ຄວາມຮັກທີ່ຊ້ອນຢູ່

ลำดับตอนที่ #5 : ໂຈນ

............ 02 : 40 ' .............

     

          ຂ້ອຍຕື່ນຂື້ນມາດ້ວຍອາການເຈັບທ້ອງ ສົງໄສເປັນນຳກິນອາຫານທີ່ສິດເຮັດແນ່ນອນ ບໍ່ແມ່ນອາຫານທີ່ສິດເຮັດເປັນພິດດອກ , ແຕ່ຍ້ອນວ່າຂ້ອຍກິນຫຼາຍໂພດ, ຂ້ອຍຈັບເອົາໂມງປຸກຢູ່ຫົວຕຽງມາເບີ່ງ 

     “ ຫາກໍ່ສາມໂມງຍັງຫວານິ ”

     ຂ້ອຍຫັນໄປເບີ່ງສອນທີ່ນອນຂ້າງໆຂ້ອຍ ຍັງຫຼັບໄຫຼແບບທີ່ວ່າບໍ່ຮູ້ເລື່ອງຫຍັງເລີຍ , ຂ້ອຍຄ່ອຍຍ່າງໄປເຂົ້າຫ້ອງນ້ຳຄ່ອຍໆ ເພາະບໍ່ຢາກໃຫ້ສອນຕື່ນ .

      

     ຫຼັງຈາກທີ່ຂ້ອຍອອກມາຈາກຫ້ອງນ້ຳ ກຳລັງຊິກັບເຂົ້າໄປນອນ ຂ້ອຍກໍ່ໄດ້ຍິນສຽງຄືມີບາງຢາງເຄື່ອນໄຫວຢູ່ຊັ້ນລຸ່ມ, ໃຈໜື່ງຂ້ອຍກໍ່ຢາກລົງໄປເບີ່ງ, ໃຈໜື່ງກໍ່ຄິດຢ້ານ ຢ້ານວ່າເປັນສິ່ງທີ່ແນມບໍ່ເຫັນ, ຢ້ານວ່າຖ້າເປັນໂຈນແລ້ວມັນມີອາວຸດຄົບມື ແລ້ວຜູ້ຍິງໂຕນ້ອຍໆ ບອບບາງຄືຂ້ອຍຊິເອົາຫຍັງໄປສູ້ . ຂ້ອຍຕັດສິນໃຈຄ່ອຍຍ່າງໄປຫ້ອງຂ້າງໆ ທີ່ໃຫ້ສິດນອນ ແລ້ວຄ່ອຍໆຮ້ອງປຸກ.    

     “ ສິດ ! ສິດ ! ສິດ ... ຫຶ !“  ສຽງດັງມາຈາກຊັ້ນລຸ່ມອີກເທື່ອໜື່ງ ເທື່ອນີ້ຄືສຽງກຳລັງຄົ້ນຫາບາງຢ່າງຢູ່

    ' ມັນຕ້ອງແມ່ນພວກໂຈນແທ້ບໍ່ມີປັນຍາຫາກິນລະຍັງມາຊອກລັກເຄື່ອງນຳເຮືອນຄົນອີກ, ຕາຍເປັນຕາຍ '

     ຄິດໄດ້ຂ້ອຍກໍ່ຄ່ອຍໆຈອບຢ່າງລົງໄປຕາມຂັ້ນໃດ, ຂ້ອຍສັງເກດເຫັນເງົາດຳໆກຳລັງກົ້ມໆເງີຍໆຢູ່ໜ້າຕູ້ເຢັນ , ດີທີ່ຂ້ອຍສະຫຼາດຈັບໄມ້ຖູພື້ນໄດ້ ແລະ ຂ້ອຍກໍ່ບໍ່ລໍຖ້າໃຫ້ໂຈນມັນເຫັນຂ້ອຍກ່ອນດອກ , ຂ້ອຍໂດດເຂົ້າຫາໂຈນເມື່ອເຫັນວ່າມັນມີຄົນດຽວ ແລະ ກໍ່ລົງມືຟາດມັນບໍ່ຢັ້ງ

     

' ຕຸ໋ບໆໆໆ'

     “ ໂອ໋ຍ ໆໆໆໆໆໆ “

     “ ນີ້ ! ບັກຂີ້ລັກຄີດຊິມາລັກເຄື່ອງຫວານີ້ໆໆໆ “ ແລະ ຂ້ອຍກໍ່ຟາດຕໍ່ໄປແບບບໍ່ໄວ້ໜ້າໂຈນ

     “ ໂອ໋ຍໆ ມົດເຂົາເອງບໍ່ແມ່ນຂີ້ລັກ ໂອ໋ຍ “ 

     “ຫ໋ະ ! ຮູ້ຊື່ອີກມາເບີ່ງລາດເລົາໄວ້ລະແມ່ນບໍ່ “

     “ ເຂົາສິດນິນ່າ “

     “ ຫ໋ະ ! ສິດຫວາ “     ຊື່ນັ້ນເຮັດໃຫ້ຂ້ອຍຈົນໂຈະມືໄວ້ ແລ້ວແລ່ນໄປເປີດໄຟ

     “ ອຸ໋ຍຍຍຍຍຍຍສິດ ເຂົາຂໍໂທດ,​ ເຈັບຫຼາຍບໍ່ນິ  ລຸກໄປນັ່ງຢູ່ພຸ້ນກ່ອນ “     ຂ້ອຍຖີ້ມໄມ້ຖູພື້ນໄວ້ແລ້ວເຂົ້າໄປໂຈມເອົາສິດທີ່ນອນຟຸບຢູ່ໜ້າຕູ້ເຢັນ ໃຫ້ໄປນັ່ງຢູ່ເທິງໂຊຟາ

     “ ຄິດໄດ້ຈັ່ງໃດວ່າເຂົາເປັນໂຈນນິ “     ສິດໂວຍຂື້ນດ້ວຍນ້ຳສຽງຢາກຮ້າຍ

     “ ໃຜຊິຮູ້ລະມາເຮັດຫຍັງມືດໆຄົນດຽວໄຟກະບໍ່ໄຕ້ “

     “ ເຂົາລົງມາກິນນ້ຳ, ບໍ່ໄດ້ເປີດໄຟໄວ້ຢ້ານເພີ່ນຕື່ນ “

     “ ລະງົມໆທາວໆຫຍັງຢູ່ໜ້າຕູ້ເຢັນ “

     “ ເຂົາເຮັດແວ່ນຕາເຮ່ຍ, ເຂົາເລີຍງົມໆເບິ່ງ ລະເພີ່ນກະເຂົ້າມາຕີຫົວເຂົາຈົນໂນນິ “ ສິດເວົ້າລະຊີ້ໃສ່ໜ້າຜາກໂຕເອງ

     “ ໝູ່ຂໍໂທດ, ໝູ່ບໍ່ໄດ້ຕັ້ງໃຈ ດຽວເອົາຢາມາທາໃຫ້ “     ຂ້ອຍຍ່າງໄປເອົາກະປຸກຢາຢູ່ໃນຕູ້ອອກມາ

     “ມາເຂົາທາໃຫ້ດຽວກະເຊົາ “     ຂ້ອຍຄ່ອຍເອົາຢາມ໋ອງລູບໆທາໆບ່ອນໜ້າຜາກສິດທີ່ມັນໂນໆອອກມາ

     “ ໂອ໊ຍ T_T ຄ່ອຍໆແດ່ມົດ “

     “ ເຂົາເຮັດຄ່ອຍສຸດໆແລ້ວຊິໃຫ້ຄ່ອຍຊຳໃດອີກ “      ຂ້ອຍເອົາຢາມ໋ອງທາບໍລິເວນແຂນຂາສິດ ທີ່ຍັງເປັນຮອຍໄມ້ຖູພື້ນຢູ່

     “ ຂີ້ລັກເຂົາກະບໍ່ກ້າມາລັກດອກ ລູກສາວເຮືອນນິໂຫດພິລຶກ ..... ໂອ໋ຍ T_T “

     “ ມືໜັກຫວາ ນີ້ໆໆໆໆໆໆໆໆ “ ຂ້ອຍເອົາມືເນັ້ນໄປທີ່ຫົວໂນໂນຂອງສິດ

     “ ເພີ່ນຊິຂ້າເຂົາໃຫ້ຕາຍເລີຍຫວາ “

     “ ມັນບໍ່ຕາຍດອກນ່າຍັງໄກຫົວໃຈຢູ່, ດຽວມື້ອື່ນຊິຕົ້ມໄຂ່ກິ້ງໃຫ້ “     ຂ້ອຍພະຍາຍາມທາຢາໃສ່ຮອຍຈ້ຳຂຽວຈ້ຳແດງນຳໂຕສິດໃຫ້ທົ່ວ ແຕ່ບັງເອີນວ່າຕາຂ້ອຍດີສັງເກດເຫັນສິດແນມເບີງຂ້ອຍລະຍິ້ມຢູ່, ສົງໄສຖືກຕີຫົວລະເບີໄປເລີຍ .

     “ ແນມຫຍັງ ? “ ຮູ້ສຶກວ່າຄຳເວົ້າຂອງຂ້ອຍຈະເຮັດໃຫ້ສິດຮູ້ສຶກໂຕວ່າຂ້ອຍຮູ້ແລ້ວທີ່ສິດແນມເບິ່ງໜ້າຂ້ອຍຢູ່

     “ ບໍ່ໄດ້ແນມຫຍັງນ່າ , ກຳລັງຄິດໄປວ່າມັນກະຕາຫຼົກດີ ທີ່ເພີ່ນເປັນຄົນຕີເຂົາລະກາຍມາເປັນຄົນທາຢາໃຫ້ເຂົາເອງ “

     “ ຫວາ ! ເທື່ອໜ້າມານອນບ້ານເຂົາ ຫຼື ບ້ານໃຜກະຕາມເພີ່ນຕ້ອງໄຕ້ໄຟ ເຂົ້າໃຈບໍ່ “      ສິດຍີ້ມຕອບ

     “ ມົດ “     

     

     “ ຫ໋ະ ”

     “ ສິດວ່າ... ສິດ ...​ ສິດຢາກນອນລະເວີ້ຍ “

     “ ລີລາຂະນາດຊິເວົາຫຍັງຈັກຢ່າງໄດ້ ຢາກນອນກະໄປນອນເຂົາກະຊິນອນຄືກັນດຽວກະເຊົ້າລະ “

     ຂ້ອຍເກັບເອົາເຄື່ອງຍັດໃສ່ກັບຢາໄວ້ຄືເກົ່າ ແລ້ວລຸກຂື້ນລັງຊິຍ່າງໄປນອນ , ແຕ່ວ່າສິດພັດດຶງແຂນຂ້ອຍເອົາໄວ້

     “ ມີຫຍັງບໍ່ສິດ ? “     ໃສວ່າຢາກນອນຊິດຶງແຂນໄວ້ເຮັດຫຍັງ

     “ ສິດ.......“     ສິດເຮັດໜ້າລຳບາກໃຈກ່ອນຈະເວົ້າອອກມາ

     “ ບໍ່ມີຫຍັງດອກ ສິດວ່າ ສິດຊິເປັນຄົນມອບໄຟເອງ ,  ມົດຂື້ນໄປກ່ອນໂລດ “

     

     ຂ້ອຍໄດ້ແຕ່ງຶກຫົວແບບງົງໆ ກ່ອນສິດຈະປ່ອຍແຂນໃຫ້ຂ້ອຍຂື້ນໄປນອນ

' Sit '

     ຂ້ອຍຢາງເຂົ້າມານັ່ງໃນຫ້ອງ ທີ່ຕິດກັບຫ້ອງຂອງ ມົດ , ຂ້ອຍຍັງເຈັບກັບບາດເກົ່າທີ່ຍັງບໍ່ທັນເຊົາຄັກຕັ້ງແຕ່ 2-3 ມື້ຫຼັງທີ່ໄປຕີກັບເສືອ ແລະ ມື້ນີຂ້ອຍກໍ່ຖືມົດຕີອີກ.  ຂ້ອຍແນມເບິ່ງໂຕເອງໃນແວ່ນ ຄືໄປຕີກັບໝາທາງໃດມາເລີຍ, ຂ້ອຍຈັບຫົວໂຕເອງທີ່ມັນຍັງໂນຢູ່ ແລະ ກໍ່ອົດຍິ້ມບໍ່ໄດ້ຖ້າຄິດວ່າໃຜທີ່ເປັນຄົນສ້າງມັນຂື້ນມາ ຄັນເປັນຄົນອື່ນຂ້ອຍຄົງເອົາມີດແທງມັນຕາຍແລ້ວ ແຕ່ວ່າເປັນມົດ ຂ້ອຍຍອມທຸກຢ່າງ, ສິ່ງທີ່ມັນຢູ່ໃນໃຈຂ້ອຍມັນຍາກເກີນກວ່າຈະອະທິບາຍອອກມາເປັນຄຳເວົ້າ , ເປັນຫັຍງບອກຮັກມັນຈື່ງບໍ່ງ່າຍຄື ຄະນິດສາດ ຫຼື ຟີຊິກສາດ ເອົາທີ່ມັນງ່າຍໆບໍ່ຕ້ອງຄິດຫຍັງຫຼາຍ, ສິ່ງທີ່ຢູ້ໃນໃຈຂ້ອຍມັນແທບເກືອບລົ້ນທະລັກອອກມາ ແຮງສາຍຕາຄູ່ນັ້ນທີ່ເປັນຫ່ວງເປັນໃຍຂ້ອຍ , ຂ້ອຍແທບຢາກໂດດເຂົ້າຫາລາວ, ບອກຮັກລາວ ບອກໃຫ້ລາວຮູ້ວ່າຂ້ອຍບໍ່ຢາກເປັນໝູ່ອີກຕໍ່ໄປ ອົດທົນມາກໍ່ເປັນສິບກວ່າປີແລ້ວ ຂ້ອຍເລີ່ມເມື່ອຍ ແລະ ບໍ່ຢາກອົດຕໍ່ໄປ .

     

     ຂ້ອຍນອນລົງເທິງຕຽງ ແລະ ເອົາມືອີກຂ້າງໜື່ງກ່າຍໜ້າຜາກໄວ້ ໃນໃຈກໍ່ຄິດຖຶງແຕ່ຄົນທີ່ນອນຢູ່ຫ້ອງຂ້າງໆ , ຊິບອກດີ ຫຼື ບໍ່ບອກ ຖ້າບອກແລ້ວມັນທຳລາຍມິດຕະພາບຂອງເຮົາທີ່ມີໃຫ້ກັນ ເກັບໄວ້ດີກວ່າ . ແຕ່ຖ້າມື້ໜື່ງມີຄົນອື່ນຄາບໄປກິນເຮົາກໍ່ຈະກາຍເປັນພຽງແຕ່ໝູ່ຄົນໜື່ງໄປຕະຫຼອດ , ຄຳຖາມເຫຼົ່ານີ້ມັນວົນວຽນຢູ່ໃນຫົວຂ້ອຍ ຈັກມື້ໃດມັນຈື່ງຊິຫາຍໄປ  ຊິທົນໄດ້ດົນປານໃດຈື່ງຈະໄດ້ລາວມາ.

' Mod '

     “ ສິດ ຕື່ນເຊົ້າແທ້ “     ຂ້ອຍຕື່ນນອນມາຕອນ 7 ໂມງເຊົ້າເຊີ່ງຜິດປົກກະຕິ ອັນເປັນຜົນຈາກການເຂົ້ານອນຮອບສອງແບບຫຼັບໆຕື່ນໆ

     “ ເພີ່ນກະຕື່ນໄວຄືກັນ “

     “ ເຮັດຫຍັງກິນນິ “     ຂ້ອຍຢ່າງໄປຫາສິດຢູ່ເຮືອນຄົວ ເຫັນສິດກຳລັງໝົກມຸ້ນຢູ່ກັບການເຮັດແນວກິນ

     “ ວ່າຊິຂົ້ວຜັກເຫັນມີຜັກໃນຕູ້ເຢັນຫຼາຍຢ່າງ “     ສິດເວົ້າໂດຍບໍ່ສົນໃຈຊິແນມເບິ່ງຂ້ອຍ

     “ ລະຫົວສິດຍຸບແດ່ລະຫວາ “     ແຕ່ຂ້ອຍກໍ່ຍັງບໍ່ລືມທີ່ຈະຖາມເຖິງເລື່ອງມື້ຄືນນີ້

     “ ລະເບີ່ງດຸມັນຍຸບບໍ່ລະ “     ສິດຫັນໜ້າມາຫາຂ້ອຍ

     “ ໂຫ ! ສິດມັນຄືຂຽວແບບນັ້ນເຂົາວ່າໄປກວດດີບໍ່ “     ແບບວ່າຖ້າເປັນມືຄົນຂ້ອຍຊິແນະນຳໃຫ້ຕັດ

     

     “ ບໍ່ແຫຼະດຽວເອົາໄຂ່ກີ້ງໃສ່ກະເຊົາ “

     “ ສິດດດດດ ເຂົາຂໍໂທດ ເຂົາບໍ່ໄດ້ຕັ້ງໃຈເຮັດໃຫ້ເພີ່ນເຈັບໃດ “     ເຫັນລະນ້ຳຕາມັນຊິໄຫຼສິດເຈັບໂຕຍ້ອນເຮົາຕະຫຼອດ

     “ ຢ່າເຮັດໜ້າແບບນັ້ນມົດ ຢ່າໄຫ້ໃດ ເຂົາບໍ່ໄດ້ເປັນຫຍັງເບີ່ງແມະເຂົາແຂງແຮງໃດ “     ສິດຍໍແຂນເບັ່ງກ້າມຂື້ນ 

     “ ຢ່າໄຫ້ຍ້ອນເຂົາ ເຂົາບໍ່ຢາກເຮັດໃຫ້ເພີ່ນເສີຍໃຈ “     ສິດເອົາມືມາປັດນ້ຳຕາອອກໃຫ້

     

     “ ເຂົາເປັນໝູ່ທີ່ບໍ່ດີ, ເຂົາເຮັດເພີ່ນເຈັບຕະຫຼອດ ຮືໆໆໆໆ “

     “ ບໍ່ເປັນຫຍັງດອກເລື່ອງຊ່ຳນິຊິໄຫ້ເຮັດຫຍັງ ດຽວຫົວວກະເຊົາໂນແລ້ວເຂົາກະກັບມາລໍ່ຄືເກົ່າລະ “

     “ເຂົາກໍ່ບໍ່ຢາກໃຫ້ເພີ່ນເຈັບ, ຕໍ່ໄປເຂົາປົກປ້ອງເພີ່ນເອງ “

     “ ຊັ່ນຕ້ອງເຊົາໄຫ້ກ່ອນ ບໍ່ຊັ້ນກະປົກປ້ອງເຂົາບໍ່ໄດ້ໃດ , ແລະ ຕ້ອງຍີ້ມພ້ອມເຂົາບໍ່ມັກເຫັນເພີ່ນໃຫ້ ມັນທໍລະມານຈິດໃຈຮູ້ບໍ່ “

     “ ເຊົາກະໄດ້ ຊັ່ນເຂົາຊິຕົ້ມໄຂ່ເພີ່ນເອງ “

     “ ເວົ້າໃຫ້ຖືກ , ຕົ້ມໄຂ່ໃຫ້ເຂົາ ບໍ່ແມ່ນຕົ້ມໄຂ່ເຂົາ “     

     “ເຮີ້ຍ ! ຮຽນທະລື້ງຕັ້ງແຕ່ມື້ໃດນິ “

     

     “ ເຫັນຢູ່ໂທລະທັດ ເລີຍຢືມມາຫຼິ້ນ ຮ່າໆໆໆ“

     ຫົວໂນໜ້ອຍດຽວມັນເຖິງກັບສະຕິຟັ້ນເຟຶອງເລີຍຫວານິ, ຂ້ອຍກະຂິບ້າໄປກັບມັນຈັງສິໄປໄຫ້ໃສ່ມັນເຮັດຫຍັງບຸ, ຄົນເຮົານິກະແປກມີພາວະແຊກຊ້ອນ ແລະ ກໍ່ສັບສົນຫຼາຍຢ່າງ

     “ ອ້າຍສິດ “     ສອນຄົງຕື່ນແລ້ວ ແລະ ຄືຊິຊອກຫາໃຜບໍ່ເຫັນ

     “ ອ້າຍຢູ່ເຮືອນຄົວກັບເອື້ອຍມົດ “     ໃຫ້ສັນຍານກັນແຈ໋ມແຈ້ງສອງຄົນນິ ແລ້ວສອນກໍ່ແລ່ນມາຕາມສຽງ

     “ ເຮັດຫຍັງກິນ ? “

     “ ອ້າຍເຈົ້າຊິຂົ້ວຜັກເອື້ອຍເລີຍມາຊ່ວຍ,  ສອນໄປເບີ່ງໂທລະທັດໂລດ ແລ້ວລະເອື້ອຍຊິເອີ້ນ  “     

     “ ເອື້ອຍມົດນິຮູ້ຄວາມສົມເປັນເອື້ອຍໄພ້ຂ້ອຍເລີຍ ສອນໄປນັ່ງຖ້າເດີ້ “

     

     ຂ້ອຍຍັງບໍ່ທັນໄດ້ອ້າປາກເວົ້າຫຍັງກັບສິດຊ້ຳ ສອນກະແລ່ນໄປກ່ອນລະ ຄັນແມ່ນນ້ອງຂ້ອຍເດີ້ຈັບຕີກົ້ນເບີ່ງ

     “ ຍີ້ມຫຍັງສິດ “          ເອີ່ ! ແມ່ນຍີ້ມຫຍັງຊອຍຜັກກະຍີ້ມບ້າບໍ່ນິ

     “ ບໍ່ມີຫຍັງດອກ, ເຂົາອາລົມດີ “     ເອົ໋າຍີ້ມເຂົ້າໄປ ປາກຊິສີກແລ້ວຫັ່ນ

     ...

     “ ສອນລ້າງມືມາກິນເຂົ້າ “     ຫຼັງຈາກທີ່ເຮັດແນວກິນແລ້ວພວກເຮົາກໍ່ມານັ່ງກິນເຂົ້າຢູ່ໂຕະຫີນໜ້າບ້ານ

     “ ອ້າຍສິດຫົວອ້າຍສິດຖືກຫຍັງມາ “     ສອນຖາມທັງເອົາມືຊີ້

     

     “ ອ້າຍ...ອ້າຍຍ່າງຕຳເສົາມື້ຄືນນິ “

     “ ເຮັດຈັ່ງໃດຈື່ງໄປຕຳ ເສົາຕົ້ນບັກໃຫຍ່ບໍ່ເຫັນສະເບາະ “      ສອນທັງຈົ່ມໃຫ້ອ້າຍທັງກິນເຂົ້າ

     “ ເອີ່ນະ ຮີບກິນເຂົ້າຫັ່ນ “     ສິດຮ້າຍນ້ອງກ່ອນທີ່ສອນຈະສໍ້ເລື່ອງຕຳເສົາຈົນຮູ້ວ່າມັນແມ່ນຝີມືຂ້ອຍ

     “ ເອື້ອຍມົດ ລະແມ່ເອື້ອຍກັບຈັກໂມງ “

     “ ເພີ່ນວ່າ 4-5 ໂມງແລງກໍ່ຮອດບ້ານ “

     “ ຊັ່ນອ້າຍສິດຢູ່ເປັນໝູ່ເອື້ອຍມົດເດີ້ ສອນນຊິເມືອກ່ອນ “

     “ ອື່ມ ! ເມືອລະໄປຊ່ວຍວຽກແມ່ເດີເ ຢ່າມົວແຕ່ຫຼິ້ນ “     ສິດບອກນ້ອງ ແຕ່ຂ້ອຍວ່າຂ້ອຍຢູ່ຄົນດຽວໄດ້ໃດ

     “ ເພີ່ນກະເມືອໂລດເຂົາຢູ່ຄົນດຽວໄດ້ບໍ່ເປັນຫຍັງດອກ “

     “ ເຂົາກັບບ້ານເຂົາກະບໍ່ມີຫຍັງເຮັດຢູ່ເປັນໝູ່ເພີ່ນດີກວ່າ “

     “ ແມ່ນແຫຼະເອື້ອຍມົດ ! ອ້າຍສິດເມືອກະມີແຕ່ນັ່ງຄິດຮອດເອື້ອຍກີ້ “     ສອນນິຊິຈັບຄູ່ໃຫ້ເອື້ອຍອີ່ຫຼີແມ່ນບໍ່

     “ ສອນ ! “     ສິດຂື້ນສຽງໃສ່ນ້ອງ ຈົນສອນເຮັດໜ້າເສົ້າໄປກັບທີ່

     “ ສິດ ນ້ອງກະເວົ້າຍອກຊື່ໆຊິຮ້າຍເຮັດຫຍັງ “     ເຫັນສອນເຮັດໜ້າແບບນິຂ້ອຍກະບໍ່ສະບາຍໃຈ

     “ ບໍ່ເປັນຫຍັງດອກເອື້ອຍມົດ,​ ບໍ່ເວົ້າແລ້ວເຮົາຊິເມືອລະ “     ເວົ້າແລ້ວສອນກະລຸກຂື້ນສົງໃສຄຽດໃຫ້ອ້າຍ

     “ ເຫັນບໍ່ສອນຄຽດແລ້ວຫັ່ນ “     ຂ້ອຍກໍ່ບໍ່ຄ່ອຍພໍໃຈປານໃດດອກທີ່ສິດເຮັດແບບນັ້ນ

     “ ເອີ່ນ່າ ! ຊິງໍ້ດອກກິນເຂົ້ານິກ່ອນ “

          ແລ້ວສິດກໍ່ກົ້ມໜ້າກິນເຂົ້າຕໍ່ໄປ ຍັງມີໜ້າກິນເຂົ້າລົງເສີຍ ຂ້ອຍລະບໍ່ສະບາຍໃຈຊ້ຳ 

     “ ມົດ “

     “ ຫ໋ະ “     ສິດຖາມຂະນະທີ່ເຮົານັ່ງເບີ່ງໜັງຢູ່ໃນເຮືອນ

     “ ດຽວແມ່ມາລະເຮົາໄປຕະຫຼາດບໍ່ “

     “ ໄປເຮັດຫຍັງ ? “

     “ ເຂົາຢາກຊື້ແນວມາເຮັດກິນຕອນແລງ “

     

     “ ຄັນຊັ້ນເຮົາຄືບໍ່ໄປກ່ອນແມ່ມາຊັ່ນ , ຖ້າແມ່ມາເຮົາກໍ່ເຮັດກິນເລີຍ “

     

     “ ສະແດງວ່າຫິວລະ “

     “ ປະມານນັ້ນລະ ແຮ່ໆ “     ຮູ້ທັນອີກວ່າເວົ້າເລື່ອງແນວກິນມາເຮົາຢາກຕະຫຼອດ

     

     “ ຊັ່ນເຮົາກະລຸກໄປດຽວນິເລີຍດີກວ່າ “

     _____________ ທີ່ຕະຫຼາດ _____________

     “ ໄດ້ເຄື່ອງຄົບລະຫວາ “     ຂ້ອຍຖາມສິດທີ່ກຳລັງຫິ້ວຖົງຜັກຖົງມີ່

     “ ຄົບແລ້ວ , ລະມົດມີຫຍັງຊິຊື້ບໍ່ ? “     ຂ້ອຍກໍ່ຢືນຄິດແປັບໜື່ງ

     “ ຄິດອອກແລ້ວ , ຊື້ເຄັກໄປກິນດີກວ່າ “

     “ ກິນຫຼາຍບໍ່ຢ້ານອ້ວນຫວາ “

     “ ບໍ່ຢ້ານດອກແນວໃດມີຄວາມສຸກກະເຮັດເອົາ “

     “ດຽວຕຸ້ຍລະບໍ່ມີແຟນ ຜູ້ບ່າວບໍ່ມັກລະຢ່າວ່າເຂົາເດີ້ “

     “ ສິດນະ “

     “ ໂອ໋ຍ “     ຂ້ອຍຟາດແຂນສິດໄປບາດໜື່ງ

     “ ເວົ້າໃຫ້ໝູ່ ຄຽດແລ້ວ “     ຂ້ອຍເຮັດໜ້າບູດໃສ່ສິດ ໃຜບອກມາແຊ່ງໃຫ້ຂ້ອຍອ້ວນລະຍັງຊິບໍ່ມີແຟນອີກ

     “ ໂອໆໝູ່ເວົ້າຍອກ ເຮັດຈັ່ງໃດຈື່ງຊິເຊົາຄຽດນິ “

     “ ເຄັກ ! “

     “ ຫ໋ະ ? “      ສິດເຮັດໜ້າງົງ ຍັງບໍ່ເຂົ້າໃຈອີກ

     “ ລ້ຽງເຄັກ ເພີ່ນຕ້ອງເປັນຄົນຈ່າຍ “

     “ ກະໄດ້ ແຕ່ມົດຕ້ອງກິນໃຫ້ໝົດ “     ສິດຍັງສົ່ງຍີ້ມມາໃຫ້ຂ້ອຍອີກ... ໜ້າຮັກຕາຍແຫຼະດຽວຊິຟາດໃຫ້ກ້ຽງ

     “ ໄດ້ ແຕ່ມົດຕ້ອງເປັນຄົນເລືອກ “     ຊິເອົາກ້ອນໃຫຍ່ໆເບີ່ງ

     “ O.K “

     “ ຊັ່ນເຂົາຊິໄປເລືອກກ່ອນ , ເພີ່ນຮີບຢ່າງມາໄວໆເລີຍ “     ດີໃຈຊິໄດ້ກິນຟີ ອິອິ

     ຂ້ອຍແລ່ນໄປກ່ອນສິດ ມຸ້ງໜ້າໄປຮ້ານເຄັກທີ່ຢູ່ທາງໜ້າ ເຊິ່ງຍັງບໍ່ໄກປານໃດ , ປົກກະຕິຂ້ອຍກໍ່ເປັນຄົນກະໂດກກະເດກຢູ່ແລ້ວ ເລື່ອງຊິໃຫ້ຂ້ອຍຢ່າງຄືຄົນປົກກະຕິຄືຊິເປັນໄປໄດຍາກ   .  ແລະນັ້ນເອງ ເຮັດໃຫ້ຂ້ອຍບໍ່ທັນເຫັນຈົນແລ່ນຕຳເຂົາເຈົ້າທີ່ຢ່າງອອກມາຈາກຮ້ານທີ່ຢູ່ຂ້າງໆພໍດີ .

     ' ຕຸ໋ບ '

      

     “ ໂອ໋ຍ / ໂອ໋ຍ “     

     ຂ້ອຍຕຳກັບຜູ້ຊາຍຄົນໜື່ງ ເຮັດໃຫ້ຂ້ອຍເດັນອອກໄປນອນກອງຢູ່ພື້ນ, ດີແຕ່ບ່ອນນິເປັນພື້ຍຊີເມັນ ບໍ່ແມ່ນຂີ້ຕົມຄືບ່ອນຂາຍຜັກສົດ

     “ ມົດ !!! “     ສິດແລ່ນມາຫາຂ້ອຍດ້ວຍຄວາມຕົກໃຈກ່ອນຈະມາດຶງຂ້ອຍຂື້ນ

     “ ຂໍໂທດຫຼາຍໆ ເຈັບບ່ອນໃດບໍ່ ?“    

      ຫົວໃຈຂ້ອຍເຕັ້ນແຮງເມື່ອຜູ້ຊາຍທີ່ຢູ່ຕໍ່ໜ້າເປັນຄົນໆດຽວກັນກັບຄົນທີ່ຢູ່ໂຮງຮຽນ, ພົມລິຂິດຊັດໆ ນິລະຊາຍໃນຝັນ

     “ ບໍ່ໆ ເປັນຫຍັງ “     ຜູ້ຊາຍຄົນນັ້ນຕອບຂ້ອຍດ້ວຍຮອຍຍີ້ມກ່ອນຈະກົ້ມລົງປັດຂີ້ຝຸ່ນນະຕົນໂຕ

     “ ຂໍໂທດແທນໝູ່ຂ້ອຍຫຼາຍໆ  “  ສິດເວົ້າກ່ອນຈະຫັນມາປັດຂີ້ຝຸ່ນອອກຈາກແຂນຂ້ອຍ

     “ ມົດ !!! “     ສິດຖົກແຂນຂ້ອຍໃຫ້ມີສະຕິຂະນະທີ່ຂ້ອຍຍັງຢືນຊຶງຢູ່

     “ ຫ໋ະ ! ອໍ໋ ຂໍໂທດຫຼາຍໆ ຂ້ອຍບໍ່ໄດ້ຕັ້ງໃຈຈະແລ່ນມາຕຳ  “     

     “ ບໍ່ເປັນຫຍັງດອກເທື່ອໜ້າກະຄ່ອຍຢ່າງເອົາບໍ່ຕ້ອງແລ່ນ “     ລາວທັງເວົ້າທັງຍີ້ມມາຫາຂ້ອຍ ໂອ໋ຍ ຫົວໃຈຊິວາຍ

     “ ຊັ່ນ! ພວກຂ້ອຍໄປກ່ອນເດີ້ຖ້າເຈົ້າບໍ່ຕິດໃຈເອົາຄວາມຫຍັງ “     ສິດເວົ້າກັບລາວ

     “ ໂດຍ “     ຜູ້ຊາຍຄົນນັ້ນເວົ້າກ່ອນທີ່ສິດຈະດຶງແຂນຂ້ອຍໄປ

     “ ດຽວ ! “     ຂ້ອຍດຶງແຂນສິດໄວ້ເພາະຮູ້ດີວ່າໂອກາດບໍ່ໄດ້ມີມາຕະຫຼອດ

     “ ຂ້ອຍຄຸ້ນໆໜ້າເຈົ້າ ເຈົ້າຮຽນຢູ່ໂຮງຮຽນ ອຸດົມປັນຍາ ບໍ ( ເປັນຊື່ທີ່ຕັ້ງຂື້ນເອງແຕ່ບໍ່ມີຈິງ ) ? “ ຂ້ອຍຖາມ

     “ ແມ່ນແລ້ວຫາກໍ່ຍ້າຍມາ, ເຈົ້າກໍ່ຮຽນຢູ່ຫັ່ນຫວາ  “     ລາວຕອບ

     “ ແມ່ນແລ້ວ ຂ້ອຍຮຽນຢູ່ 7/5 “

     “ ຂ້ອຍຮຽນຢູ່ 7/1 “

     “ ລຸ້ນດຽວກັນເລີຍ ຂ້ອຍຊື່ຫຼີ້ນຊື່ມົດ ອັນນິສິດ “     ຂ້ອຍຊີ້ໄປທາງສິດ

     “ ຊາຍ  ຍິນດີໄດ້ຮູ້ຈັກ   “     ແລ້ວພໍ່ຍອດຊາຍກໍ່ເດ່ມືໄປຈັບມືກັບສິດຕາມມາລະຍາດ

     

     “ ຫວັງວ່າຈະໄດ້ເຈີກັນຢູ່ໂຮງຮຽນອີກ “     ຂ້ອຍສົ່ງຍີ້ມໃຫ້ຄົນລໍ່ໆ

     “ ແນ່ນອນ ດີໃດຂ້ອຍຈະໄດ້ມີໝູ່ເພີ່ມອີກ     “     ລະຖ້າຂ້ອຍບໍ່ຢາກເປັນໝູ່ເດ່ຊັ່ນ ອິອິອິ

     “ ເອົາໄວ້ເຈີກັນເທື່ອໜ້າສາຕອນນິເຮົາຕ້ອງໄປແລ້ວ ໄປມົດ “

     “ ໄປກ່ອນເດີ້ “     ສິດດຶງແຂນຂ້ອຍໄປກ່ອນທີ່ຂ້ອຍຈະລາສຸດລໍ່ຊ້ຳ

     “ ສິດ !  ຟ້າວໄປໃສເກາະ “     ແມ່ນຟ້າວໄປໃສຂ້ອຍລະໂຄດບໍ່ພໍໃຈອີ່ຕາສິດ

     “ ໃສວ່າຢາກກິນເຄັກ “

     “ ແຕ່ເຂົາຢາກໄດ້ເບີລາວ ອ່ະ “     

     “ ມັກມັນຫຼາຍຫວາ “

     

     “ ເຮີ້ຍສິດ​! ຄືເອີ້ນລາວແບບນັ້ນ “

     “ ເປັນຫຍັງເອີ້ນມັນບໍ່ໄດ້ “

     “ ບໍ່ສົມຄວນເອີ້ນຕ່າງຫາກ   “

     

     “ ປົກປ້ອງກັນວ່າຊັ່ນ “     ສິດບີບແຂນຂ້ອຍ

     “ ໂອ໋ຍ ! ເປັນບ້າຫວາສິດເຂົາເຈັບໃດ “

     “ ເຂົາຂໍໂທດ “     ສິດເວົ້າກ່ອນຈະປ່ອຍມືອອກ

     “ ກັບເທາະ “     ແລ້ວສິດກໍ່ຢ່າງໄປຫາລົດໂດຍທີ່ບໍ່ເວົ້າຫັຍງກັບຂ້ອຍ

     ຕະຫຼອດທາງທີ່ສິດຂັບລົດມາ ເຮົາບໍ່ເວົ້າຫຍັງກັນເລີຍ ຂ້ອຍຮູ້ສຶກແປກ ແລະ ຢ້ານສິດທັນທີ ລາວບໍ່ເຄີຍເປັນແບບນີ້ບໍ່ຮູ້ວ່າເປັນຍ້ອນຫຍັງ ຂ້ອຍເຮັດຜິດຫຍັງ ຂ້ອຍບໍ່ມັກທີ່ສິດເປັນແບບນິ ລາວເສີຍຊາເຮັດຄືຂ້ອຍບໍ່ມີຕົວຕົນ.