คืนค่าการตั้งค่าทั้งหมด
คุณแน่ใจว่าต้องการคืนค่าการตั้งค่าทั้งหมด ?
ลำดับตอนที่ #4 : Slience
ນັບຕັ້ງແຕ່ມື້ນັ້ນມາກໍ່ເປັນເວລາ 2ເດືອນແລ້ວ ແລະ ທຸກເຊົ້າທີ່ເທົາຕື່ນຂື້ນມາ ມັກຈະເຫັນແມ່ບ້ານຫິ້ວຖົງອາຫານ ທີ່ມີໂພດອິດຕິດຢູ່ມາໃຫ້ເຂົາ ເຊິ່ງບໍ່ຮູ້ວ່າໃຜເປັນຄົນເອົາມາໃຫ້
ອາຫານທີ່ເຂົາໄດ້ແຕ່ລະມື້ ລ້ວນແລ້ວແຕ່ເປັນອາຫານທີ່ເຂົາມັກ ແຕ່ເມື່ອເຂົາຖາມວ່າເອົາມາແຕ່ໃສ ແມ່ບ້ານກໍ່ບອກວ່າ ມີຄົນເອົາມາຫ່ອຍໄວ້ຢູ່ໜ້າບ້ານ
ແຕ່ເຂົາກໍ່ພໍຈະເດົາອອກວ່າແມ່ນໃຜ ເພາະໂພດອິດທຸກໃບທີ່ເຂົາໄດ້ຮັບ ມີພຽງຄຳວ່າ “ຂໍໂທດ” ແລະ ລາຍມືນັ້ນເຂົາກໍ່ຄຸ້ນເຄີຍດີ
ຄົນໆນັ້ນຄືຄຣີສ, ເທົາຈຶ່ງເລືອກທີ່ຈະບໍ່ກິນອາຫານດັ່ງກ່າວ ພ້ອມທັງ ຫີ້ວມັນອອກໄປຖິ້ມຖັງຂີ້ເຫຍື້ອຍໜ້າບ້ານ ເພາະເຂົາຮູ້ ວ່າຄຣີສຕ້ອງຢູ່ແຖວນັ້ນແນ່ນອນ
ເພື່ອທີ່ມັນຈະເປັນການທີ່ເຮັດໃຫ້ຄຣີສຮັບຮູ້ ວ່າເທົາທີ່ເຄີຍດີໃຈ ຕອນທີ່ເຂົາເຮັດສິ່ງເລັກໆນ້ອຍໆໃຫ້ນັ້ນ ມັນໄດ້ຕາຍໄປແລ້ວອີ່ຫຼີ ແລະ ຕອນນີ້ທີ່ເຫຼືອຢູ່ມີພຽງ ຫວງຈື້ເທົາ ທີ່ເປັນຄົນຂອງ Exo ແລະພ້ອມທີ່ຈະກ້າວໄປພ້ອມກັບ Exo ຢູ່ຄຽງຂ້າງ Exo ຢ່າງແທ້ຈິງບໍ່ໄດ້ເປັນພຽງລົມປາກ ເຊິ່ງຄຣີສບໍ່ມີວັນເຮັດໄດ້
ແຕ່ໃນມື້ນີ້ມັນແປກໄປ ແປກເພາະມື້ນີ້ສິ່ງທີ່ເຂົາເຄີຍໄດ້ທຸກມື້ ຫາຍໄປ
ເຂົາຮູ້ສຶກນ້ອຍໃຈ ຄຣີສຄົງຈະເບື່ອທີ່ຈະຕາມງໍ້ເຂົາແບບນີ້ ເຂົາຄົງຈະບໍ່ສຳຄັນສຳລັບຄຣີສ ເພາະເຂົາເປັນພຽງນ້ອງຊາຍຄົນໜຶ່ງ ບໍ່ມີຫຍັງສຳຄັນໄປຫຼາຍກວ່ານີ້ ເທົາຍີ້ມເຍາະເຍີ້ຍຕົວເອງ ກ່ອນທີ່ນ້ຳຕາຂອງເຂົາຈະໄຫລອອກມາ ໂດຍບໍ່ຕັ້ງໃຈ
ອີກແລ້ວ
ເຂົາເສຍນ້ຳຕາໃຫ້ຜູ້ຊາຍຄົນນີ້ ອີກແລ້ວ ແລະ ອີກດົນປານໃດ ທີ່ເຂົາຈະເຂັ້ມແຂງກັບເລື່ອງນີ້ໄດ້?
.................................................
ເຂົາບໍ່ໄດ້ຮັບໂພດອິດຈາກຄຣີສແລ້ວ ຕະຫຼອດ1ອາທິດ ແລະ ຕອນນີ້ເວລາ 10:21’ ເປັນເວລາທີ່ພວກເຂົາ ຕ້ອງຂື້ນລົດໄປສະໜາມບິນອິນຊອນ ເພື່ອຂຶ້ນເຄື່ອງໄປ Promote album ໃໝ່ຂອງພວກເຂົາທີ່ສິງກະໂປ ໃນຂະນະ ທີ່ເທົາກຳລັງຈະກ້າວອອກຈາກບ້ານ ສຽງໂທລະສັບຂອງເຂົາກໍ່ດັງຂື້ນ ແຕ່ເຂົາເລືອກທີ່ຈະບໍ່ຮັບ ເພາະເປັນເບີທີ່ເຂົາບໍ່ຮູ້ຈັກ ແລະ ເຂົາກຳລັງຫຍຸ້ງຢູ່
..............................................
3ວັນຜ່ານໄປ
ຕອນນີ້ພວກເຂົາກັບມາແລ້ວ ພວກຮຍອງ ພາກັນກັບເຂົ້າຫ້ອງຂອງຕົວເອງໝົດແລ້ວ ຄົງຈະພາກັນເມື່ອຍອີ່ຫຼີ ແຕ່ບໍ່ທັນທີ່ເທົາຈະໄດ້ພັກ ກໍ່ມີແມ່ບ້ານແລ່ນມາ ບອກວ່າມີຄົນມາຫາ ບອກວ່າມີເລື່ອງສຳຄັນຈະບອກ ແລະ ຕອນນີ້ຊາຍຄົນນັ້ນຖ້າຢູ່ຫ້ອງຮັບແຂກ
ເທົາດີໃຈກັບສິ່ງທີ່ເຂົາໄດ້ຍິນ ຄຣີສເຂົາກັບມາແລ້ວແມ່ນບໍ່?
ແຕ່ເຂົາຕ້ອງແປກໃຈ ເມື່ອຄົນທີ່ມາຫາເຂົາບໍ່ແມ່ນຄຣີສ ແຕ່ເປັນຜູ້ຊາຍທີ່ຂ້ອນຂ້າງ ມີອາຍຸຄົນໜຶ່ງທີ່ມາກັບກ່ອງໆໜຶ່ງ ແລະ ເຂົາກໍ່ຍີ້ມໃຫ້ເທົາ ເມື່ຶເຫັນເທົາຢ່າງມາຫາ
“ສະບາຍດີ, ມາຫາຂ້ອຍມີວຽກຫຍັງເບາະ?”
“ສະບາຍດີ ຂ້ອຍຊື່ ຮັນແທມິນ ເປັນໝໍປະຈຳໂຕຂອງຄຣີສ” ໝໍຮັນແນະນຳໂຕ
“ໝໍປະຈຳໂຕ?” ເທົາຖາມຂື້ນພ້ອມກັບເຮັດໜ້າສົງໃສ
ເປັນຫຍັງຄຣີສຕ້ອງມີໝໍປະຈຳໂຕ? ເທົາຖາມຕົວເອງໃນໃຈ
ແຕ່ກ່ອນທີ່ເທົາຈະຖາມອອກໄປຫຼາຍກວ່ານີ້ ໝໍຮັນກໍ່ຍື່ນກ່ອງ ທີ່ເຂົາເອົາຕິດໂຕມາໃຫ້ກັບເທົາ ແລະ ບອກວ່າ ຄຣີສຝາກມາໃຫ້
ເທົາຮູ້ສຶກອາລົມບໍ່ດີທີ່ໄດ້ຍິນແບບນັ້ນ ຄຣີສຊັງເຂົາ ເຖິງຂະໜາດທີ່ບໍ່ຢາກແມ້ແຕ່ຈະເຫັນໜ້າ ຈົນຕ້ອງໃຫ້ຄົນອື່ນ ເອົາເຄື່ອງມາໃຫ້ ແບບນີ້ເລີຍຫວະ!?
“ເປັນຫຍັງຂ້ອຍຕ້ອງຮັບຂອງທີ່ ອີ້ຝານໃຫ້ ໃນເມື່ອຂ້ອຍກັບລາວບໍ່ເຄີຍຮູ້ຈັກກັນ ເຊີນເຈົ້າອອກໄປຈາກບ່ອນນີ້ໄດ້ແລ້ວ ກ່ອນທີ່ຂ້ອຍ ຈະໃຫ້ຄົນມາໂຢນເຈົ້າອອກໄປ” ເທົາເວົ້າ ພ້ອມທັງສະແດງສີໜ້າທີ່ບົ່ງບອກວ່າຕອນນີ້ ເຂົາກຳລັງອາລົມບໍ່ດີອອກມາ ແລະ ກຳລັງຈະຫັນຫຼັງໄປ ແຕ່ໝໍຮັນກໍ່ເວົ້າຂຶ້ນວ່າ
“ຖ້າເຈົ້າໄດ້ເຫັນມັນ ເຈົ້າຈະບໍ່ມີທາງເວົ້າແບບນີ້ ຫວງຈື້ເທົາ”
>>>>>>>>>><<<<<<<<<<<
ອັນຍອງຮະເຊໂຍ~~~
ຈັ້ງໃດ? ຊິຈົບລະໃດນິນະ ເປັນຫຍັງ? ເປັນຫຍັງເຮຍຄືມີໝໍປະຈຳໂຕ? ແລ້ວທີ່ຢູ່ໃນກ່ອງນັ້ນແມ່ນຫຍັງ? ເທົາຊິຍອມຮັບມັນບໍ່? T^T ຄຳຖາມຫຼາຍເກີ້ນ
ເຫຼືອອີກຕອນດຽວກະຈົບແລ້ວ ເຮີ~~
ເລື່ອງນີ້ຊິຈົບແບບໃດວ້າ?
ຕອນສຸດທ້າຍອາດມີເຊີໄພຣ້ສ ອິອິ
ເອີ້~~ເກືອບລືມ!!! ມື້ນີ້ຂ້າພະເຈົ້າໄປລອຍກະທົງມາ ໄດ້ເຈີ X-Junior ພ້ອມ ອ໊າຍຍຍ ຟິນແລນ ^/////^
(X-Junior ທີມເຕັ້ນ cover dance ຂອງລາວເຮົາ)
ໂຕຈິງແຕ່ລະຄົນເປ໊ະເວີ້~~ ເຕັ້ນເກັ່ງເວີ້~~
ດີໃຈໃດ ທີ່ເຫັນຄົນລາວເຮົາມີຄວາມສາມາດ ແລະ ກ້າສະແດງອອກ ຢາກໃຫ້ມີແບບນີ້ອີກຫຼາຍໆ ສົ່ງເສີມ ສົ່ງເສີມ
ເອົາລະ!!! ອະລຳພະບົດມາຍາວແລ້ວ ສຸດທ້າຍ ທີ່ບໍ່ທ້າຍສຸດ ຂໍຄອມເມັ້ນແດ່ເນີ~~
ໄປລະ Bye~~ ຈຸບໆ
ความคิดเห็น