คืนค่าการตั้งค่าทั้งหมด
คุณแน่ใจว่าต้องการคืนค่าการตั้งค่าทั้งหมด ?
ลำดับตอนที่ #1 : ການພົບກັນ
"ຂອບໃຈ....ເຖີງວ່າມື້ນີ້ທ້ອງຟ້າຈະບໍ່ອະນຸຍາດໃຫ້ແນມເຫັນດວງຈັນ ຫຼື ດວງດາວ....ແຕ່ກະຂອບໃຈທີ່ຝົນຕົກ"
ຊື່ຂອງຂ້ອຍແມ່ນ ປັ້ນດາວ ນັກສຶກສາປີສາມ ສຸດຫຼໍ່ໃນມະຫາວິທະຍາໄລແຫ່ງນີ້ ແລະ ມື້ຮືແມ່ນມື້ເປີດສົກຮຽນໃຫມ່ເຊິ່ງແຕ່ລະຄະນະຕ້ອງໄປຮຽນກົດລະບຽບກ່ອນເຂົ້າຮຽນ ເປັນຈັ່ງຊີ້ທຸກປີ ຂາດບໍ່ໄດ້ເພາະຖ້າຂາດຊິເສຍຄະແນນຄຸນສົມບັດ
ແຕ່...ຈຸດປະສົງຂອງທ້າວປັ້ນຄົນນີ້ບໍ່ແມ່ນຄະແນນຄຸນສົມບັດແຕ່ຢ່າງໃດ
ລຸ້ນນ້ອງເຂົ້າໃຫມ່ງານດີທັງນັ້ນນນ ນີ້ລະຈຸດປະສົງຫລັກ
ມື້ນີ້ກະເລີຍນັດກັນກັບແກ໋ງຫນຸ່ມຫຼໍ່ 2ດາວ1ເຝື້ອ ເພື່ອອອກໄປລັ້ນລາກ່ອນເຂົ້າຮຽນແນ່ຈັກນ່ອຍ ຫຼັງຈາກທີ່ບໍ່ໄດ້ພໍ້ກັນດົນເນື່ອງຈາກພັກຮຽນໃຜກະແຍກຍ້າຍເມືອເຮືອນໃຜມັນ ມື້ນີ້ທ້າວປັ້ນຊິຈັດຫນັ.....ດ໋ຽວ! ຢ່າບອກໃດ໋ວ່າ
ຝົນຕົກ?
ຢ່າາາາາບອກໃດ໋ວ່າ..."ຝົນຕົກ" ພະອິນ ຝົນ ຝົນອາຫລີ ຝົນເປັນເມັດ ຮ້ອຍວັນພັນປີບໍ່ຕົກພາດມາຕົກມື້ນີ້ນິໃດ໋....
ແຕ່ກະຢ່າຝົນຊື່ໆບໍ່ມີໄມ້ເອກໄມ້ໂທຢ້ານຫຍັງ ເພື່ອຄວາມສຸກກາຍສະບາຍໃຈຝົນທໍ່ນີ້ບໍ່ມີເຄືອງ
ເວົ້າໄປເວົ້າມາແຊັດຫາທີມງານມາດຫລໍ່ກ່ອນ
"2S1C"
@PANDAO: ສູ......ຝົນຕົກ
@PANDAO: ແຕ່ແຜນບໍ່ຫຼົ້ມເນາະໆໆ
@DAOSIN: ຕົກກະນອນ
@PANDAO: ບໍ່ໄດ້ໃດ໋ກູອົດສາແຕ່ງຫຼໍ່
@DAOSIN: ຊັ້ນມຶງໄປຄົນດຽວເດີກູເຂົົ້ານອນແລ້ວ
@PANDAO: ບັກສິນນນນ ໂຕຊິເທເຮົາບໍ່ໄດ້ ນັດກັນແລ້ວໃດ໋ບັກນິ
@DAOSIN: ກູຈື່ວ່າກູບໍ່ໄດ້ຕອບຫຍັງມຶງຊຳ້ ສ່ຽວເມກມຶງພຸ້ນ ກູຫາກະມາຮອດຫ້ອງນິ ເມື່ອຍໂຄດ
@PANDAO: ເອີ.....ມືງຈື່ໂລດບັກວັນສິນ
@DAOSIN: Zzzzz
@PANDAO : ບັກຂີ້ເຝື້ອອອອອ @MEK
@PANDAO: ບັກເມກ ເມຄາ ເທວະດາ ມະຫາເທວະບຸດຈຸຕິ
@MEK: ແຊັດຫຍັງໂພດເຫລືອແທ້ບັກນິ ກູຄາພາລະກິດຢູ່
@PANDAO:ພາລະກິດໃດ໋ຊິສຳຄັນກວ່າກູໄດ້
@MEK: ເດັກໃຫມ່ກູເດັດມື້ນີ້.....ມຶງໄປຫາແນວອື່ນກິນກ່ອນໄປ໊
@PANDAO: ມຶງລືມນັດຂອງເຮົາໄດ້ຈັ່ງໃດ໋
@PANDAO: ສູຈື່ໄວ້ໂລດ ກູຄຽດເດີ້
ສຸດທ້າຍຄົນເຫງົາກະຄືປັ້ນດາວສຸດຫລໍ່ ທັງໆທີ່ຫລີ້ນນຳກັນແຕ່ 3 ຄົນພວກມັນຍັງກ້າເທ ເບິ່ງເອົາ
ເຮີ້........ແມ່ນຕິເນາະເຮົາມັນຫຼໍ່ເກີນເຫດ
ຊິວ່າໄປຕອນຍ່າງຂຶ້ນມາຂ້ອຍກະຕາດີເຫັນມີຮ້ານກາເຟເປີດໃຫມ່ຢູ່ທາງຂ້າງ ລອງຍ່າງໄປເບິ່ງກະບໍ່ເສຍຫາຍກະເທີນໄດ້ແຕ່ງຫລໍ່ແລ້ວ ດີບໍ່ດີລຸ້ນນ້ອງອາດຊິພາກັນໄປນັ່ງຫລີ້ນຢູ່ຮ້ານນັ້ນກະມີໃຜຊິຮູ້
ເປັນແນວນີ້ກະດີຄືກັນ ມື້ນີ້ສາຍດ່ຽວ ຫຼ່ໍຄົນດຽວ ໄດ້ຄົນດຽວ //ຍິ້ມແບບມີເລດສະໄນ
@MyMoon_coffee
ບັນຍາກາດອົບອຸ່ນ ຄວາມຄິດແວັບທຳອິດທີ່ຂ້ອຍໄດ້ເຂົ້້າມາໃນຮ້ານມັນຮູ້ສຶກໄດ້ເຖີງຄວາມອົບອຸ່ນ ແບບວ່າ....ອົບອຸ່ນ
ຂ້ອຍເລືອກບ່ອນນັ່ງຕິດແວ່ນເພາະເປັນຄົົົົົນມັກຊົມວິວ
ມັກສັງເກດ ມັກເດົາຄວາມຄິດຂອງຄົນ ແຕ່ກະໄດ້ແຕ່ເດົາເອົາດອກວ່າຄົນນັ້ນຄິດແນວໃດ ຄົນນີ້ຄິດແນວໃດ ເຖີງຊິບໍ່ຮູ້ວ່າຄວາມຄິດທີ່ແທ້ຈິງຂອງເຂົາແມ່ນຫຍັງ ແຕ່ກະແກ້ເບື່ອໄດ້ບໍ່ຫນ້ອຍເລີຍ
“ສັ່ງຫຍັງ” ສຽງຜູ້ຊາຍທີ່ອອກຈະໃສໆແຕ່ແຂງໆນັ້ນດັງມາພ້ອມທັງຢື່ນເມນູມາໃຫ້ເຮັດໃຫ້ຂ້ອຍເງີຍຫນ້າຂຶ້ນພ້ອມກັບຄິ້ວທີ່ສົນເຂົ້າໃສ່ກັນ ພະນັກງານມາສຽງແຂງຕາຍແທ້ຫວະ
ແຕ່ວ່າເມື່ອໄດ້ສົບເຂົ້າກັບດວງຕາສີດຳທີ່ເປັນປະກາຍດວງນັ້ນ...ຮູບຮ່າງບາງນ້ອຍທີ່ເປັນຕາແພງ...ປາກນ້ອຍໆທີ່ອອກສີບົວໆ...ແກ້ມທີ່ເປັນຕາຢິກ...ດັງທີ່ເປັ.......
"ສັ່ງຫຍັງ!" ສຽງທີ່ຕິດຄວາມຢາກຮ້າຍມານຳນັ້ນດຶງຂ້ອຍອອກມາຈາກພະວັງ ຄັນເວົ້າມ່ວນກວ່ານີ້ອ້າຍຊິເຫມົາມັນເບິດຮ້ານໂລດ ແຕ່ເປັນຕາຮັກ ອ້າຍໃຫ້ອະໄພ // ຍິ້ມຫງຸມຫງິມ ແລ້ວຂ້ອຍຈະຮັບເອົາເມນູມາເບິ່ງ "ເອົາຊາຂຽວບໍ່ປັ່ນ 1 "
"ກິນແອັບແບ໋ວ" ສຽງເວົ້າຄ່ອຍຂອງຄົນຂ້າງໆດັງຂຶ້ນ ແຕ່ກະຄືຊິຕັ້ງໃຈໃຫ້ໄດ້ຍິນຫັ້ນລະຢືນທາງຂ້າງແນວນີ້ຍັງກ້າເວົ້າ ແຕ່ກະຢ່ານ້ອງເປັນຕາຮັກອ້າຍບໍ່ຖື ເວົ້າແລ້ວຄົນໂຕນ້ອຍກະຍ່າງຫນີີີີແບບບໍ່ຫຼຽວຫຼຼັງເລີຍ
ລະຫວ່າງຍ່າງໄປເຄົ້າເຕີ້ຄົນໂຕນ້ອຍກໍ່ພໍ້ກັບຜູ້ຍິງໄວກາງຄົນທີ່ພວມຍ່າງອອກມາຈາກຫລັງຮ້ານ ຄົນໂຕນ້ອຍກໍ່ປັບສີຫນ້າຍັກໆວ່າງກີ້ປ່ຽນເປັນສົ່ງຍິ້ມຫວານໆອອກມາທັນທີ ໃຫ້ຕາຍບາດໃຈເກີນໄປ ອ້າຍຊິເປັນວິນ
"ຄົນງາມມື້ນີ້ເມື່ອຍບໍ" ສຽງໃສໆເວົ້າຂຶ້ນ
ສຽງແນວນີ້ຕະວາຈັ່ງເຫມາະກັບຫນ້າຕາ
"ອ້າວ ມາຕອນໃດລູກ" ໂອະ ແມ່ເຖົ້າາາາ
ແລ້ວສອງແມ່ລູກກະຍ່າງເຂົ້າເຄົ້າເຕີ້ໄປພ້ອມທັງຢອກກັນໜຸງໜິງ ຄົນຫຍັງວະແຮງຍິ້ມແຮງເປັນຕາແພງ
ບໍ່ຮູ້ວ່າໂສກັນຫຍັງ ແລ້ວຄົນໂຕນ້ອຍກະຍ່າງເຂົ້າໄປຫຼັງຮ້ານ ສ່ວນຂ້ອຍກະໄດ້ແຕ່ນັ່ງຍິ້ມນ້ອຍຍິ້ມໃຫຍ່ເມື່ອຄິດເຫັນດວງຕາດວງນັ້ນ ນຳ້ສຽງນັ້ນ ຮອຍຍິ້ມນັ້ນ ທີ່ເຖີງວ່າຈະບໍ່ໄດ້ຍິ້ມໃຫ້ອ້າຍປັ້ນກໍ່ຕາມ
"ຊາຂຽວບໍ່ປັ່ນໄດ້ແລ້ວເດີ້" ສຽງຜູ້ຍິງດັງຂຶ້ນເຮັດໃຫ້ຂ້ອຍສະເດີດ ໂອະ ແມ່ເຖົ້ານິເອງ
"ວ່າງໜຶ່ງກ້ຽວເດືອນເຮັດໜ້າຍັກໃສ່ແມ່ນບໍລູກ ແມ່ເອີ້ນຄ່ອຍໆກະສະເດີດລະ" ແມ່ເຖົ້າຂ້ອຍຖາມ ຂ້ອຍກະໄດ້ແຕ່ຍິ້ມແບບອາຍໆໃຫ້ໄປ ຄົນຫຍັງມາຊື່ມ່ວນແທ້ຫວະ ກ້ຽວເດືອນ
"ກ້ຽວເດືອນ"
"ລູກວ່າຫຍັງເກາະ"
ໄວກວ່າຄວາມຄິດກະປາກເປັນໆຂອງຂ້ອຍນິລະພີ່ນ້ອງເອີ້ຍໄປຫລົງເອີ່ຍຊື່ນ້ອງອອກມາ
"ບ..ບໍ່ມີຫຍັງແມ່ ລູກຂອບໃຈ" ແລ້ວແມ່ເຖົ້າຂ້ອຍກະສົ່ງຍິ້ມຫວານໃຫ້ແລ້ວກະຍ່າງເຂົ້າເຄົ້າເຕີ້ໄປ
ຂ້ອຍນັ່ງຄິດເບິ່ງແລ້ວ ສົງໄສນີ້ຄືຊິແມ່ນນິໄສນ້ອງ ທີ່ແບບວ່າບໍ່ເປັນຕາຮັກໃນສາຍຕາຄົນນອກ ແຕ່ໂຄດຂີ້ອອ້ນກັບຄົນຮູ້ຈັກ ອ້າຍປັ້ນດາວຢາກໃຫ້ນ້ອງກ້ຽວເດືອນອອ້ນ//ຍິ້ມຫງຸມຫງິມ
ບໍ່ດົນປານໃດຄົນໂຕນ້ອຍກະຍ່າງອອກມາພ້ອມທັງປ່ຽນຊຸດໃຫມ່ ສົງໄສເມື່ອກີ້ໄປອາບນຳ້
ນ້ອງອອກມາອອ້ນໃຫ້ແມ່ຫອມແກ້ມ ຮອຍຍິ້້້້້້້້້ມແບບນັ້ນ ທ່າທາງຄືແມວແບບນັ້້ນ ມັນເຮັດໃຫ້ຂ້ອຍຈ້ອງນ້ອງໄດ້ບໍ່ເບື່ອເລີຍ ແຕ່ກໍ່ຕ້ອງຫັນຫນ້າຫນີໄວປະໂທເມື່ອນ້ອງຫັັນມາ ເຮັດຫນ້າຍັກໃສ່ຄືຈັ່ງຮູ້ຢູ່ແລ້ວວ່າຂ້ອຍລັກຈອບ ຫນ້າຍັກໆແບບນັ້ນອ້າຍປັ້ນບໍ່ຢ້ານດອກ (ແຕ່ກະຫຼົບໄວປະໂທ)
ເມື່ອນ້ອງຍ່າງໄປຫລັງຮ້ານ ຂ້ອຍກະນັ່ງຄິດຫັ້ນຄິດນີ້ຕໍ່ອີກຄາວຫນຶ່ງ ແຕ່ສ່ວນຫລາຍກະຄິດເລື່ອງກ່ຽວກັບນ້ອງເດືອນນັ່ນລະເພາະບໍ່ເຄີຍເຫັນ
ແລ້ວກະຍ່າງໄປຈ່າຍເງິນຢູ່ເຄົ້າເຕີ້
"ຊາຂຽວເທົ່າໃດແມ່"
"18.000 ລູກ"
"ລູກຮຽນຢູ່ມະຫາໄລ Q ນີ້ບໍລູກ" ສຽງແມ່ເຖົ້າຂ້ອຍຖາມຂຶ້ນ
"ໂດຍ ແມ່ນແລ້ວ"
"ລູກຮຽນປີໃດແລ້ວ"
"ລູກຫາກະຊິເຂົ້າປີສາມແມ່"
"ແມ່ນບໍລູກ ນິລູກຊາຍແມ່ກະພວມມາແຕ່ຕ່າງແຂວງຊິມາຮຽນຢູ່ນມະຫາໄລ Q ນິລະ ຖ້າພໍ້ນ້ອງໃນໂຮງຮຽນກະທັກນ້ອງແນ່ເດີ້ລູກ ເພິ່ນຫາກະມາບໍ່ທັນມີຫມູ່"
ຂ້ອຍຍິ້ມຫວານໃຫ້ແມ່ເຖົ້າແລ້ວກະຕອບໄປຢ່າງສຸພາບວ່າ "ໂດຍແມ່ ນ້ອງເປັນຕາຮັກເຂົ້າຮຽນແລ້ວຄືຊິໄດ້ໝູ່ຫລາຍ ແລ້ວລູກ(ເຂີຍ)ຊິມາອຸດຫນຸນໃຫມ່ເດີແມ່(ເຖົ້າ)"
ຂ້ອຍຍ່າງອອກມານອກຮ້ານພ້ອມກັບໃບຫນ້າເປື້ອນຍິ້ມ, ແນມທ້ອງຟ້າທີ່ຍັງສາດຝົນລົງມາບໍ່ເຊົາ, ຮອຍຍິ້ມຂອງຄົນໂຕນ້ອຍກະແລ່ນເຂົ້າມາຢູ່ໃນສາຍຕາ ຕອນທີ່ຄົນໂຕນ້ອຍອອ້ນແມ່ ຍິ້ມ ຫົວ ຫຼື ຕອນທີ່ນ້ອງເຮັດຫນ້າຍັກໃສ່
ຂ້ອຍກະບໍ່ຮູ້ວ່າເປັນຫຍັງ...ຂ້ອຍຮູ້ສຶກຫລົງຮັກ ຫຼືຂ້ອຍຫລົງຄວາມຫນ້າຮັກຂອງນ້ອງ
ຂ້ອຍບໍ່ຮູ້ວ່າຄົນເຮົາຊິສາມາດມັກຄົນໆຫນຶ່ງໄດ້ພາຍໃນເວລາອັນສັ້ນບໍ່ ຊິສາມາດຄິດເຫັນທຸກທ່າທາງທີ່ເຂົາສະແດງອອກໄດ້ບໍ່ ແຕ່ສິ່ງທີ່ຂ້ອຍເປັນຢູ່ຕອນນີ້ ຂ້ອຍອາດກຳລັງເລີ່ມມັກນ້ອງພາຍໃນເວລາອັນສັ້ນ
"ຂອບໃຈ....ທີ່ຝົນຕົກ"
.
.
.
.
//Talk
ບາງເທື່ອສາຍຝົນກະບໍ່ໄດ້ໂຫດຮ້າຍສະເຫມີໄປ
ບາງເທື່ອເລື່ອງຂອງໃຈກະບໍ່ໄດ້ຊັບຊ້ອນ
^^ ແອບແຕ່ງເລື່ອງທຳອິດ ຖ້າໃຜໄດ້ອ່ານມີຫຍັງກະຕິໄດ້ເດີ້
"Littlepiig1"
ความคิดเห็น