คืนค่าการตั้งค่าทั้งหมด
คุณแน่ใจว่าต้องการคืนค่าการตั้งค่าทั้งหมด ?
ลำดับตอนที่ #5 : Last Letter ( END )
ເທົາຫັນກັບໄປແນມໜ້າໝໍຮັນ ດ້ວຍຄວາມງົງ ແຕ່ເຂົາກໍ່ຍອມນັ່ງລົງ ແລະ ຮັບກ່ອງນັ້ນມາເປີດ
ເຂົາຕົກໃຈ ເມື່ອເຂົາເຫັນສິ່ງດັ່ງກ່າວ
ມັນຄື............. ຈົດໝາຍຫຼາຍສະບັບ ທີ່ຖືກຈັດລຽນກັນຢ່າງສວຍງາມ ຕາມເວລາທີ່ຂຽນ ແລະ ຈົດໝາຍທຸກສະບັບ ຈ່າໜ້າຊອງເຖິງຄົນໆດຽວ ນັ້ນກໍ່ຄືເຂົາເອງ ຫວງຈື້ເທົາ
ເທົາສັງເກດ ຈົດໝາຍສະບັບທີຢູ່ໜ້າສຸດ ມັນບອກເວລາທີ່ຂຽນ ແມ່ນວັນທີ່ຄຣີສຈາກໄປ ສະແດງວ່າ ຕະຫຼອດຊ່ວງເວລາທີ່ຜ່ານມາ ຄຣີສຂຽນຈົດໝາຍຫາເຂົາ ແຕ່ບໍ່ເຄີຍສົ່ງ?
ເທົາເລືອກຈົດໝາຍ ທີ່ເປັນສະບັບສຸດທ້າຍ ທີ່ຢູ່ລຸ່ມສຸດຂື້ນມາ ມັນເປັນຈົດໝາຍຂອງວັນທີ່ 5/5/2017 ເປັນຈົດໝາຍຂອງ 1ອາທິດກ່ອນ
“ສະບາຍດີ ແພນດ້ານ້ອຍຂອງເຮຍ..... ຈົດໝາຍສະບັບນີ້ ຄົງເປັນສະບັບສຸດທ້າຍແທ້ໆແລ້ວ
ແລະ ສິ່ງທີ່ ເຮຍຢາກຈະບອກເທົາກໍ່ຄື ເຮຍຮັກເທົາ ຮັກຕັ້ງແຕ່ທີ່ເຫັນໜ້າເທົາຄັ້ງທຳອິດ ແລະຮັກຕະຫຼອດມາ
ເຮຍຮັກເທົາ ຮັກເຫຼືອເກີນ ຮັກຈົນເຮຍບໍ່ສາມາດ ຮັກໃຜໄດ້ອີກແລ້ວ
ເຮຍຂໍໂທດທີ່ເຮັດໃຫ້ເທົາເສຍໃຈ
ຂໍໂທດ
ຂໍໂທດ
ຂໍໂທດ
ຂໍໂທດ
ຂໍໂທດ
ຂໍໂທດ
ຂໍໂທດ
ຂໍໂທດ ເຮຍຢາກຂໍໂທດເທົາຈັກພັນຄັ້ງ ຂໍໂທດທີ່ຜິດສັນຍາ ວ່າຈະບໍ່ຈາກເທົາເທົາໄປໃສ
ແຕ່ເຮຍກໍ່ເຮັດ ແລະ ກໍາລັງຈະເຮັດມັນອີກຄັ້ງ
ເຮຍຈະບໍ່ຂໍໃຫ້ເທົາຍົກໂທດໃຫ້ ເພາະສິ່ງທີ່ເຮຍເຮັດ ມັນໄດ້ເຮັດໃຫ້ເທົາເສຍໃຈ
ແຕ່ເຮຍຂໍຢ່າງໜື່ງໄດ້ບໍ່?
ເທົາຢ່າຊັງເຮຍ
ເທົາຈະຄຽດ ຈະດ່າ ຈະຕີເຮຍຈັ້ງໃດ ເຮຍຍອມທຸກຢ່າງ ແຕ່ເຮຍຂໍຢ່າງດຽວ ເທົາຢ່າເຮັດແບບນີ້...
ຢ່າເຢັນຊາ.................
ຢ່າໃຊ້ຊີວິດ ແບບບໍ່ມີຄວາມສຸກແບບນີ້ໄດ້ບໍ່?
ເທົາຮູ້ບໍ່ວ່າເຮຍມີຄວາມສຸກສ່ຳໃດ ທີ່ໄດ້ເຫັນຮອຍຍິມເທົາ ເຮຍຮູ້ສຶກອິດສາທຸກຄົນ ທີ່ໄດ້ຮອຍຍີ້ມນັ້ນໄປ
ເຮຍຢາກໄດ້ຮອຍຍີ້ມນັ້ນ
ຮອຍຍີ້ມທີ່ເຮຍເຄີຍທຳຮ້າຍມັນ
ເຮຍຢາກໄດ້ມັນກັບຄືນມາ ............ ເຖິງແມ້ວ່າມັນ ຈະເປັນຄັ້ງສຸດທ້າຍກໍ່ຕາມ
ເຮຍຢາກໃຫ້ເທົາຍີ້ມ
ຍີ້ມແບບທີ່ເທົາເຄີຍຍີ້ມ ໃນຕອນນັ້ນ................ ຢາກໃຫ້ເທົາຍີ້ມແບບ 3 ປີກ່ອນ ໄດ້ບໍ່?
ເທົາ ເຮຍຕ້ອງໄປແລ້ວ
ໄປໃນທີ່ໆຄົນທຳມະດາໄປບໍ່ໄດ້
ໄປໃນທີ່ໆໄກແສນໄກ
ໄກຈົນເຮຍເອງຍັງຄິດຍ້ານ
ຍ້ານວ່າຖ້າເຮຍໄປ
ເຮີຍຈະບໍ່ໄດ້ເຫັນໜ້າເທົາອີກ
ເຮຍຍ້ານເຫຼືອເກີນເທົາ
ແຕ່ເຮຍ ຄົງຈະເຮັດຫຍັງບໍ່ໄດ້ແລ້ວ ເພາະມັນເປັນສິ່ງ ທີ່ຊະຕາກຳນົດໄວ້....... ກຳນົດ ໃຫ້ເຮຍຕ້ອງໄປ
ແຕ່ເຮຍສັນຍາ ບໍ່ວ່າເຮຍຈະຢູ່ໃສ ເທົາຈະຢູ່ໃນໃຈຂອງເຮຍສະເໝີ ແລະຈະຢູ່ແບບນັ້ນ ຕະຫຼອດໄປ
ຮາຮາຮາຮາຮາ ເຮຍຂຽນຫຼາຍເກີນໄປແລ້ວ ຍ້ານເທົາເບື່ອ
ເຮຍໄປແທ້ໆແລ້ວເດີ ເທົາຕ້ອງຮັກສາສຸຂະພາບແດ່ເດີ
ຮັກໂຕເອງໃຫ້ຫຼາຍໆ
ເທັາຕ້ອງຮັກ Exo ຮັກແຟນຄລັບ ແລະ ຢ່າເຮັດໃຫພວກເຂົາຜິດຫວັງ ດັ່ງທີ່ເຮຍເຄີຍເຮັດມາ ຝາກບອກພວກເຂົາ ວ່າໃຫ້ໃຊ້ຊີວິໃຫ້ມີຄວາມສຸກ ຢ່າຢຶດຕິດ ກັບສິ່ງທີ່ມັນເປັນອາດີດຫຼາຍເກີນໄປ ໃຫ້ທຸກຄົນ ແນມເບິ່ງທາງຂ້າງໜ້າ ແລ້ວ ກ້າວໄປພ້ອມກັນຢ່າງໝັ້ນຄົງ ຄົນທໍລະຍົດຄົນນີ້ ຈະຄອຍເປັນກຳລັງໃຈໃຫ້ ຈາກທີ່ໄກໆ
ເຮຍຮັກເທົາ ຮັກ Exo ຮັກແຟນຄລັບ ແລະ ຈະຮັກຕະຫຼອດໄປ
Kris Exo”
ຄວາມຮູ້ສຶກຂອງເທົາໃນຕອນນີ້ ບໍ່ສາມາດກັກເກັບໄວ້ໄດ້ ຈົນຕ້ອງປ່ອຍມັນອອກມາ ເປັນສຽງສະອື້ນ ຄວາມຮູ້ສຶກດີໆຂອງເຂົາເມື່ອ 3ປີກ່ອນ ທີ່ມັນຫາຍໄປຈາກເຂົາດົນແລ້ວ ໄດ້ກັບຄືນມາ
ແຕ່ ກ່ອນທີ່ເທົາ ຈະຈົມຢູ່ກັບຄວາມຄິດຂອງຕົວເອງ ໄປຫຼາຍກວ່ານັ້ນໝໍຮັນກໍ່ໄດ້ເວົ້າຂຶ້ນວ່າ
“ນີ້ເປັນສິ່ງສຸດທ້າຍ ທີ່ຄຣີສຢາກເຮັດຫຼາຍທີ່ສຸດ ກ່ອນທີ່ເຂົາຈະຈາກໄປ ເຂົາຂໍໃຫ້ຂ້ອຍ ນຳມັນມາໃຫ້ກັບເຈົ້າ ເພາະທັງໝົດນີ້ ຄືຄວາມຮູ້ສຶກທັງໝົດ ທີ່ເຂົາມີໃຫ້ເຈົ້າ”
ແລະ ໝໍຮັນກໍເລົ່າເຖິງເລື່ອງລາວທັງໝົດ ທີ່ເກີດຂື້ນພາຍໃນ 3ປີທີ່ຜ່ານມາໃຫ້ເທົາຟັງ
“ຄຣີສເປັນມະເຮັງກະເພາະ ມັນເປັນພະຍາດກຳມະພັນ ແມ່ຂອງຄຣີສເສຍໄປ ຫຼັງຈາກທີ່ຄຣີສອອກຈາກ Exo ໄດ້ພຽງ4ເດືອນ ທີ່ເຂົາຖິ້ມ Exo ໄປກໍ່ເພາະເລື່ອງນີ້ ເຈົ້າໜ້າຈະຮູ້ດີວ່າ SM ບໍ່ຍອມໃຫ້ເຂົາຕິດຕໍ່ກັບແມ່ເຂົາເລຍ ເຂົາພຽງແຕ່ ຢາກໃຊ້ເວລາຊ່ວງສຸດທ້າຍຂອງແມ່ເຂົາ ເຮັດໃຫແມ່ເຂົາມີຄວາມສຸກທີ່ສຸດ ເທົ່ານັ້ນ
ແຕ່ເຈົ້າຮູ້ບໍ່ຕະຫຼອດ3 ປີທີ່ຕ້ອງຢູ່ໄກເຈົ້າ ເຂົາບໍ່ເຄີຍມີຄວາມສຸກເລີຍ ແລະ ເຂົາບໍ່ມີຄວາມກ້າພໍທີ່ຈະກັບມາ ຫຼັງຈາກແມ່ເຂົາເສຍໄດ້1ປີ ເຂົາກໍ່ກວດພົບສິ່ງຜິດປົກກະຕິ ໃນຕົວເຂົາ ແລະ ມັນກໍ່ຄື່ສິ່ງທີ່ພາກແມ່ເຂົາໄປເຊັ່ນກັນ
ຄຣີສເຮັດທຸກວິທີທາງ ທີ່ຈະເຮັດໃຫ້ເຂົາຫາຍຈາກພະຍາດຮ້າຍນັ້ນ ແຕ່ໂຊກບໍ່ເຄີຍເຂົ້າຂ້າງເຂົາເລີຍ ມະເຮັງຂະຫຍາຍຕົວໄວເກີນໄປ ໄວຈົນເຂົາຕັ້ງຕົວບໍ່ທັນ ໄວຈົນໝໍເອງຍັງຕົກໃຈ ເມື່ອເຂົາພະຍາຍາມທີ່ສຸດແລ້ວ ແຕ່ມັນບໍ່ເປັນຜົນ ຄຣີສຈຶ່ງເລືອກ ທີ່ຈະຢຸດຮັບການຮັກສາທັງໝົດ ແລ້ວເດີນທາງກັບມາເກົາຫຼີ ເພາະເຂົາ ຢາກໃຊ້ຊີວິດໃນຊ່ວງສຸດທ້າຍ ກັບຄົນທີ່ເຂົາຮັກ
ເທົາເຈົ້າຮູ້ບໍ່ ທຸກມື້ທີ່ເຂົາເຮັດອາຫານໃຫ້ເຈົ້າ ເຂົາຕ້ອງສູ້ກັບຄວາມເຈັບປວດຫຼາຍເທົ່າໃດ ຕະຫຼອດຊ່ວງເວລາທີ່ຜ່ານມາ ເຂົາຕ້ອງຕໍ່ສູ້ກັບພະຍາດຮ້າຍນັ້ນ ພຽງລຳພັງ ໃນຂະນະທີ່ເຈົ້າຄິດວ່າຕົວເອງເຈັບປວດ ກັບສິ່ງທີ່ເຂົາເຮັດ ເຈົ້າຖີ້ມຄວາມຜິດທັງໝົດນັ້ນໃຫ້ເຂົາ ແຕ່ເຂົາກໍ່ຍິນດີຮັບມັນໄວ້ ເຈົ້າບອກວ່າຕົວເອງເຈັບປວດ, ເສຍໃຈທີ່ເຂົາຈາກໄປ ທີ່ເຈົ້າຖືກຫັກຫຼັງ ແຕ່ຄວາມຈິງແລ້ວ ເຈົ້າເອງນັ້ນແຫຼະ ທີ່ເປັນຄົນຍູ້ໃຫ້ເຂົາໄປເອງ
ເຂົາຢາກເຫັນໜ້າເຈົ້າທຸກເວລາ ຢາກເຫັນໜ້າເຈົ້າທຸກນາທີ ແຕ່ເຂົາເຮັດໄດ້ພຽງແນມເບິ່ງເຈົ້າ ຈາກບ່ອນໄກໆ ໃນໃຈຫວັງວ່າ ເຈົ້າຈະກິນອາຫານທີ່ເຂົາເຮັດໃຫ້ ແຕ່ເຂົາກໍ່ຕ້ອງຜິດຫວັງທຸກຄັ້ງ
ເຂົາເສຍໃຈ ທີ່ເປັນຄົນເຮັດໃຫ້ເຈົ້າເປັນແບບນີ້ ເປັນຄົນເຢັນຊາ ແລະ ບໍ່ສົນໂລກແບບນີ້ ເຂົາພະຍາຍາມແລ້ວເທົາ ເຂົາພະຍາຍາມ ທີ່ເຮັດໃຫ້ເຈົ້າກັບມາເປັນຄົນເກົ່າ ທີ່ລ່າເລີງແຈ່ມໃສ ແຕ່ເຈົ້າບໍ່ເຄີຍເປີດໂອກາດໃຫ້ເຂົາເລີຍ ແລະ ເຂົາກໍ່ບໍ່ມີເວລາຫຼາຍພໍ ທີ່ຈະຕາມງໍ້ເຈົ້າຂະໜາດນັ້ນ
ເຈົ້າເປັນຄົນເລືອດເຢັນຫຼາຍເທົາ ຖ້າເຈົ້າຄິດວ່າສິ່ງທີ່ເຈົ້າພົບມາ ມັນເອີ້ນວ່າຄວາມເຈັບ ແລ້ວທີ່ຄຣີສພົບມາເດ? ມັນເອີ້ນວ່າຫຍັງ? ຜູ້ຊາຍຕົວຄົນດຽວ ຕ້ອງຕໍ່ສູ້ກັບຄວາມໂຫດຮ້າຍ ຂອງໂຊກສະຕາພຽງຄົນດຽວ
ໂລກນີ້ຊ່າງໂຫດຮ້າຍເຫຼືອເກີນ ເຈົ້າວ່າເບາະ?”
ໃນທຸກຄຳເວົ້າຂອງໝໍຮັນ ມັນເໝືອນກັບມີມີດນັບຮ້ອຍ ນັບພັນ ສຽບເຂົ້າມາທີ່ເອິກຂ້າງຊາຍຂອງເຂົາ
ເທົາໄດ້ພຽງແຕ່ນັ່ງກົມໜ້າ ສະອຶກສະອື້ນ ພ້ອມກັບກອດຈົດໝາຍສະບັບນັ້ນ ຢ່າງຫວງແຫນ ຄ້າຍກັບວ່າຍ້ານມັນຈະຫາຍໄປ
“ຂໍໂທດ.................” ເທົາເວົ້າອອກມາປົນກັບສຽງສະອື້ນ
“ເມື່ອ 3ວັນກ່ອນ ເຂົາພະຍາຍາມໂທຫາເຈົ້າ ແຕ່ເຈົ້າຕັດສາຍເຂົາຖິ້ມ” ສຽງໝໍຮັນອ່ອນລົງ
ຕອນນີ້ເທົາ ເຂົ້າໃຈແລ້ວ ເຂົ້າໃຈ ແລະ ພ້ອມຈະໃຫ້ອະໄພທຸກຢ່າງ ນັບແຕ່ນີ້ຕໍ່ໄປ ເຂົາຈະບໍ່ປ່ອຍມືຄຣີສ ເຂົາຈະເຮັດໃຫ້ຄຣີສມີຄວາມສຸກທີ່ສຸດ ຈົນກວ່າເວລາສຸດທ້າຍນັ້ນຈະມາເຖິງ ແລະ ທີ່ສຳຄັນ ຕອນນີ້ເຂົາຮູ້ໃຈຕົວເອງແລ້ວ ຮູ້ວ່າທີ່ຜ່ານມາ ຄວາມຮູ້ສຶກທີ່ເຂົາມີໃຫ້ຄຣີສນັ້ນ ບໍ່ໄດ້ເປັນພຽງອ້າຍນ້ອງທຳມະດາ
ແລະໃນທັນທີທີ່ເຂົາຕັ້ງສະຕິໄດ້ ກໍ່ປາກົດຮອຍຍີ້ມ ທີ່ເຕັມໄປດ້ວຍຄວາມດີໃຈ ແລະ ເອີ່ຍຖາມໝໍຮັນ ດວ້ຍນ້ຳສຽງສົດໃສໃນແບບທີ່ເຂົາເຄີຍເປັນເມື່ອ 3ປີກ່ອນ
“ແລ້ວຕອນນີ້ເຮຍຢູ່ໃສ? ຂ້ອຍຂໍໄປຫາລາວໄດ້ບໍ່? ຂ້ອຍຈະໄປຂໍໂທດທີ່ເຄີຍເຮັດບໍ່ດີ ແລະ ບອກລາວວ່າ ຂ້ອຍຍົກໂທດໃຫ້ລາວທຸກຢ່າງ ຂ້ອຍພ້ອມທີ່ຈະຢູ່ຄຽງຂ້າງລາວ ຈົນກວ່າຈະເຖິງວັນນັ້ນ ຂ້ອຍ.........ຮັກລາວ”
“ຂ້ອຍດີໃຈ ທີ່ເຫັນເຈົ້າກັບມາເປັນຄົນເກົ່າ ແລະ ຍົກໂທດໃຫ້ລາວ
ແຕ່ເປັນຫຍັງ ຊີວິດຂອງຄຣີສ ຈຶ່ງເສົ້າໄດ້ເຖິງຂະໜາດນີ້? ມີໂອກາດທີ່ຈະໄດ້ຢູ່ກັບຄົນຮັກ ໃນວັນທີ່ຊ້າເກີນໄປ”
“..................”
“ຂ້ອຍຫວັງວ່າ ເຈົ້າຈະໃຊ້ຊີວິດ ໃນສ່ວນທີ່ເຫຼືອແທນລາວ
ໃນມື້ທີ່ລາວໂທຫາເຈົ້າເມື່ອ 3ວັນກ່ອນ................ ຖ້າເຈົ້າເລືອກທີ່ຈະຮັບສາຍ ....
ເຈົ້າອາດ ຈະໄດຍິນສຽງລົມຫາຍໃຈສຸດທ້າຍ ຂອງລາວ”
>>>>>><<<<<<
T^T ຈົບແລ້ວ ຈົບແລ້ວ ຈົບແບບອີລາກອີເລືອ
ເປັນຈັ້ງໃດ? ຫວັງວ່າຈະຖືກໃຈເນາະ
ໃຫ້ພາກັນໄປຈິນຕະນາການເອງເດີ ວ່າອາເທົາຂອງເຮົາ ຈະເປັນແນວໃດຕໍ່ຈາກນີ້
ຫຼັງຈາກຂຽນແລ້ວ ບໍ່ຮູ້ຈະອີ່ຕົນໃຜດີ ເຮຍຈາກໄປ ບໍ່ສາມາດຮັບຮູ້ຫຍັງໄດ້
ແຕ່ຄົນທີ່ຍັງຢູ່ນີ້ຕິເນາະ ເຮີ~~ ເລື່ອງນີ້ ເອົາຄວາມຮູ້ສຶກຕົວເອງ ມາຂຽນລ້ວນໆ ເນື່ອງຈາກ ຄິດຮອດຄຣີສແຮງ
ອິຫຍັງວະ?! ກຳລັງຈິ້ນ ກຳລັງຟິນ ລະວ່າອອກ
ໂອ້ຍຍຍຍຍ ຫົວໃຈບໍ່ວາຍຕາຍ ກະດີຊ່ຳໃດແລ້ວ
ພໍໆໆໆໆ ໄປນອນລະ
ອົດຕາຫຼັບຂັບຕານອນມາ ອາທິດ1ເຕັມໆ ສິວກະຂື້ນພໍສິວ
ຈັງໃດສຸດທ້າຍກະຝາກແນ່ເດີ ທັງເລື່ອງນີ້ ແລະ ເລື່ອງທີ່ກຳລັງຈະຕາມມາ (ຄົນອ່ານ:ມຶງຍັງຊິມີອີກວະນິ!?)
==“ ແຮະໆ ເອົານ່າ~~ ອົດສາອ່ານໃຫ້ແດ່ເທາະ
ໄປລະເດີ ຮັກທຸກຄົນເດີ ຈຸບຸໆ
ความคิดเห็น