ຄວາມຮັກທີ່ຊ້ອນຢູ່

ลำดับตอนที่ #4 : ພໍ່ແມ່ບໍ່ຢູ່

 ' Sit '     

     “ ສິດ ມາລະຫວາລູກ “     ແມ່ຖາມໂດຍບໍ່ໄດ້ສັງເກດເບີ່ງໜ້າຂ້ອຍ

     “ ໂດຍ “     

     “ ລະນ້ອງເດ່ຊັ່ນ “ 

     “ ວ່າຊິມາກັບໝູ່ “

     “ ພໍ່ມາລະ ໄປໄຂປະຕູໃຫ້ພໍ່ແດ່ລູກ “ ຂ້ອຍຍ່າງໄປໄຂປະຕູໃຫ້ພໍ່ ກ່ອນຈະຍ່າງໄປຫິ້ວເຄື່ອງລົງຈາກລົດຄືແຕ່ລະມື້ ແລ້ວຍ່າງເຂົ້າໄປໃນເຮືອນ

     “ ໜ້າລູກໄປຖືກຫຍັງຫັ້ນ “     ພໍ່ຖາມ

     “  ມີເລື່ອງກັນໜ້ອຍໜື່ງຢູ່ໂຮງຮຽນນະພໍ່ “     ຂ້ອຍບໍ່ເຄີຍຕົວະພໍ່ ກັບ ແມ່ ທຸກຄັ້ງທີ່ມີບັນຫາທີ່ບໍ່ສາມາດແກ້ໄຂເອງຂ້ອຍກໍ່ຈະປຶກສາເພີ່ນ

     “ ສົງໃສລູກສາວເຈົ້າມາລະ,​ ມາໃຫ້ແມ່ເບີ່ງດຸ “  ແມ່ເວົ້າກັບພໍ່ກ່ອນຈະຫັນໜ້າມາຫາຂ້ອຍ

     ສອນ ນ້ອງສາວຂ້ອຍເອງ  14ປີ ປາຍໆ ແລ່ນເຂົ້າມາໃນເຮືອນ, ພໍແຕ່ເຫັນໜ້າຂ້ອຍເທົ່ານັ້ນລະ

     “ ເອົ໋າ ! ໜ້າອ້າຍສິດໄປຖືກຫຍັງມາ “     

     “ ກະອ້າຍເຈົ້າໄປຕີກັບເຂົາຢູ່ໂຮງຮຽນມາ ຮ່າໆໆໆໆໆໆໆໆ “     ພໍ່ເວົ້າລະຫົວ ມັນຕາຫຼົກບ່ອນໃດຫວ໋ະ

     “ ເຂົາຕີລູກເຈົ້າ ລະເຈົ້າຫົວເຮັດຫຍັງ “     ແມ່ຮ້າຍພໍ່ລະເຮັດຕາຂຽວໃສ່

     “ ກະຫົວລະເນາະ ຮ້ອຍວັນພັນປີບໍ່ເຄີຍເຫັນມັນຕີກັບໃຜ ເຫັນແຕ່ວ່າໄປເປັນພະຍານໃຫ້ມົດມັນຕີກັບເຂົາ ຂ້ອຍຈົນຄິດວ່າໄດ້ລູກສາວສອງຄົນ “

     “ ເຈົ້າກະຫາວ່າໄປທົ່ວທີບ ,  ຢ່າໄປສົນພໍ່ເຈົ້າເທາະ, ເຈັບຫຼາຍບໍ່ລູກ “     ແມ່ຫັນໜ້າມາຖາມຂ້ອຍ

     “ ບໍ່ປານໃດ ເຮົາໄຫວຢູ່ແມ່ “

     “ ທາຢາລະເບາະລູກ ບໍ່ໄປໃຫ້ໝໍກວດເບາະເທື່ອຊ້ຳໃນ “  ແມ່ຖາມດ້ວຍຄວາມເປັນຫ່ວງເປັນໃຍ ທັງມືກໍ່ຈັບເບີ່ງແກ້ມ ພ້ອມດວງຕາອັນເອື້ອອາລີ ແລະ ມີເມດຕາ ບໍ່ມີໃຜຈະວິເສດໄປກວ່າຍິງຄົນນີ້ແລ້ວ

     

     “ ໂດຍກີ້ທາໃຫ້ແລ້ວ “

     

     “ ບຸ໋ຍ ! ໄດ້ຢາດີອີກອ້າຍສິດບໍ່ເປັນຫຍັງດອກແມ່ “     ນ້ອງສາວຂ້ອຍມັນຊິບໍ່ຮູ້ຈັກເລື່ອງໄດ້ບໍ່

     “ ແມ່ນຫວາບັກລູກຊາຍ “     ພໍ່ຂ້ອຍກະພໍແລ້ວຮູ້ລະວ່ານ້ອງຂ້ອຍມັນໄດ້ໃຜ

     “ ຢ່າໄປຟັງຄວາມສອນວ່າເທາະ ເດັກນ້ອຍແກ່ແດດ “  ເວົ້າລະຂ້ອຍກໍ່ເບະສົບໃສ່ນ້ອງ 555+ ເຊື່ອເທາະຂ້ອຍເປັນຜູ້ຊາຍກະມັກຍອກນ້ອງສາວແບບນິ

     “ ຫຼື ມັນບໍ່ແມ່ນລະອ້າຍສິດ “     ອີ່ນ້ອຍໆນິມັນຍັງບໍ່ເຊົາ

     “ ພໍໆເຊົາຖຽງກັນອ້າຍນ້ອງນິແມ່ຊິເຈັບເສັ້ນປະສາດຍ້ອນລະ “      ແມ່ເວົ້າແລ້ວບີບກະໝັບ

     “ ລະແມ່ນໃຜຕີອ້າຍສິດ ດຽວເຮົາຊິຊວນເອື້ອຍມົດໄປຖະລົ່ມມັນເອງ “

     “ ເລື່ອງບໍ່ເປັນເລື່ອງຢ່າມັນເທາະ “     ເຊັງນະຢ່າຖາມໄດ້ບໍ່ ບໍ່ຢາກຕອບວ່າເປັນຜູ້ຊາຍແທ້ໆຍັງປົກປ້ອງຜູ້ຍິງບໍ່ໄດ້

     “ ແມ່ເຊື່ອວ່າລູກແມ່ຕ້ອງບໍ່ຫາເລື່ອງໃຜກ່ອນ “     ແມ່ລູບຫົວຂ້ອຍຄ່ອຍໆ  ມາກອດຈັກບາດດຸ

     “ ລຸກໄປອາບນ້ຳຫັ່ນ ຢ່າມານັ່ງກອດແມ່ຢູ່ຫັ້ນຂອງພໍ່ໃດ ພໍ່ຫວງບໍ່ໃຫ້ກອດ ລຸກແມະ “     ພໍ່ຂ້ອຍນິກະຫວງບໍ່ເຂົ້າທ່າລູກຊາຍແທ້ໃດນິຈັກຊິຫວງເຮັດຫຍັງ

  

     “ ມາຫອມບາດໜື່ງ “     ຂ້ອຍຫອມແມ່ບາດໜື່ງກ່ອນທີ່ພໍ່ຊິຮ້າຍໃສ່

     “ ຍັງອີກຍັງບໍ່ລຸກ ກະຍັງວ່າຫວງ ຊິໄປບໍ່ດຽວນິ “     ພໍ່ຮ້າຍຂ້ອຍອີກແລ້ວ T_T

     “ ໄປກະໄດ້ “  ຂ້ອຍຍີ້ມເຍີ້ຍພໍ່ບາດໜື່ງກ່ອນຈະຍ່າງຂື້ນຫ້ອງໄປ

     ກະບໍ່ແມ່ນວ່າຂ້ອຍບໍ່ຖືກກັບພໍ່ແຕ່ວ່າ ເຫັນໜ້າລາວໃຈຮ້າຍຍາມຖືກກວນນິມັນມີຄວາມສຸກໆ  .  ຂ້ອຍເຂົ້າມາໃນຫ້ອງແນມໄປເຫັນຮູບສະຕິກເກີ້ທີ່ຖ່າຍກັບມົດຕິດໄວ້ທີ່ຫົວຕຽງ ຂ້ອຍນັ່ງເບີ່ງຮູບຢູ່ຫົວຕຽງໃນໃຈກໍ່ຄິດເຫັນຄຳເວົ້າຂອງນ້ອງ, ' ຢາດີ ' ອາດແມ່ນຄວາມລາວກໍ່ໄດ້ ຂ້ອຍບໍ່ຮູ້ສຶກເຈັບປານໃດຫຼັງຈາກທີ່ມົດທາຢາໃຫ້ , ຕາຫຼົກດີບໍ່ ແຕ່ມັນເປັນເລື່ອງແທ້ ຂ້ອຍຮູ້ສິກແບບນັ້ນອີ່ຫຼີ , ຄິດມາລະຂ້ອຍກໍ່ອົດຍີ້ມບໍ່ໄດ້ ຄິດເຫັນໜ້າອັນມັນໆ ຕາມົນໆ ຄິ້ວດົກໆ ທີ່ຈິງກໍ່ບໍ່ຕ່າງຈາກຜູ້ຍິງທົ່ວໄປ ແຕ່ໃຈຂ້ອຍມັນບໍ່ອາດປ່ຽນໄປແນມເບີ່ງຄົນອື່ນໄດ້ .

     “ ອະແຮ່ມ “     

     

     ສຽງນັ້ນເຮັດໃຫ້ຂ້ອຍຕື່ນຈາກຝັນ, ບໍ່ບອກກະຮູ້ວ່າແມ່ນໃຜ

     “ ອ້າຍບອກຫຼາຍເທື່ອແລ້ວໃຫ້ເຄາະປະຕູກ່ອນ ຖ້າອ້າຍປະໂປ້ຢູ່ຊິເຮັດຈັ່ງໃດ “

     “ ອຸ໋ຍ ! ຂໍໂທດນ້ອງລືມ , ແມ່ໃຫ້ມາເບີ່ງວ່າອ້າຍອາບນ້ຳແລ້ວລະຫວາ “

     “ ອ້າຍຊິອາບດຽວນິລະອີກ 5 ນາທີຊິລົງໄປ “

     “ ອາບແທ້ເດີ້ຂື້ນມາແຕ່ດົນແຕ່ນານນັ່ງເບີ່ງຮູບຢູ່ຫັ່ນລະ ຄິດຮອດກະໄປຫາຕົວະເບາະ “

     “ ເລື່ອງຂອງຜູ້ໃຫຍ່ “

     “ ໂດຍຍຍຍຍຍຍຍຍຍ ຜູ້ໃຫຍ່, ຮັກເຂົາກະບອກເຂົາຕົວະເບາະຊິເກັບໄວ້ຫຍັງ “

     “ ເລື່ອງຂອງອ້າຍນ່າ ເຈົ້າຮີບລົງໄປຫັ່ນອ້າຍຊິອາບນ້ຳ, ຫຼື ຊິເບີ່ງອາຍປະໂປ “

     “ ເບີ່ງກະເບີ່ງແກ້ມາໂລດອ້າຍນ້ອງກັນບໍ່ຕ້ອງອາຍ “      ອ້າວ! ອີ່ນ້ອຍໆນິ

     “ ແກ່ແດດ ຮີບລົງໄປດຽວນິ “     ຂ້ອຍຍູ້ນ້ອງສາວອອກຈາກປະຕູ ມັນເປັນແສ້ເປັນສາວບໍ່ອາຍແດ່ຫວາ

     “ ໄປກະໄດ້ບໍ່ເບີ່ງດອກບໍ່ເຫັນຊິມີຫຍັງເປັນຕາເບີ່ງ “

     ເວົ້າແລ້ວມັນກໍ່ແລ່ນໜີ ຂ້ອຍລະຍອມນ້ອງຂ້ອຍຜູ້ນິນັບມື້ນັບໜ້າເຫຼື້ອມ

' Mod '

     “ ເອີ້ມົດ ! ມື້ອື່ນນິ ພໍ່ກັບແມ່ ຊິບໍ່ໄດ້ຢູ່ເຮືອນເດີ້ຊິໄປຫາອາຢູ່ວັງວຽງ, ລູກຢູ່ເຮືອນຄົນດຽວໄດ້ຕີ້ “

     

     ກຳລັງກິນເຂົ້າຢູ່ດີໆ ພໍ່ກໍ່ຖາມຂ້ອຍ

     “ ໄດ້ ! ບໍ່ມີບັນຫາ ໄປຈັກມື້ລະພໍ່ “

     “ ວັນທິດກະກັບແລ້ວ “ 

     “ ແຕ່ແມ່ກະຍັງເປັນຫ່ວງຢູ່ ບອກສິດກັບສອນ ມານອນເປັນໝູ່ຢູ່ເຮືອນນຳກະໄດ້ໃດລູກ “  

     

     “ ເຮົາ 18 ລະໃດແມ່ ຊ່ຳນິສະບາຍຢູ່ແລ້ວ “     ລະຂ້ອຍກະກິນເຂົ້າຕໍ່ ກຳລັງແຊບ

     “ ໂຈນມັນບໍ່ກ້າຂື້ນເຮືອນດອກ ລູກເຈົ້າຊິຕີມັນຕາຍກ່ອນ “      ພໍ່ເວົ້າລະກະຫຍ້ຳເຂົ້າຕໍ່

     “ ເພື່ອຄວາມສະບາຍໃຈຂອງແມ່ ເອົາສອງຄົນນັ້ນມານອນນຳເນາະ ເຮືອນກະຢູ່ຕິດກັນ “

     “ ຊັ່ນ ເຮົາຊິໄປບອກສິດດອກ “

     “ ອື່ມ .... ເອົ໋າກິນເຂົ້າໆ “     ແມ່ເວົ້າແລ້ວກໍ່ຕັກອາຫານໃສ່ຕື່ມ

___________ ເຮືອນສິດ ____________

     “ ສະບາຍດີແມ່ , ສິດຢູ່ບໍ່ “     ຂ້ອຍຢ່າງມາຫາສິດຢູ່ເຮືອນທີ່ໄກກັນຫຼາຍສິບກິໂລ ເພື່ອຈະມາບອກໃຫ້ໄປນອນເປັນໝູ່ມື້ແລງ

     “ ຢູ່ຫ້ອງຕິລູກສົງໃສຍັງບໍ່ຕື່ນມື້ນິວັນເສົາແດ່ , ວ່າລະລູກມີຫຍັງບໍ່ມາແຕ່ເຊົ້າ “

     “ ອໍ໋ ເຮົາວ່າຊິບອກສິດ ກັບ ສອນໄປນອນເປັນໝູ່ມື້ແລງ , ແມ່ກັບພໍ່ບໍ່ຢູ່ເພີ່ນໄປວັງວຽງເລີຍບໍ່ຢາກໃຫ້ຢູ່ຄົນດຽວ  ເລີຍຂໍອະນຸຍາດແມ່ເລີຍເດີ້ “

     “ ຕາມສະບາຍໂລດລູກ ວ່າລະຂື້ນໄປປຸກໃຫ້ແມ່ແດ່ຍັງບໍ່ຕື່ນປານນິ “

     “ ໂດຍ “  ວ່າແລ້ວຂ້ອຍກໍ່ຂື້ນຂັ້ນໃດໄປທີ່ຫ້ອງສິດ ບໍ່ຕ້ອງແປກໃຈວ່າເປັນແສ້ເປັນສາວຊິເຂົ້າໄປຫາຜູ້ຊາຍຢູ່ຫ້ອງມັນບໍ່ງາມ ຂ້ອຍເຂົ້າມາເປັນສິບໆ ເທື່ອແລ້ວ ຍັງເທື່ອດຽວກະຊິຮອດ 100

' ກ໋ອກ ໆໆໆ '

     “ ສິດດດດດດດດດດດດດດ “

     

     ' ກ໋ອກ ໆໆໆ '

     “ ສິດດດດດດດດດດດດດດ “     ຊິນອນກິນບ້ານກິນເມືອງໄປຮອດໃສ   ມື້ນິເຮົາລຸກເຊົ້າເພາະລຸກມາກຽມເຄື່ອງຊ່ວຍແມ່

     “ ສິ...“     ຂ້ອຍກຳລັງຊິຮ້ອງເປັນເທື່ອທີ່ 3 ສິດມັນກະເປີດປະຕູມາກ່ອນ  ພ້ອມກັບ  0_0  ບ໋ອກເຊີ້ໂຕດຽວ

     “ ອ້າວເຮີ້ຍ “     ສິດຟ້າວອັດປະຕູ  ສົງໃສຕົກໃຈ ແຕ່ບໍ່ທັນລະຂ້ອຍເຫັນເກືອບໝົດລະ

     

     ແຕ່ວ່າໄປກະແປກບໍ່ເຫັນສິດມັນແກ້ເສື້ອດົນລະ ຫາກໍ່ສັງເກດວ່າມີ six pack , ຜິວກະຂາວໃສດີ, ບໍ່ໃສ່ແວ່ນຕາລະຫົວກະຫຍຸ້ງໆ ເບີ່ງໄປແລ້ວກະລໍ່ດີຢູ່ໃດ  ເຮີ້ ! ມົດບ້າໄປລະຫວາ ອັນນັ້ນສິດສ່ຽວຮັກສ່ຽວແພງໃດ ຕື່ນໆ , ຂ້ອຍຢືນຕົບໜ້າໂຕເອງຢູ່ໜ້າປະຕູຫ້ອງສິດ

     “ ລົມອີ່ຫຍັງຫອບມາແຕ່ເຊົ້າ “

    “ ... “  ອຸ໋ຍຕາຍ ຕົກໃຈໝົດ ສິດໄຂປະຕູອອກມາ ເທື່ອນິໃສ່ເສື້ອຍືດສີຂາວກັບໂສ້ຂາສັ້ນສາມສ່ວນ ແຖມໃສ່ແວ່ນຕານຳ

     “ ອ້າວ ຖາມກະບໍ່ຕອບ, ເປັນຫຍັງບໍ່ນິ “     ສິດເອົາມືມາຈັບແຂນຂ້ອຍ ຂ້ອຍເລີຍໄດ້ສະຕິຄືນມາຫຼັງຈາກກຳລັງພັນລະນາສັດສ່ວນ ຂອງສິດຢູ່  ' ລະເຮົາສິພັນລະນາສັດສ່ວນມັນໄປເພື່ອຫຍັງຫວະ ' ເອີ້ແມ່ນງົງກັບໂຕເອງຢູ່ນິ

     “ ເອີ...ອໍ໋ ຄິດອອກລະວ່າຊິມາບອກໃຫ້ໄປນອນນຳມື້ແລງ “

     “ ຫ໋ະ “     ສິດເຮັດໜ້າງົງກັບຄຳເວົ້າຂອງຂ້ອຍ

     “ ແບບວ່າພໍ່ກັບແມ່ ໄປຫາພີ່ນ້ອງຢູ່ວັງວຽງເຂົາເລີຍໄດ້ຢູ່ເຮືອນຄົນດຽວ ແມ່ເລີຍບອກໃຫ້ຊວນເພີ່ນໄປຢູ່ນຳ “

     “ ອໍ໋ ...​ເອີ້ໆ ດຽວຢ່າງໄປຫາອາບນ້ຳແລ້ວກ່ອນ “

     “ ໂອເຄຊັ່ນ ເຂົາກັບກ່ອນ ແຮ່ໆ ດຽວຂົນເຄື່ອງຂື້ນລົດຊ່ວຍພໍ່ກ່ອນ “     ລະເຮົາຊິອາຍເຮັດຫຍັງຫວ໋ະ

     ຮີບຢ່າງໄປໄວໆເລີຍມົດເອີ້ຍເປັນບ້າຫຍັງນິນ່າ

     .............

     “ ແມ່ຊິຟ້າວໄປຟ້າວກັບເດີ້ລູກ ເບີ່ງເຮືອນດີໆແດ່ເດີ້ ຝາກເບີ່ງເຮືອນກັບມົດໃຫ້ແດ່ເດີ້ສິດ “ ແມ່ຫັນມາບອກສິດທີ່ຢືນຢູ່ຂ້າງໆຂ້ອຍ

     “ ໂດຍ “

     “ ຝາກເບີ່ງເຮືອນໃຫ້ແດ່ເດີ້ເອື້ອຍຊ້ອຍ “ ແມ່ຂ້ອຍຍັງຫັນໄປຄອບ ແລະ ຝາກຝັງແມ່ຂອງສິດທີ່ຢືນຢູ່ຂ້າງຮົ້ວ

     “ ເອີ້ຊິເບີ່ງໃຫ້ດອກບໍ່ຕ້ອງຫ່ວງ “

     “ ດຽວຂ້ອຍໄປກ່ອນລະຊິຊື້ເຄື່ອງມາຕ້ອນ “

     “ ເອີ້ ຂັບລົດດີໆເດີ້ “     ແມ່ສິດ ພອນໃຫ້ແມ່ຂ້ອຍກ່ອນທີ່ພໍ່ຊິຂັບລົດອອກໄປ

     

     “ ສິດ - ສອນ ມື້ແລງເຮົາຊິເຮັດຫຍັງດີ “ ຂ້ອຍຫັນໜ້າມາຖາມ 2 ຄົນທີ່ຢືນຢູ່ຂ້າງໆ

     “ ສອນຊິເອົາໜັງມາເປີດ “

     “ ກະດີຢູ່ໃດເນາະ “

     

     “ ດຽວເຮົາມາຊ່ວຍກັນເຮັດເຂົ້າໜົມໄວ້ກິນຕອນເບິ່ງໜັງດີບໍ່ “     ສິດນິຄວາມຄິດດີຫຼາຍເລື່ອງກິນມົດສູ້ຕາຍ

     “ ກະດີໃດ ແຕ່ວ່າຕອນນິເຂົ້າສວຍຍັງບໍ່ຕົກຮອດທ້ອງຊ້ຳ “     ຂ້ອຍເຮັດໜ້າສົງສານໄວ້ກ່ອນເພື່ອມີຄົນໃຈດີລ້ຽງເຂົ້າ

     “ ຊັ່ນກະບໍ່ຍາກເລີຍເອື້ອຍມົດ, ອ້າຍສິດຂອງຂ້ອຍນິເຮັດແນວກິນແຊບໆ “ ສອນຍີ້ມກວ້າງໆໃຫ້

     “ ເອື້ອຍເຊື່ອຢູ່, ເອື້ອຍໄດ້ກິນແຕ່ເຂົ້າໜົມທີ່ສິດເຮັດ ແຕ່ເອື້ອຍຍັງບໍ່ທັນໄດ້ຊິມອາຫານຝີມືລາວເທື່ອ “

     “ ຊັ່ນພາກັນນັ່ງຫຼິ້ນຖ້າດຽວໄປເຮັດແນວກິນມາໃຫ້ , ສອນກະຊິກິນຫວາ “

     “ ກິນຕົວະເນາະ ອ້າຍສິດນິຕັກບາດຖາມພະ “     ສອນເຮັດໜ້າມຸ້ຍສົງໃສຊິນ້ອຍໃຈໃຫ້ອ້າຍ

     “  ຊັ່ນຖ້າບຶດໜື່ງດຽວອ້າຍມາ “ ສິດລູບຫົວນ້ອງກ່ອນຈະຢ່າງໄປເຮືອນຄົວ 

     

     ສອງອ້າຍນ້ອງນິກຍອກກັນເປັນຕາຮັກດີ ເຫັນລະຢາກມີອ້າຍຈັກຄົນ

     “ ເອື້ອຍມົດ “

     “ ຫ໋ະ “ ຢູ່ໆສອນກະເອີ້ນຂ້ອຍຂື້ນມາ

     “ ເອື້ອຍມົດວ່າອ້າຍສິດເປັນຈັ່ງໃດ “

     “ ອັນໃດເປັນຈັ່ງໃດລະ “ ເອີ່ ອັນໃດເປັນຈັ່ງໃດງົງໃດນິ

     “ ກະແບບວ່ານິໄສດີບໍ່, ໜ້າຮັກບໍ່ແບບຊິນ່າ ”

     “ ໂອ......ເອື້ອຍວ່າກະດີໃດ ດີຫຼາຍໆ ເລີຍແຫຼະ ເພາະແຕ່ເປັນໝູ່ກັນມາສິດກະດີກັບເອື້ອຍມາຕະຫຼອດໃດ ຢາກມີໝູ່ແບບນິຈັກ 10 ຄົນຄືຊິສະບາຍ “

     “ ຂະໜາດເປັນໝູ່ຍັງດີປານນິ, ຄັນຖ້າເປັນແຟນນິເຮົາວ່າອ້າຍເຮົາຕ້ອງທຸ້ມສຸດໂຕເລີຍ “

     “ ໃຜໄດ້ສິດເປັນແຟນນິໂຊກດີໂດດທັບຫົວເລີຍ “

     “ ລະເອື້ອຍມົດບໍ່ຢາກເປັນແຟນກັບອ້າຍສິດຫວາ “

     “ 555+ ເອື້ອຍເປັນບໍ່ໄດ້ດອກເອື້ອຍບໍ່ໄດ້ມັກລາວ ລະລາວກະບໍ່ໄດ້ມັກເອື້ອຍ “ ຢາກຫົວເປັນພາສາອັງກິດເດ້

     “ ລະເອື້ອຍມົດຮູ້ສະເບາະວ່າອ້າຍສິດບໍ່ມັກເອື້ອຍກີ້ “

     “ ເປັນຫຍັງຊິບໍ່ຮູ້ເນາະ, ເປັນໝູ່ກັນມານິຫຼາຍປີລະໃດ ຊິຮອດ 14-15 ປີແລ້ວ ເອື້ອຍຮູ້ໄຕອ້າຍສິດໝົດລະແຫຼະ , ເປັນຫຍັງຄິດຊິຈັບຄູ່ໃຫ້ເອື້ອຍຫວາ ຮ່າໆໆໆໆໆ “

     “ ເອື້ອຍມົດນະ , ອ້າຍສິດລາວມັກເອື້ອຍມົດໃດ “

     “ ໃຜເຫັນກະວ່າຊັ່ນລະ ແຕ່ຄົນທີ່ຮູ້ດີທີ່ສຸດກໍ່ຄືເອື້ອຍກັບອ້າຍສິດ “

     “ ພຸ່ນນະ! ເອື້ອຍມົດໜ້າຈະເຊື່ອເຮົາແດ່ ອ້າຍສິດຕິຮູບຖ່າຍກັບເອື້ອຍມົດໄວ້ຫົວຕຽງນຳ “

     “ ມັນເປັນຮູບສະຕິກເກີ້ຕິເບາະຕິດໃສ່ບ່ອນໃດກະໄດ້ “

     “ ຄັນຍັງບໍ່ເຊື່ອເຮົານະ ສົງເກດເບິ່ງໂລດອ້າຍວສິດຊິລັກແນມເບີ່ງເອື້ອຍມົດຕະຫຼອດ “

     “ ຮູ້ໄດ້ຈັ່ງໃດ, ແກ່ແດດໃດເຮົານິ “     ຂ້ອຍເດ່ມືໄປຍີຫົວສອນສະ ເດັກອີ່ຫຍັງມາແກ່ແດດ

     “ ເຮົາ 14 ລະໃດຊິເປັນສາວແລ້ວ “

     “ ລະມີແຟນລະຫວາລະ “

     “ ຍັງເທື່ອ ແຕ່ຈັກໜ່ອຍກະມີ , ເຊື່ອເຮົາເທາະເອື້ອຍມົດເຮົາເວົ້າແທ້ໃດ “

     “ ເອື້ອຍວ່າເຮົາສອງຄົນໄປເປັນລູກມືໃຫ້ອ້າຍສິດດີກວ່າ  ໄປ໋ລຸກ “ ຂ້ອຍລຸກຂື້ນແຕ່ກໍ່ຄິດບາງຢ່າງອອກ

     “ ເອີ່ ! ລະຫ້າມມີແຟນກ່ອນເອື້ອຍເດີ້ເອື້ອຍມີແຟນລະສອນຈື່ງມີ o.k ເນາະ ອິອິ “

     ຖີ້ມທ້າຍໄວ້ໜ້ອຍໜື່ງ ກ່ອນຊິຢ່າງໄປເຮືອນຄົວ ຫາຊິໃຫ່ຍຊິມີແຟນກ່ອນເຮົາໄດ້ຈັ່ງໃດ ບໍ່ໄດ້ໃດແບບຊິ ມົດບໍ່ຍອມ

     .............  22 :​ 56 ' ...............

     “ ເດິກແລ້ວສອນເຮົາຂື້ນໄປນອນປ໋ະ “       ຂ້ອຍຫັນມາຫາສອນທີ່ນັ່ງຫຼັບຢູ່ຂ້າງໆ

     “ ອ້າວ ຫຼັບຊ້ຳ “

     “ ມົດຢາກນອນລະ “      ສິດຖາມ

     “ ອື່ມ ! ແຕ່ສອນຫຼັບປະລະ “

     

     “ ດຽວເຂົາປຸກເອງ ເພີ່ນຂື້ນໄປນອນກ່ອນໂລດ “

     “ ບໍ່ຕ້ອງປຸກດອກດຽວກະຄືຊິຮູ້ເມື່ອ , ວ່າລະມື້ສວຍນິ ສອນເວົາແປກໆ ກັບເຂົານຳ ”

     

     “ເວົ້າ...ເວົ້າເລື່ອງຫຍັງ ? “  ສິດຖາມຂ້ອຍແບບຢາກຮູ້ຢາກເຫັນເອົາແທ້ເອົາວ່າ

     “ ກະເວົ້າວ່າ ເພີ່ນແອບມັກເຂົາ, ສົງໃສຄິດຊິຈັບຄູ່ໃຫ້ເຮົາ ຮ່າໆໆໆໆ ຕະຫຼົກເນາະ “ ເວົ້າລະຂ້ອຍກະຫົວ

     “ ລະເພີ່ນຄິດວ່າຈັ່ງໃດ, ເຊື່ອບໍ່ “

     “ ເຮົາເປັນໝູ່ກັນຈັກປີລະ, ເພີ່ນຄິດຫຍັງມີບໍ່ເຂົາຊິບໍ່ຮູ້ , ກະບໍ່ວ່າຫຍັງດອກນ້ອງເພີ່ນກະຢາກໃຫ້ອ້າຍຂາຍອອກ ຢາກໃຫ້ເພີ່ນກັບເຂົາເປັນແຟນກັນ “

     “ ເຮົາລອງມາຄົບກັນເບິ່ງເບາະ “

     “...“

     “ ຮ່າໆໆໆ ມຸກບໍ່ນິ ຮາດີ “

     “ ເຮິຮາໆໆໆ !!! ແມ່ນ ມຸກເຂົາເອງຕະຫຼົກບໍ່ “

     

     “ ຕະຫຼົກຕົວະ ຮ່າໆໆໆໆໆໆໆ “     ມັນຕາຫຼົກບ່ອນໃດ

     

     ທີ່ຈິງມັນກະບໍ່ຕາຫຼົກຈັກໜ່ອຍ ແຕ່ວ່າບັນຍາກາດແບບນັ້ນມັນອຶດອັດ ຄິດຫຍັງບໍ່ອອກ ຫົວອອກມາດີກວ່າ, ຂ້ອຍກະບໍ່ຄິດວ່າສິດຊິເວົ້າແບບນັ້ນອອກມາດອກ , ຄຳເວົ້າບໍ່ປານໃດ ແຕ່ສາຍຕານິຕິ ໃຈເຕັ້ນແປກໆ ແນ່ນອນ ເປັນໃຜກະຕົກໃຈ ເປັນໝູ່ກັນມາ 15 ປີ ຢູ່ດີໆ ກະມາຂໍຄົບ ບ້າໄປແລ້ວ, ຖ້າເກີດວ່າສິດມຫນເວົ້າຫຼີ້ນລະເຮົາຄິດແທ້ , ຕາຍໆ ມິດຕະພາບທີ່ສະສົມມາໝົດກັນພໍດີ .

     ' ຄວາມງຽບເຂົ້າປົກຄຸມ ຫຼັງຈາກສຽງຫົວສະຫງົບລົງ '

     ໂອ໋ຍ​ ! ຫົວໃຈຜີບ້ານິມັນເຕັ້ນແຮງຈົນຊິຟົ້ງອອກມາເຕັ້ນຢູ່ນອກ

     “ ເຂົາວ່າເຂົາ ໄປນອນດີກວ່າ, ສອນໆໆ ຂື້ນໄປນອນໃນຫ້ອງກັບເອື້ອຍໄປ໋ “ ວ່າແລ້ວຂ້ອຍກໍ່ເອົາມືໄປຍູ້ໆແຂນສອນໃຫ້ຮູ້ເມື່ອ

     “ ອື່ໆ “

     

     ເຖິງຈະຍັງມືນຕາບໍ່ຂື້ນແຕ່ສອນກໍ່ຍອມຢ່າງນຳຂ້ອຍມາໂດຍດີ ຂ້ອຍຕ້ອງອອກມາຈາກສະຖານະການແບບນີ້ກ່ອນ ກ່ອນທີ່ມັນຈະສົ່ງຜົນກະທົບກະເທືອນທາງດ້ານຈິດໃຈໃຫ້ຂ້ອຍ

     “ ດຽວຂີ້ເຫຍື້ອແຖວນິເຂົາມ້ຽນເອງ “ ສິດວ່າ

     “ ຝັນດີ “

     “ຝັນດີ ຄືກັນ “ ສິດບອກຝັນດີກ່ອນຂ້ອຍຈະຫັນຫຼັງໃຫ້