ

     “ເຂົາ...ເຂົາ...“

     'ປີ໋ດ​ໆ '

     

     “ ແມ່ມາແລ້ວ “     ຂ້ອຍເຫັນລົດພໍ່ກັບແມ່ມາໜ້າບ້ານເລີຍແລ່ນອອກໄປຫາກ່ອນທີ່ສິດຈະຕອບ

     “ ແມ່... “     ຂ້ອຍແລ່ນໄປກອດແມ່ເມື່ອແມ່ລົງຈາກລົດມາ ເຮັດຄືບໍ່ເຫັນກັນມາຫຼາຍປີ

     

     “ແມ່ກັບພໍ່ບໍ່ຢູ່ເຮືອນ ເປັນຈັ່ງໃດແດ່ລູກ “

     

     “ ຮຽບຮ້ອຍທຸກປະການ “     ຂ້ອຍຕອບແມ່

     “ ດຽວເຮົາຂົນຊ່ວຍ “     ສິດຍ່າງມາຂົນເຄື່ອງອອກຈາກລົດຊ່ວຍພໍ່

     “ ອ້າວ! ຫົວສິດໄປຖືກຫຍັງ ? “ ພໍ່ຖາມ

     “ ຖືກ... ມື້ຄືນນີ້ຢ່າງຕຳເສົາຫົວກະເລີຍເປັນແບບນິ “     ສິດຕອບພໍ່ຂ້ອຍ

     “ ໄປເຮັດຈັ່ງໃດໃຫ້ຍ່າງຕຳລະ , ເອົ໋າ ! ອັນນິເອົາໄປຝາກພໍ່ກັບແມ່ເຈົ້າ ບອກວ່າເປັນຂອງຝາກ “     ພໍ່ຈັບເອົາຖົງຂອງຝາກໃຫ້ສິດ

     “ ຂອບໃຈຫຼາຍໆ “

     “ ຂອບໃຈຄືກັບ ມາຢູ່ເປັນໝູ່ມົດ, ຢູ່ກິນເຂົ້າແລງນຳກັນກ່ອນຈື່ງກັບ “     ແມ່ວ່າ

     “ ໂດຍ ! ພໍດີເຮົາພາກັນໄປຕະຫຼາດມາ “

     “ ດີແຫຼະຊັ່ນແມ່ຈື່ງບໍ່ໄດ້ໄປ ໄປ໋ໄປເຮັດແນວກິນຊ່ວຍກັນບາດນິ “     ແມ່ເວົ້າແລ້ວກໍ່ພາກັນເຂົ້າໄປໃນເຮືອນ

_____________ ທີ່ໂຮງຮຽນ _______________

     “ສິດ , ມົດ ວັນສຸກເຮົາໄປເບີ່ງເຂົາເຈົ້າແຂ່ງກິນລາປະ “     ໄໝຊວນ

     “ ໂຮງຮຽນເຮົາກະລົງແຂ່ງຕົວະ “ ຂ້ອຍວ່າ

     “ ໄປເບີ່ງຕີບານ ເນາະໆ ເນາະມົດ ເນາະສິດ “     ໄໝຫັນໜ້າມາທາງຂ້ອຍກັບສິດ 

      ບໍ່ຮູ້ວ່າເປັນຫຍັງຕັ້ງແຕ່ມື້ນັນມາ ສິດກະປ່ຽນໄປ ຄືກັບວ່າພະຍາຍາມຈະເຮັດໂຕເອງໃຫ້ເປັນປົກກະຕິ ແຕ່ມັນກໍ່ບໍ່ປົກະຕິ

     “ ອື່ມແລ້ວແຕ່ ໄປກະໄປ “     ສິດຕອບແຕ່ກໍ່ຍັງກົ້ມໜ້າອ່ານໜັງງສືຕໍ່

     “ ເຮີ້ຍສິດ ເປັນຫຍັງຊ່ວງນິແປກໆ “     ໄໝຖາມ

     “ ກະບໍ່ໄດ້ເປັນຫຍັງ “

     “ ເຂົາຖາມຈົນເມື່ອຍຖາມແລ້ວໄໝ “     ຂ້ອຍຕອບແບບເຊັງໆ​

     “ ເຂົາຊິໄປຊື້ນ້ຳກ່ອນ ໄໝເອົາຫຍັງບໍ່ “      ຂ້ອຍຖາມ

     “ ເຂົາເອົາແປັບຊີ “     ໄໝວ່າ

     “ ລະສິດເດ່ “ ຂ້ອຍຫັນໜ້າມາຖາມສິດ

     “ ບໍ່ແຫຼະເຂົາບໍ່ຢາກ “

     “ ຊັ່ນດຽວເຂົາມາ  “     ວ່າແລ້ວຂ້ອຍກໍ່ລຸກອອກມາຈາກໂຕະຫີນ

     ຕາມປົກກະຕິຖ້າຂ້ອຍວ່າຈະໄປຊື້ນ້ຳຊື້ເຂົາໜົມສິດຈະຂໍມານຳ ຫຼື ອາສາມາຊື້ໃຫ້ ແຕ່ມັນເປັນແບບນິມາ 2-3 ມື້ແລ້ວຂ້ອຍກໍ່ໝົດປັນຍາບໍ່ຮູ້ຊິເຮັດຈັ່ງໃດດີ ສິດກໍ່ບໍ່ເຄີຍເປັນແບບນິມາກ່ອນບໍ່ຮູ້ວ່າຈະມີບັນຫາຫຍັງບໍ່ທີ່ບອກບໍ່ໄດ້ ຂ້ອຍເລີ່ມເປັນຫວ່ງສິດເຂົ້າທຸກມື້

     

     “ ແປັບຊີ 2 “     ຂ້ອຍສັ່ງແປັບຊີກັບແມ່ຄ້າ

     “ ແປັບຊີແກ້ວໜື່ງ “     

     ຂ້ອຍຫັ່ນໄປເບີ່ງຄົນທີ່ສັ່ງແປັບຊີຂ້າງໆ ກ່ອນຈະຮ້ອງທັກຂື້ນ

     “ ອ້າວ ມາຊື້ແປັບຊີ້ຫວາ “ ຂ້ອຍຖາມ

     “ ອື່ມ “     ຊາຍຕອບກ່ອນຈະແນມເບີ່ງໜ້າຂ້ອຍງົງໆ

     “ ມົດຈື່ບໍ່ໄດ້ຫວາ “

     “ ຈື່ໄດ້ ແຕ່ວ່າຄິດຊື່ບໍ່ອອກ ເຮົາເຈີກັນທີ່ຕະຫຼາດ “     

     “ ແລ້ວມາຄົນດຽວຫວາ ? “

     “ ແມ່ນມາຄົນດຽວ ໝູ່ຊ້ອມບານຢູ່ “

     “ ໄດ້ລະເດີ້ ແປັບຊີ 2 “      ແມ່ຄ້າເອີ້ນກ່ອນຂ້ອຍຈະຫັນໄປຈັບເອົາຈອກນ້ຳ

     “ ຂອບໃຈ “     ຂ້ອຍເວົ້າກັບແມ່ຄ້າ

     “ ມາຄົນດຽວຄືຊື້ຫຼາຍຈອກແທ້ ກິນໝົດຫວາ “

     “ ຊື້ເພື່ອໝູ່ນະ “

     “ ຊັ່ນ ເອົາມາພິເຂົາຊິຈັບໄປຊ່ວຍ “     

     ' ຜູ້ຊາຍອີ່ຫຍັງທັງລໍ່ທັງໃຈດີ ເອົາຈັ່ງໃດລະບາດນິເຮັດຫຍັງກະບໍ່ຖືກ , ເຮົາຕ້ອງຈຽມໂຕໄວ້ '

     “ ບໍ່ເປັນຫັຍງດຽວເຂົາເອົາໄປເອງກະໄດ້ “      ອິອິອິ ມານຍາຍິງເຫັນຢູ່ໃນໜັງເລີຍຢືມມາໃຊ້ ແຕ່ໃນໃຈຢາກໃຫ້ຈັບໄປສົ່ງ

     “ ຊັ່ນເຂົາໄປກ່ອນເດີ້ ໄວ້ເຈີກັນເທື່ອໜ້າ “     ຊາຍຍີ້ມແລ້ວຫັນຫຼັງຢ່າງໄປ

     ' ອ້າວມຸກຖ່ອມໂຕນິໃຊ້ບໍ່ໄດຫວາ ຄິດວ່າໃຊ້ມຸກນິລະຊິມາຈັບຊ່ວຍເສຍອີກ '  ຄິດໃນໃຈລະຂ້ອຍກໍ່ຄໍຕົກຈັບເອົາຈອກແປັບຊີ 2 ຈອກຂື້ນມາ

     “ ເຂົາເວົ້າຫຼີ້ນ ດຽວຈັບໄປສົ່ງເອງ “     ຊາຍຫັນກັບມາແລ້ວຈັບເອົາຈອກນ້ຳໃນມືຂ້ອຍ

     ' ຊາຍໃນຝັນແທ້ໆເລີຍ ໃຈດີ ມີນ້ຳໃຈ ແຖມຍີ້ມຫວານອີກ '  ແລ້ວຂ້ອຍກໍ່ຢ່າງມາກັບຊາຍ

     “ ວັນສຸກຊິໄປເບີ່ງແຂ່ງກິລາເຂດບໍ່ “     ຊາຍຖາມ

     “ ໄປຊາຍບໍ່ໄປຫວາ “

     “ ຄັນຊາຍບໍ່ໄປລະໃຜຊິແຂ່ງ “

     “ ແທ້ນິ ! ຊາຍລົງແຂ່ງກິລາຫຍັງ ? “

     “ ຕີບານຊາຍ , ໄປເຊຍເດີ້ “

     “ ແນ່ນອນຢູ່ແລ້ວ ຖ້າຊາຍແຂ່ງມົດຕ້ອງໄປ “

     “ ຊາຍສຳຄັນປານນັ້ນພຸ້ນຫວາ “

     

     ຄຳຖາມນັ້ນເຮັດໃຫ້ຂ້ອຍໜ້າແດງ ຂ້ອຍຮູ້ເພາະວ່າໜ້າຂ້ອຍຮ້ອນ, ດີແຕ່ຂ້ອຍບໍ່ຂາວ ເພາະຖ້າໜ້າຂ້ອຍຂາວຊາຍຄົງສັງເກດເຫັນວ່າໜ້າຂ້ອຍແດງ

     “ ອໍ໋ ກະແບບວ່າໄປເຊຍໝູ່ເດ່  ແຮ່ໆ “ ຂ້ອຍຍີ້ມແບບແຫ້ງໆໃຫ້ຊາຍ

     “ ໝ​ູ່ເຂົານັ່ງຢູ່ຫັ່ນເດ່ໄປນັ່ງຫຼີ້ນນຳກັນກ່ອນ “     ຂ້ອຍຊີ້ໄປທີ່ໂຕະຫີນທີ່ໄໝກັບສິດນັ່ງ 

     ' Sit '

     “ ສິດຖາມແທ້ ເພີ່ນເປັນຫຍັງ “     ໄໝຖາມຂ້ອຍ

     

     “ ບອກແລ້ວວ່າບໍ່ໄດ້ເປັນຫຍັງ “      ຂ້ອຍພະຍາຍາມບໍ່ສົນໃຈ ແລະ ເບີ່ງບົດຮຽນຕໍ່

     “ ມົດມັນບໍ່ຢູ່ມີຫຍັງອັດອັ້ນກະເວົ້າມາໂລດ “

     “ ບໍ່ມີຫັຍງ ຍັງວ່າລະກະບໍ່ກ່ຽວກັບມົດອີກ “

     “ ມັກລະຄືບໍ່ໄປບອກມັນດີໆ“     ຄຳຖາມຂອງໄໝເຮັດໃຫ້ຂ້ອຍລະສາຍຕາຈາກປື້ມ

     “ ມັກ...ໃຜມັກໃຜ “     ຂ້ອຍຕີໜ້າຊື່ເບີ່ງກ່ອນວ່າໄໝຊິຮູ້ຫຍັງແດ່

     “ ເຂົາຮູ້ໝົດແລ້ວສິດຢ່າໃຫ້ເຂົາເວົ້າຕົງໆເທາະດຽວມົດມັນຊິມາໄດ້ຍິນ “

     “ ລະເພີ່ນຮູ້ດົນລະ “

     “ ຕັ້ງແຕ່ຮູ້ຈັກກັນມາ 3 ປີນິລະ “

     “ ຢ່າບອກມົດເດີ້ “

     “ ອື່ມ ຄັນຊິບອກກະບອກດົນແລ້ວ , ລະເປັນຫຍັງນິ “

     “ ... “ ຂ້ອຍບໍ່ຕອບເພາະຂ້ອຍເອງກໍ່ບໍ່ຮູ້ຊິຕອບຈັ່ງໃດ

     “ ຢ່າບອກໃດນ້ອຍໃຈໃຫ້ມົດ “

         ຂ້ອຍໄດ້ແຕ່ງືກຫົວ  ແມ່ນຂ້ອຍນ້ອຍໃຈໃຫ້ມົດເຮັດດີມາຕະຫຼອດຍັງບໍ່ເຄີຍເຫັນຄ່າ, ແຖມຍັງໄປມັກໃຜກະບໍ່ຮູ້ຂ້ອຍເຝົ້າຖະນຸຖະໜອມຂອງຂ້ອຍມາຫຼາຍປີ

     “ ຢາກຊິບ້າຕາຍຜູ້ຊາຍແບບຊິ “     ໄໝຈົ່ມ

     “ ເຂົາສູ້ເຮັດດີມາຕະຫຼອດ ມົດບໍ່ເຄີຍສົນບໍ່ເຄີຍແຄ “

     “ ລະເຄີຍບອກມັນບໍ່ລະທັງທາງກົງທາງອ້ອມ “

     “ ບໍ່ “

     “ ລະຄືບໍ່ລອງບອກເບີ່ງ,​ ຫຼືສິດຢ້ານຫຍັງ “

     

     “...“

     “ ຢ້ານຊິກັບໄປເປັນໝູ່ກັນບໍ່ໄດ້ແມ່ນບໍ່ “

     “ ຄວາມສຳພັນຂອງເຮົານະມັນມີມາຫຼາຍປີ, ລະຊິໃຫ້ມັນພັງເພາະມືເຂົາຄົງບໍ່ໄຫວ “

     “ ລະຄືບໍ່ເຮັດໃຫ້ມົດມັນຮັກເພີ່ນຊັ່ນ “

     “ ເຂົາກະພະຍາຍາມເຮັດຢູ່ທຸກມື້, ແຕ່ເຂົາກໍ່ຍັງເປັນໄດ້ແຕ່ໝູ່ “

     “ ເຄີຍຈີບມັນລະ “

     “ ໄໝ-ສິດ ເຂົາມາແລ້ວ “     ສຽງມົດມາຈາກທາງຫຼັງແຕ່ຂ້ອຍແນມເບີ່ງໜ້າໄໝແລ້ວສີໜ້າບໍ່ຄ່ອຍດີຂ້ອຍຈື່ງຫັນໄປເບີ່ງ

     “ ຊາຍນັ່ງກ່ອນ ອັນນິຊື່ໄໝໝູ່ສະນິດຂອງເຂົາເອງ “     ມົດຈັບຊາຍມານັ່ງຂ້າງຂ້ອຍແລ້ວແນະນຳໃຫ້ໄໝຮູ້

     “ ໄໝ ອັນນິຊາຍລາວຫາກະຍ້າຍມາຮຽນ “

     “ ສະບາຍດີ “     ຊາຍກ່າວສະບາຍດີກັບໄໝ

     ເຫັນລະຢາກຕ່ອຍໜ້າມັນສາຍຕາເຈົ້າຊູ້ທີ່ສົ່ງໃຫ້ໄໝກັບມົດ ມັນຊິກວດເອົາຜູ້ຍິ່ງໝົດໂຮງຮຽນເລີຍຫວາ

     

     “ ອໍ໋ ສະບາຍດີ “     ໄໝກະເປັນໄປນຳເຂົາອີກຫວາທີ່ຕົກຕະລຶງໃນຄວາມລໍ່ໝໍນິ 

     “ ໄໝຮູ້ບໍ່ຊາຍເປັນນັກກິລານຳ “     ມົດກະໂຄສະນາປະຊາສຳພັນຂະໜາດ

     “ ຫວາ “     ໄໝຕອບທັງທີ່ຍັງບໍ່ທັນລະສາຍຕາຈາກໝໍນິ

     “ ແມ່ນແລ້ວລົງແຂ່ງວັນສຸກນິລະ ຈັ່ງໃດກະໄປເຊຍແດ່ເດີ້ “

     “ ເຂົາວ່າເຂົາເຂົ້າຫ້ອງໄປກ່ອນດີກວ່າ “     ໄໝລຸກຂື້ນ

     “ ອ້າວ ເປັນຫຍັງໄໝ “     ມົດຖາມ

     “ ບໍ່ມີຫຍັງດອກລົມກັນໄປກ່ອນໂລດ ດຽວອາຈານກະຂື້ນຫ້ອງແລ້ວເຂົາຊິໄປຖ້າອາຈານ “     ວ່າແລ້ວໄໝກໍ່ຍ່າງໄປ

     “ ໄໝກະເປັນຈັ່ງຊິລະ “      ມົດທັງຍີ້ມທັງເວົ້າກັບຊາຍ ຂ້ອຍກະເລີ່ມຊິອົດບໍ່ໄດ້ລະ

     “ ລະສິດຫຼິ້ນກິລາຫຍັງ “     ຊາຍມັນຫັນມາຖາມຂ້ອຍ

     “ ຂ້ອຍບໍ່ມີເວລາໄປຫຼີ້ນກິລາດອກ ລະກໍ່ບໍ່ມັກຫຼິ້ນອີກ “

     “ ສິດເປັນພວກໜອນໜັງສືຫັ່ນນະ “     ມົດວິຈານຂ້ອຍໃຫ້ໝໍນັ້ນຟັງ

     “ ອໍ໋ ເຂົ້າໃຈລະ, ມົດນິດີເນາະມີແຟນຮຽນເກັ່ງ “

     “ ຫ໋ະ ! ແຟນ “     ມົດຊິຕົກໃຈຫຍັງມັນບອກວ່າເຮົາ 2 ຄົນເປັນແຟນກັນ

     “ ອື່ມ ບໍ່ແມ່ນຫວາ “

     “ ເຮິ້ຍຊາຍ ! ເຂົາກັບສິດ..“

     “ ມົດເຂົາວ່າເຮົາໄປຮຽນເທາະອາຈານມາພຸ້ນແລ້ວ “     ໃຫ້ມັນເຂົ້າໃຈຈັ່ງຊັ່ນລະຊິໄດ້ບໍ່ມາວຸ້ນວາຍ

     “ ພວກເພີ່ນໄປຮຽນໂລດເຂົາກໍ່ຈະກັບຫ້ອງແລ້ວ , ລະມື້ໜ້າຊິມາຫຼີ້ນນຳໃໝ່ເດີ້ “

          ແລ້ວມານພະຈົນມັນກໍ່ໄປ ເຫັນໜ້າລະພໍຢາກໂດດໄປເອົາກ່ຳປັ້ນຍັດໜ້າມັນ

     “ ລະຍັງຊີນັ່ງດົນບໍ່, ໃສວ່າຊິໄປຮຽນ “     ມົດເຮັດໜ້າບໍ່ພໍໃຈໃສ່ຂ້ອຍ

     “ ກະກຳລັງຈະໄປ “